محطه شوك 🚷
بقلمي ...ايات احمد
جنت ليا الاهل انت وجنتلي البيت
وبس انت الجنت بدنيا عاجبني
وجنت انت التذوب گلبي ولو عديت
واطيحن لو عيونك مره تمضرني
جم مره الوكت يجرحني متأذيت
بس زعلك علي الجان يألمني
بشر غيرك ابد بگليبي ماحطيت
وكل واحد بعد بدنيا ماهمني
جنت بعيني ليلى وجنت جوليت
وجنت انه قيس ورميو بذني
وثرت گبالي عبله ولله لو مريت
اصيرن عنتره وابن امه اليگضني
شجاك تغيرت وبروحي ماخليت
بس حسره ودمع وجروح اذتني
وشجاك تغيرت صدگني ماضنيت
تنساني بسهوله وتبتعد عني
اشتريت محبتك بلغالي گلي شلون
بفلس ونص محبتك هسه باعتني
ياذنب الجنيته كلي وشسويت
حتى انت بعذابي لوحدي تتركني
مسائكم عافيه 🌸
انطيتو وگفت بسدو ماسمعت شگال بس وجهو گام ينطي الوان ...
ـ صباح ...بچله عليك گول غيرها اخوي. ..عمر ذبحو الدواعش شلون معاهم
ـ عمار ..اطمئن سالفه تشابه بلاسماء مو اكثر ...تعرف ابن عمك وعمر نفس الاسم ونفس العشيره والمنطقه بس اسماء ابهاتهم تختلف فصارت خربطه لهيج بيومها ماطلعو رعد..
ـ صباح..يعني هسالفه من ذاك الوكت
ـ عمار.. بضبط ...بس اني ماگتلكم حتى لاينشغل بالكم ..بس بعدين گلت خاف تعبرون وماريدكم تدخلون بسين وجين بوقتها الضابط جان صديقي كلش وگدرت اطلع رعد بدون متوصل للجهات اكبر وشغله ثانيه شفعله انه طالب ...فلأريده منكم لمن تطلعون تنطوني علم ..علمود ارتب الموضوع وماخليهم ياخذون الجناسي منكم واطلعكم گبل
طبعا هالموضوع جانه صفح لان بهالفتره الولد جانو مهتدين على الطلعه بعد ماشافو اغلبيه الناس طلعت وخاصه قريتنا ضلو جم بيت بس عمتي ماقبلت تطلع تخاف عل ولد وهسع بعد ماصارت هسالفه قفلت بعد اكثر وهما هم صرفو نضر ع الموضوع ..وحنه هم گطعنه نفسنه من الطلعه فضلينا على امل ننتضر الجيش يطب ويحررنا
بس طبعا هالحجي لفتره وهم ردينا نفتح الموضوع ..اصلا صار عباره عن موضوع روتيني يوميه نحجي بي.. بس ماعدنا جراءه وانفذو ..
صرنا يوميه الصبح نگعد ونلگي عيله عابره وعمتي تلح ببو رعد وابو مؤمن يجون يعيشون يمنه ..لان غادي بلقضا قصف مومثلنا احنه بس نسمع صوت اما يمهم اغلبيه البيوت والمباني وگعت...
بس مايجون يخافون على بيوتهم لايطلعون ويتفرهدن ..اي واحد يغيب عن بيتو عبالهم عبر يفوتون وياخذون كل قراضو او يسكنون بي
تاهت مانعرف الفرهود من الدواعش لو من اهل المنطقه يعني ااحنه يش وبيش مانعرف بيا لحضه نموت وهذول بالهم البوگ والحرام
...اكو چم عيله من عمامهم طلعو بس تبهدلو يگولون يوميه جارينا من المخيم وويحققون وياهم وهم خطيه ضلو بس مو شهر بسجن اول ماطلعو عبن ابن عمهم داعشي ومو شلون ماچان هو امير
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
