بقلمي ...ايات احمد
محطه شوك 🚷
ميلو بينه بلله يل شلتو النعش ..ميلو بينا
ميلو بينه نودع اهلنه …
وعادة اليرحل يودع اهله ومن صورهم يمله عينه …
ميلو بينه الشوك هزنه الحضن امنه ذيج الحبيبه الحزينه …
كلمه منهه وكلمه منه حيل مشتاكين واشتاكة حجينه …
ميلو بينه العند امنه …
بس نوادعها بحجينه …
ميلو بينه وشدعواكم ولو نضره … ولو لمسه …
انحني بيهه اجفوف ايدينه …
وانتواهب اخاف زعلانه علينه …
البيت اهلنه نودع ايامه وسنينه …
ميلو بينه الفرع اهلنه …
حيل مشتاك لمشينه …
ميلو بينه لحي حبيبتنه الحزينه …
بلجي لو شفناهه مره ارواحنه ترجع علينه …
ميلو بينه وعلى بريمه … (بريمه القريه التي يسكنها الشهداء وهناك استشهدو)
هناك يمنه اعتاب يمهه …
هناك يايمه ارتمينه …
هناك زلهه الماحمانه وخان بينه … (زلهه مفردتها زل … وهو نبات ينمو في المستنقعات المائيه وكان الشهداء مختبئين فيه)
هناك صار فراك يمه …
هناك ضيعنه خوينه …
وينو اشو مابينلنه …
وينو اشو مامر علينه …
مودع ودرب السلامه …
وبس اخاف الذيب يوكع بيد شاة ايضل رهينه …
ميلو بينه …
واخاف يخلص ها لنهار وهذي اخر ليله هينه …
ميلو بينهوعالجسروكفونه لحضه …
جنه هين ازغارنلعب ياحضنه طينه …
ميلو بينه وفررونه بهالحويجه …
وعالمنازل دار دار …
وكولو لتراب الحويجه ايون علينه …
واحجو قصتنه الولدكم …
واحجو حضكم …
وكولو للاجيال ماخنه وفينه …
وكولو للاجيال ماخنه وفينه …
قصيده عن لسان شهداء الحويجه
صار الغده وهي ملفلفه ومسويه روحها نايمه من الهبطه خطيه مابيها تگوم ..بس شسوي الرايح وجاي يسال شبيها خاف يعرفون فرحت قنعتها وگتلها تگوم ...راحت هي للتواليت واني طلعت ويه البنوات نصب غدا ويه ماشلنا المواعين ونگلناهن للبيت صارت بوجهي زهره گاعده على عتبت الباب تبجي بعلو حسها وابورعد گاضب المبايل ويصيح
-هي رعد يووول انت شتگوووول
اهجس رجليا معد اشيلني واني ادحگهم شلون مخبوصين وملامح الصدمه بوجوهم ..زتيت البيدي وطلعت اركض على زهره ..اريد انطق واگللها شبي لساني اربط ..حضتني وتناشق بلگوه ينفهم شتگول ..
-مامات وصل وصل رعد سالم
حضنتها وگمت ابجي وياها واشكر رب العالمين الماخيبني من دعيتو ووصلو سالم ..بوكتها وكانو بير وشالوني منو شگد جنت خايفه علي ومن الملامه لو صار بي شي واولها ملامتي لنفسي ....لان ماحجيت وگتلهم
ـ صباح..يعني تدرن بي عبر وماسولفتن!
رفعت راسيزلگبت الكل صافن بينا ومتافجئ ..بلعجل نزلت عيني ماعرف شگول ..صاح ابورعد
ـ ابورعد....ها يمه هذي الامانه الامنتكم بيها عجل يطلع ويصل وانتو مالكم علم ..ونتي وئام موتگولين الصبح شفتو طلع شلون !؟ وهو ماشي بأول الليل شلون ماحسيتو بي!
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
