محطه شوك(مكتمله)

Part 7

محطه شوك 🚷
بقلمي ...ايات احمد
مسائكم سعاده بأذن الله 💕

................................................................

مر بينه اوخذاك الموت وتعده
ياموت اعلى هونك سيفك اشحده
احباب اوكعدنه اوكلنه ملتمين
طبيت اوخذيته او خربت الكعده
تطب دومك غفل يمفرق الاحباب
وتخلي الناس كلمن دمعته ابخده
شاهر سيفك او تفجع بالولايات
ولا فديوم سيفك بايت ابغمده
وياموت اعلى هونك تدرى بينه اضعاف
لو ماتنه واحد حيلنه ايهده
وياموت البشر من عاطفه او احساس
من دم ولحم مو من صخر جبده
ولو ماتنه ميت مو سهل ننساه
تذوب ارواحنه وتتكطع الفكده
او احدنه كضه من مرادف الصدعات
جثيرات النوايب ضاعت العده
والراحل تركله بكل كلب بصمات
بذر بذرة محبة وشجرته امورده
سواليفه هلك ما اظن لينه اتعود
واظن مهرك خذاك او ما بعد رده
وضلينه نتاني امجذبين الصار
اوئيسنه صدك من طالت الليل
وصعبه على الدفان من يرجع بوحده💔

اخر مره ضغطت على نفسي جثير وغمضت عيني وبلعت وجعي ووگلت بداخلي يامسهل وصكيت  على اسنوني وفعلا سهل وگمت اسمعهن يصيحن عفيه عفيه وسمعت صرخت الجاهل وبعدها فقدت من التعب و الألم اصعب لحضات حياتي الم روحي والم جسدي بنفس الوكت

بعدها الجده انطت البنيه لسناوه وضربتني ابره وبدت تنضفني واني فاصله لابيا احرك ايد ولااشيل رجل وبس دموعي تجاره لهناك وحسيت عيوني  غوشت صوت سوالفهن  صار بعيد وبعد ماحسيت بشي للمغرب ..

فتحت عيوني  ورجعت بيا ذاكرتي بكل الصار تمنيت. كل هذه يطلع حلم لمن صحيت .....

اسمع صوت نعي عمتي  بجي النسوان والهوسه بديت. ابجي بشهگه بدون دموع ...جان اكو نسوان يمي بلغرفه جني يتراكضن ويواسن ببا عفتهن وگمت صاحن وراي وين ومدري شننو ماهتميتلهن  توجيت ع الحايط وفتحت باب الغرفه جانت عمتي كاعده بلهيوان(هول)

عفت الكل وتوجهتلها لان حسيت هي الوحيده التحس بشعوري اول ماشافتني. وصاحت

ـ تعالي يلمثبوره ارهامو(اثاري) طلع جايبج وجاي تايرملج وييتم جهالو ...جنت اريد اخلي راسي بحضنها وابجي بس ليم عتبت الباب وگعدت ماضل بيا حيل  وحجيت بصوت مبحوح يادوب ينسمع

ـ والله ياعمه من يوم وعيت على هالدنيا واني يتمه بس  ماحسيت بيتمي الا اليوم ..يتمني وراح جان ابوي واخوي وسندي عافني وراح

-ول يمه جان المفروض هو يكف على گبري جان المفروض يعزونو بيا مو يعزوني اني ول يمه وليدي شجابك ماتگلي ...ول عندي لو العمر كلو ماشوفك راضيه بس اعرف بيك طيب وخشمك يشم الهوه ..

ام اكرم...امانتو ياخذها ايمت مايريد مايجوز سوين بروحج هيج يااامي وحضنتها والحبايب هم  اجن وگومني وگامن يحجن ويصبرن بيا ويگولن وكت غروبومنهين نفسه موزينلج  الحاصل  اخذني للغرفه  يصبرن بيا  ويواسني واني دموع تتتجاره

 

گاعدين وجان نسمع صوت صياح وهوسه وگام صوت فشگ.بلحوش جانو الولد جعد ينصبون الخيمه هم ولدعمهم. ...طلع الكل يتراكض حت يشوفون شكو اني ضليت بنفس مكاني مابديت ساكن تعب گلبي من الهبطات ...لباب الهيوان ورجعوهن الولد ودفعوهن وسرگو  الباب ماقبلو يطلعن بس عمتي ونسوان الكبار طلعن  ...

