بريئة في جهنم🔥❤️

البارت العاشر😍

بعد مرور أسبوع علي ابطالنا لم يحدث به شيئ يذكر فمازال طمع اعمام تيا فكثفوا عمليه البحث عليها و ايضا يحيي الذي كان يطمع لانتقامه لحبه وعشقه لها طيله سنوات ، حسن الذي كان ينتظر روئيه صغيرته بفارغ الصبر لا يغفل عن انتقامه الذي ارق مضجعه سنوات طوال، سليمان منهك في عمله يراوده حديث طفله عندما كانوا في المستشفي مع امنه فيبتسم بمجرد تذكر مشاكستها و ضحكها و لكن سريعا ما ينهر نفسه متذكرا عهده مع نفسه أن يعيش لطفله ونفسه فقط ، تيا و بنات دسوقي و زوجته يترددون علي زياره امنه التي يتحسن حالتها حتي جاء يوم خروجها من المستشفي
.........................................
مصيبه ، مصيبه يا رأفت و حلت علي دماغنا ، كان هذا صوت عزت و هو يدلف الي أخيه في مكتبه صباحا و علي وجهة ملامح الحزن
رأفت : مصيبه ايه علصبح يا عزت مالك داخل بزعابيبك كده ليه
عزت بلهاث : كارثه يا رأفت شركه المواتير الالمانيه لغت الاتفاق و فسخت العقود و ده معناه انها مش هتوردلنا شحنه مواتير المكن المفروض تسليمها اخر الشهر و ده هيحطنا في وش المدفع مع المستثمرين الي حاطين فلوسهم في المشروع ودول مبيرحموش
رأفت هب واقفا بحده : لغوه ازاي هو لعب عيال فين الشرط الجزائي انا هخرب بيتهم ، ثم رفع سماعه التليفون : هبه ابعتيلي مدحت مدير الشؤون القانونية
هبه : حاضر يا رافت بيه
عزت بخوف و توتر كعادته : هنعمل ايه في المصيبه دي يا رأفت لو المكن ده مشتغلش في المصنع علي أول الشهر محدش هيسمي علينا و الجمل لما بيقع بتكتر سكاكينه غير كمان اخوك الي متجوزش عليه غير الرحمه ادي للكل قلم يلوح كتب كل حاجه باسم بنته واديها هربت مننا وانت الي اديتلها الفرصه انها تهرب كنت فاكر انك هترتاح منها متعرفش انها مشيت و خدت كل حاجه و كل الي عملناه طلع علي فشوش
رأفت بغضب ووجه متشنج : انت هتندب يا عزت زي عادتك و طالما مش عاجبك الي عملته كده معترضتش ليه ساعتها ولا علشان مصلحتك ، اسمع يا عزت يا اما تسكت و تفكر معايا هنخرج ازاي من المشاكل دي يا تخرج من هنا و مشوفكش تاني ، أكمل ساخرا : بس ساعتها مترجعش تعيط و تقولي يخويا خرجني من السجن و طبعا ساعتها سهي هانم بنت العز والاكابر مش هتقبل أن جوزها وأبو ولادها يبقي رد سجون ونصاب و نفس الوقت مش هتضحي بالثروة الي ابوها سيبهالها عشانك و انت عارف كويس انك بالنسبالها ابو ولادها بس فهتخرجك من حياتها في ثانيه و ساعتها مش هيبقالك حد
جلس عزت علي مقعده بشرود في كلام رأفت نعم فهو محق أسرع رادفا: لالا انا معاك معاك يا رأفت بس ابوس ايدك تنقذني من الكارثه الي هتحل علي دماغي دي ده غير كمان الديون الي مش عارف الاقيها منين ولا منين
تنهد رأفت : يبقي تسمع الكلام و تنفذ الي أقولهولك بالحرف الواحد قاطعهم صوت دق علباب و دلوف امجد مدير الشؤون القانونيه بالشركه المشتركه بين رأفت و عزت
