# محطه -شوك 🚷
بقلمي ...آيات احمد
صباحكم خير 😊
#3
وصلنا قبل الغروب بشويه..والعييله كلهه جانت واكفه بلحوش تنتضرنه واخذونه بلاحضان والمباوس ..كلش مشتاگيلنا واحنه هم ...صار اكثر من سنه مجايين ..قبل 5اشهر ع اساس نجي بس بوقتهه طلعت حامل وعلمود الطريق طويل مگدرنه كلنا خاف موزين ...وانوب صارت هاي الاحداث فمصارت فرصه نجي..
بعد ماسلمنا ع الكل فتنا ع الربعه نسلم على عمي ..اباوعله نايم ع جربايه وكلش واضح علي التعب والمرض...
اول مشافنه راسا رفع راسه وصار يحاول يگوم ودموعه تجري ..عمر طلع يركض علي وحضنه وگامو يبجون ثنينهم ..واني متحملت منشفتهم هيج گبل نزلت دموعي ..خطيه كولش كسر گلببي ..بلگوه يلله فاككوهم وعمتي گامت تحجي موزين ودنيا غروب ..
عاد تقدمت علي وبست راسه ..خطيه كلش فرح واخذ الجهال بحضنه ويبوس بيهم...گعدنه وبدو ييتفسرون ع جيتنه وخما احد اتعرضلكم ومن هالحجي وعمر هم بدا يعاتب بيهم لان مگالوله من اول ماعرفو بي مريض
الحجي...يابه موصوج احد اني الماقبلت ينطونك خبر..اخاف عليك ياوليدي انته شرطي ..ذوله دم سنونهم الشرطى هسع (هسه) لبين ماوصلتو بسلامه الف موته متنه حاطين ايدنه ع اگلوبنا
عمر ...ميخالف عجل لو صايرلك شي لاسامح الله ماحالل روحي ولاااحاللكم
الحجي ..يايابه عاد تابع هراحو قابل شني..عاد گام عمر وباس راسه لايابه لاتگول هيج عساك ذخر انشالله .
بااجر بخير ناخذك لطبيب ويسويلك تقرير وبعدها انشالله حضر غراضك وناخذك معانا غادي(هناك) الدكاتره زينين مو مثل هين ..
لابالله ماطلع هي موته موته اموت بيتي اني اعرف روحي مامنها ليش اعذبكم وتعذبوني..
وئام ...لااعمو عمر طويل انشالله لتحجي هيج ناخذك ونعالج وبعون الله ميبقي بيك شي ...راد عمر يرجع لنفس الموضوع ويقنع عمو بس ابو رعد اشرله بمعنى بعدين وهم عمو غير الموضوع وسألني
– اي يمه انتي شلونج شلون اهلج
والله كلهم بخير ويسلمور عليك كولش هوايه
وعمار گال وصلوله سلام خاص وگلوله لو ماهاي الاوضاع وتعرف بشغله وعليهم انذار ميگدر ينزل جان اجه ويانه بس اليوم الصبح التحق..
عمر ..يي والله نمشي ويوصونه بسلام للكل فردا فردا
الحجي ...لايمه شيجيبه هو هم ضابط يروح يصير علي شي بس سؤالهم كافي ..اني عمر موراضي على جيتو ..منهين الوضع موزين ومنهين انتي حامل وروحج طالعه
عمر ...والله تريد الصدگ اني من دريت گلت اخذ اجازه يومين ولاجيب وئام ولاجهال ..واجي بخير اخذك انتى والحجيه ونرجع..بس وئام ماقبلت الا تجي وياي تشوفك وتشوف الاهل
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