ضلينا مهبوطيين ونترقب شعدهم الدواعش دمو الحوش خير شيريدون منا بعد  وجان نسمع صوت عمتي تصيح ....

ـ تعرس عليج ياثويلث  ويلادج راح يذبحونهم بنفس اليوم هن هيج سمعن وجان تگب العيطه وكلمن لتهتت بروحها لان اخذو زلمهن وصارت هرجه منا البنات بعيطن ومنا عمتي تخبلت ونسوان يهدن بيهن  اني جنت گاعده ومخليه ايدي على گصتي ومدنگه اجوني سيف ويوسف طبعا من البارحه مشايفتهم جانو بيد زهره طول الوكت بس هسه اللتهت بامها وعافتهم ...

اجت سياده حت تاخذهم اشرتلها  بمعنى عوفيهم. خطيه جانو معرتين ببا ويبچون. حضنتهم وزدت بلبجي وياهم ...

شويه وخشو عمامهم وبدو يهدون بيهن وحجولهن ماكو شي. اخذوهم عبن مايريدونهم يسووون فاتحه ....

ام عمر ...خسرت وليدي واني يگلولي راح يجي ...هذوله هم عينن اخوهم راحو وبعد حصوه بمي ...اجاها اكرم دنگ وباس راسها ..

ـ حبوبه والله ماسولف  هيج ذانه عبن اهديج بس والله اخذوهم عبن الفاتحه تاميسوونها هسع خابرت كريم غادي بلمقر وهو السولفلي .

ـ ابو محمد (رجل سليمه ) .... دگولي يالله عمي هذه شاربي مو علي ومانحسب ع الزلم اذا مو منهين لشواي ماتهجسينهم الا فوگ راسج هين الولد لحگوهم هسع يجيبونهم ويجون ...

من حجى هيج صح هدئ الوضع شويه بس مابطلنا بجي احنه نجوينا قبلها لهيج موسهله نصدگ نفس  سالفه عمر هم عساس اليوم باجر يطلع ماحسينا  الا وخسرناه ...بس الحمدالله مرت تقريبا ساعتين وجان نسمع صوت لقلقه وحركه فتحت سياده البرده جانت تگول

 

ـ هين جوو خوالي ورعد معاهم ...الكل  حفزت منمكانها تشوف شكو وفتحن الباب وطلعن يتراكضن عمتي ونسوانهم وجهاللهم يحضنن ويبوسن بيهم ..

اني جنت بمكاني گاضبه جهالي  وادحگهم ودموعي تجري جانت غصه بداخلي واني اشوف جهالهم فرحانين برجعتهم موحسد لاوالله  اصلا رغم شگد جان گلبي ملجوم بس فرحتلهم من رجعو لان اني اكثر وحده  بالعالم تعرف شنو يعني الفقد وشنو الواحد يحس لمن يفقد احد عزيز على گلبه فشعور الجاي احسو ماتمناه لعدويني ... بس تمنين كون مثلهم هم عمر رد بساعتها وفرحنا اني وجهالي وماصار كل هذه

 

التمو الولد وگعدو ع الصبه (عباره عن صبه مربعه بنص الحوش ..)وحاوطو عمتي ...اجت عيني ع رعد مدري شهمس لامه شوهاي وجها گام ينطي اللوان ومعد تگدر تسند طولها وبنفس الوكت سمعت حبايب عمامهم جانن بلهول وراي يگولون هشكله الله يساعد گلبهم على هالفاجعه الاب والابن بنفس اليوم....ضليت مصدومه من السمعته هذني شيقصدن  وجان يجيني صوت ابو رعد يصيح ولكم هييين بلعجل هيرو  جيبو مي وگاضب عمتي بين ايدي فاقده  والبنات يلطمن

للحكايه بقيه .....

باچر بأذن الله البارت حيكون طويل

تصبحون على خير بقدر التصويت اليوصله البارت 🌚

قراءه ممتعه ...