محطه شوك 🚷
بقلمي .....ايات احمد
سيبعد الله هما كان يشقينا
ويملى القلب فرحا ويرضينا
فكلما اشتد هذه الليل من الم
اتاه فجر جديد من امانينا
مسائكم فرح 💙
-الله يبشرك بلخير وحدر بلعجل وجه يمشي بجانبي وحط المبايل على اذني ..رفعت راسي ولساني ثگيل مايگدر حت يتحرك وينطق بس جانت عيوني تسأل شنو سبب فرحتو هذي وجاني صوت ..ردلي الحياه منجديد
سيف ....الو ماما تسمعيني
من سمعت صوتو وكأن واحد ضربني على راسي نصدمت وماحسيت بأي شي وفقدت ...
ماعرف شگد وفتحت عيوني ادحگهم كلهم ملتمين فوگ راسي واليذب مي واليسطر بيا راشديات تااگعد
فتحت عينى بلگوه دايخه وراسي ثگيل جنت خايفه لايطلع كل هذه حالم ماجنت اربد اصحى ..
لهناك صفه راسي وگمت اسمع هوستهم ..اليصيح الحمدالله على سلامتهم واليبارك ومكيفين فردنوب ....يعني الحمدالله طلع موحلم وجهالي صدگ بعدهم يشتمون الهوه
من فرحتي مو مصدگه واحس بلساني انعگد..اريد انطق ماگدر ..ضليت بس اشهگ بصوت عالي
ـ ام عمر ...اول بنيتي ربچ حميد سلمهم ....يول وئام ربچ دحجلج ..حاضنتني ومخليه راسي على صدرها وتبجي وتججي...فات رعد
ـ رعد..وين وئام يلا بلعجل هيري اهلج ع المبايل
ـ ابورعد ..ابوي ابوي ماتگدر ترگي متشوف حالها جيبو هينا
ـ رعد..لاهين ماكو شبكه تگطع خلي تطلع بچول ع الاقل ..
ماصدگت بلعجل تلفعت وگمت ويه ماوگفت دخت ..گضبتني وفاء سندتني ومشيت ..دحگت صباح واگف فوگ لجربايه واشرلي بمعنى تعالي
ـ ابورعد ...اول هين هاوين راگي ..استرعلينا لايروح احد يشوفك ..شلون يعني احنه مانرتاح نطلع من مصيبه نفوت بثانيه
ـ صباح..محد يشوفني المبايل وحاطو جوه اللفاف وبنص حوشنا من يشوفنا ..يالله وئام تهيري بلهجل..
اخذت المبايل منا وخليتو جوه ملفعي وگلت الوو..اول ماجاني صوتهم انهديت بالبجي..يحجون وياي يردون بس يسمعون صوتي ماكوو ..عاد امي جرت المبايل منهم
-يوم وئام لاتبجين هيانهم جهالج بصفي كلشي مابيهم من وصلو سبحتهم وغيرت ملابسهم وگاعد اريگهم ..احمدي ربج بنيتي وانتي هم كلها فتره وتعبرين انشالله وتلحگينهم ...
چان الاتصال حيل يگطع ويادوب ينفهم الصوت بعيد وكلمه تنسمع وكلمه لا ..بس گتلها گليلي شوصلهم يمكم شلون ..گعدت امي تسولفلي و
گالت لمن طاگ اللغم وصايره الهوسه والركض مچلبين بغير حرمه عبالهم انتي. ..وهي هم عدها كومه جهال وممتبعه عبالها من جهالها وماحاسه بيهم من اللبكه لحد ماوصله هناك ومدحگتهم ذوله غربه وماتعرفهم..
أنت تقرأ
محطه شوك(مكتمله)
Mystery / Thrillerيقال ان الحياه رحله ولاستكمالها لابد من التوقف في بعض المحطات اجبارا.. قصه حقيقيه واقعيه لفتات من سكنه بغداد تهب بها رياح القدر.لتضعها في درب الشوك (آلحويجه).وتنفيها الى زمن انتشر فيه الضلم والطغيان واصبح فيه نحر الانسان حلال واعادو حقب العصور الاول...