امجد : انا عارف حضرتك طالبني ليه يا رأفت بيه للاسف حصل تلاعب في العقود الي شركتنا و الشركه الالمانيه مضيناها و مش هي دي البنود الي اتفقنا عليها معاهم و ده خلي أنهم لو فسخوا العقود ولا امتنعوا عن التوريد للاسف ميدفعوش شرط جزائي انما العكس لو التقصير من نحيتنا احنا ندفع الشرط الجزائي ، عند هذا الحد و صرخ رأفت واقفا : انت بتقول ايييييييي انا هخرب بيتكوا ازاي ده يحصل مشغل معايا عيال مين المسؤل عن مراجعه العقود ديييي
امجد بخوف : يفندم حضرتك بنفسك الي راجعت العقود و كمان مضيت عليها في المانيا
رأفت : كدب كدب انا ممضيتش علي حاجه زي كده انا ماضي العقود وكانت مظبوطه مفيهاش حاجه غلط
عزت : يبقي حد بدل العقود يا رأفت وانت هناك
شرد رأفت و تذكر سهرته في غرفه الفندق مع أحد الفتيات و شربه كميه كبيره من الكحول : يا ولا ال ***** يعني ايه انا اتضحك عليا انا هعرفكوا كلكوا مين هو رأفت الصيرفي
في الخارج كانت تستمع هبه السكرتيره بصراخ رأفت وعزا بالداخل فأخرجت هاتفها المحمول وطلبت رقم فقالت بهمس : الو أيوة يا معلم حسن الي حصل و عرفوا هما دلوقتي شايطين جوا و معاهم امجد مدير الشؤون القانونيه
حسن مقهقها : ولسه انا بحفرلهم قبرهم واحده واحده بايدي ، جدعه يا هبه عدي علي سليمان خدي حلاوتك و مش هوصيكي اي حاجه تحصل تبلغيني بيها
هبه بدلع : طب هو لازم سليمان يا معلم مينفعش اعدي عليك انت
فهم حسن معزي كلامها فاردف ضاحكا : كان علي عيني كان فيه و خلص يا حلوة سلاااام
اغلق الهاتف فتنهدت هبه : اااه حلو و قمر و شخصيه و تقيل كده اوووف و عادت لتكمل عملها
*********************
حمدلله على سلامتك يا حبيبتي قالتها تيا وهي تجري على آمنة لتحتضنها لتبادلها آمنة وتربت على كتفها بهدوء وتبتسم وقالت: الله يسلمك يا صغنن.
لتسلم عليها باقي أفراد العائلة ويحتضنوها بحب وحنان
دسوقي : عامله ايه دلوقتي
آمنة : الحمدلله زي القردة انا مش مضايقني الا ال** اللي خدني علي خ قطعت كلامها عندما وجدت المعلم حسن يدلف من باب الغرفة ويقول: حمدلله على سلامتك يا آنسة
آمنة بحاجب مرفوع وتهكم: الله يسلمك يا معلم كتر خيرك والله تاعبينك.
المعلم حسن بنفس رفعة الحاجب: مفيش تعب ولا حاجه
دسوقي متدخلا لتهدئة الجو يلا يا بنات سندوا آمنة عشان نمشي.
ليذهبوا جميعا متجهين الي الحارة
----------------
رقية وهي تعدل لامنه المخدة خلف ظهرها: البيت كان وحش من غيرك يا آمنة والله.
آمنة: احم مش بحب اتكلم عن نفسي كتير
يقاطع حديثهم دسوقي وهو يدخل من باب الغرفة ومعه ابو الخير وسليمان ويزيد وطه ليترك يزيد يد سليمان اول ما رأي آمنة ويجري عليها ويحتضنها بشدة
يزيد: حمدياه عيى سيامتك يا... ثم صمت برهة يفكر وتنهد باحباط مش عالف اسمك هو ليه اسمك صعب
آمنة : لا صعب ولا حاجه اسمي آمنة
ابو الخير: حمدلله على سلامتك يا بنتي كتر خيرك والله في اللي عملتيه انا مش عارف اشكرك ازاي وجميلك ده ف رقبتي لحد اخر يوم ف عمري
آمنة : لا جميل ولا حاجه ياعمو اي حد مكاني كان هيعمل كده واكتر كمان
ابو الخير بضحك : طب طه عايز يسلم عليكي بس خايف لتهزأيه
آمنة بمرح: لا يا عمو مفيش حاجه كل اللي اتقال اشاعات انا وطه اخوات ثم ترفع حاجبها بطريقه كوميديه : كده ولا ايه يا طه
طه بضحك: كده يا آمنة ثم اردف حمدلله على سلامتك
آمنة بمرح: مش عارفه ليه مش مرتحالك اكيد دعيت عليا.
