#محطه -شوك 🚷
جمعه مباركه 🌸
بقلمي ...ايات احمد
************************************
الجمعه2015/1/3 صباحا
يوم جمعه كعدت على صوت لغوه وهوسه بلبيت ..فگمت لبست شالي تاطلع لفت انتباهي عمر ديخابر ومخبوص شكله مخطوف ..طلعت بساع صارت گدامي زهره سألتها شكو وگالت
زهره .....اليوم الدوله الاسلاميه اخذو معبر خالد .... صدك!
-ايي والله...دنحجي واجه عمر
وئام.... عمر صح هاللحجي..مسح ع وجه وهز راسه ..يارببي لطفك زين شوكت
عمر ...اليوم الفجر لان مطر وضباب وطيران ماكو فأستغلو الوضع وهجمو واخذو
صباح..وشخذو انوب عدا المعبر
-تل الورد ووملا عدالله وحقل خباز
-والله ويعرفون شيستحللون مليانات نفط ..چان عمتي اصيح بيهم شهسوالف لايروح احد ييسمعكم استرو عليا .. ادري يايمه قابلهم واكفين وره الباب ..موقصه واكفين وره الباب بس الحيطان الها اذان بهالاثناء فاتت سناوه مرت صباح جان يغمزلها وغيرو الموضوع ..عاد من طلعت گالها
صباح..يمه عيب هسع تسمعج عبالها تقصدين اخوها
-قابل جاذبه اني الكل يعرف وياهم. ومبايعهم مو هسع من زمان هم
عمر ...ميخالف عاد خما تروح اتفتن عليا
ام عمر ...باااااطل سوووها علي سالفه هسع ياامي. لاسولفون جدام الرايح والراد وفضوني تره والله گلبي طاگ من الهموم موناقصني ..اووف هسع بس انت لو راد لبيتك چان اني ارتاحيت ..دنگ وباسها لاشيلين هم يالحنينه انشالله سهله بعدها الاشتباكات مو فاضه انشوف اشلون تصير
عفنتهم يحجون ورحنا اني وفاء مرت ابو رعد وبناتها ع المطبخ جانو سناوه وومها يحضرون بريوگ ساعدناهم وبدينا ننگل بس بيومها محد مااكل اصلا منو اله نفس واحنه مصيرنا صار شبه مجهول
ام عمر ..اگول رعد
رعد .. ائمري حبوبه ..بعد حبوبتك ماتخبريلي ابوك شوفو شعندو ضال غادي وحدو خل ايعيف المحل خما روحو بي طز بكلشي لايصير عليه شي خلو يجي ..
-خبر هو گبل شويه وكال الوضع بلقضا حيل موزين والدواعش يفترون بشوارع ومايخلون احد يطلع حت المحل مفاتحو اليوم ..فگاللنه ضلو منهين للعصر اشوف شون تصير لو اني اجيكم لو انتو تجوني ..فاللعصر مكدر هو يجي ف هم راحولو لان عائله عادي يفوتوهم
مر اليوم كله مشفت عمر گضاها بربعه هو ولد عمومتهم يباوعون للاخبار...واحنه هم مگابلين الاخبار وكاعدين بوقتها جان تغطيه للا شتباكات بين الامن و دواعش داخلين بعماره بكركوك فدنيا مگلوبه عليهم وكل القنوات مسويه تغطي لحد مافضت المغرب والحمدالله گدرو الامن يسيطرون ع الوضع وياخذون العماره
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
