محطه شوك(مكتمله)

part 26

بقلمي ...ايات احمد

محطه شوك 🚷

مساء الخير 🖤

مررتُ بدارِهم شوقًا إليها
لعلِّي ألمحُ الأحبابَ فيها
فما من نائمٍ في الدارِ يصحو
وما من زائرٍ يدنو إليها
سألتُ الجارَ : ماالأخبار قل لي ؟!
فقالَ: الدارُ أبقى من ذويها
أما تعلم بأنَّ الناسَ تمضي
وأنَّ الدارَ تنعي ساكنِيها؟

    ادحگ ع العداد واحسب الوكت بثواني شعور غريب شوگ على لهفه على توتر واهلي كل شويه يخابرون ويسألون عمار اذا وصنا  اخر شي گال هيانا يمكم بينا فد فرعين ونصلكن احسهم مو فرعين صارن شطولهن اول مالفنه ودخلنا راس الفرع تلگانه عامر هو وفيلق جهال كامل وراه ويمشي وياهم گصاب گايد بيدو جبش شكبره بلگوه يگود بي من گرونه بطحو من گرونه هو والاگصاب ..وگفنه تابذبحونو جدام السياره ..

حدر عمار والولد وضلينا بس النسوان بلسياره

جت عيوني على سيف يوسف حياتي شلون لابسين وكاشخين واكفين بصف خالهم ينتضروني ناتحملت زتيت نونه ع البنوات وحدرت ..

من شافوني جوني يتسابقون نزلت على ركبي وحضنتهم ثنينهم ابوس هذه وارد ابوس الثاني واشتم بريحتهم افيششش هسه ردت روحي ..شگد جنت مشتاگتلهم ماخليت مكان مابستهم بي ابوسهم واشتمهم وابجي وهما هم مجلبين بي ويبجون الا عامر جه ورفعني من ايدي وضمني لصدرو واني مستمرة ابجي رد وخرني من حضنو وفرك عيوني ورد دحگ بعيني وگال..

-يلا شو كافينج بجي وامسحي دموعي وامشي نفوت للبيت امي ناذره تتلگاج بجكليت اول ماتخطين عتبت الباب..

هزيت راسي وبتسمتلو ورد باسني من راسي وسحبني لحضنو ومشينا وسيف ويوسف لازمين اديه ويمشون وياي

اول ماوصلت الباب صارت بوجهي سجاوي تلف بملفعها تريد تطلع عاد حضنتها وامي جت واكفه فوك راسي وطش جكليت والجيران كلها واكفه على بوبها وادحگ علينا.

شعوري ماينوصف وسعادتي ماتتقدر واني اشوفهم بعد كل هشوگ والغياب لحضات حلوه وماتنسي للخلا وبلمخص لمن دخلنا ع الحوش وحضنت امي وگعدنه بلگاع جنت من زمان انتضر اليوم الي ارمي بي بحضنها واشكيلها فدفنت راسي بحضنها وانفجرت ابجي واگللها

-يوم لو تدرين اشكد اشتاگيتلج وشگد جنت محتاجه ارمي بحضنج هيج واگلج يوم راح راعي بيتي راح ويتمني راح الجان غانينا ع دنيا ومابيها واحجيلج بعد ماراح شلون غيابو هدني وخذ من حيلي حيل واشكيلج ع الصار وياي ونتي تواسيني ...لحضتها نفضت البگلبي نفض اذكرت ذاك اليوم الشؤم بكل تفاصيلو ابجي واحجي بعلو صوتي وامي حاضنتي وتبجي علي بچاي ومو بس امي عمتي وجناينا وسجاوي كلهن محاوطتمي ويبجن ويگهدن وگانو اسم الله عليكم هسه وصلت جنازتو ..محد ادخل وحاول يسكتنا الباقي كلهم واكفين ويدحگون خلوني على راحتي لحد ماكتفيت وسكتت من حالي