طه: وأنا اقدر برده
دنيا بضحك: لا متقوليش كده يا آمنة ده كان قلقان عليكي اوووي
آمنة بضحك : طبعا اومال
ليضحك كل من بالغرفة على مشاكستهم لبعض
سليمان بابتسامة: حمدلله على سلامتك
آمنة : الله يسلمك
طه: ده الحارة كلها ملهاش سيره غيرك
آمنة بصوت عالي: ويجيبوا ف سيرتي ليه قطع لسان اللي يجيب سيرتي على لسانه
طه: يابنتي اهدي بقى قصدي ملهومش سيرة غير اللي عملتيه
آمنة : اه بحسب.
ابو الخير :نستأذن احنا يا جماعه عشان نسيبها ترتاح
ليأخذ سليمان حضن يزيد من حضن آمنة الذي جلس فيه من وقت ما وقع نظره عليها
ياخذهم دسوقي ليوصلهم الي باب الشقة
امنة: يلا بقى قولولي ايه اللي حصل في الأسبوع ده
دنيا: اسكتي مارك غير اسم الفيس والواتس وانستا لميتا
داليا: اسكتي وهيبقي في حاجه اسمها العالم الافتراضي وهنسافر اي بلد احنا عايزنها ونقابل ناس كمان وكل ده واحنا قاعدين ف البيت
آمنة : احيه ده بجد
دهب: اسكتي وكان ف ماتش للأهلي والزمالك امبارح والاهلي كسب 5:3
آمنة : اوبااا اهو ده اجمد خبر
َظلوا يتحدثون على الماتش وقاطع حديثهم رقية وهي تدلف بصنية الأكل لآمنة
رقيه: يلا يا بنات اخرجوا كلوا عقبال ما أأكل آمنة
تيا بسرعه: لا خليكي يا طنط اخرجي معاهم وانا هقعد معاها
رقية : لا يا حبيبتي اخرجي انتي كلي مع اخواتك بره
تيا : لا يا طنط انا هقعد معاها وأخذت منها الصينية فربتت رقية على كتفها: ربنا يخليكو لبعض لو عوزتوا حاجه نادوني
تيا : حاضر يا طنط
وخرجت رقية وجلست تيا بجانب آمنة
آمنة: شكلك عايز يقول حاجه
تيا: بصراحه اه انا هشتغل ازاي من غير ما يبقى معايا إثبات شخصية
امنة: صح ازاي تاهت عن بالي ديه متعرفيش حد يجبهوملك من الفيلا.
************************
لا يقف عقله عند تصور معين هي خائنه في كل الاحتمالات التي جالت بخاطره فأخذت الظنون تعصف برأسه يمينا ويسارا يسوقه شيطانه لاسوء السيناريوهات في الكون يحاول أن يلتمس لها عذرا ولكن
يحيي لنفسه : يمكن كان في شيئ جابرها تمشي ، يمكن موت ابوها وامها قلبو دماغها حد عرف يأثر عليها وهي شخصيتها ضعيفه
نفسه : ههههاا مغفل لسه بتحاول تبررلها عملتها و بعدين شخصيتها ضعيفه ايه هما بنات اليومين دول شخصيتها بتبقي ضعيفه والنبي اتنيل علي عينك علي رائي امك
يحيي : أيوة تيا متعرفش حاجه في الدنيا وكان علي يدك كمان دي قطه مغمضه
نفسه : انت الي قطه يا قطه البت استغفلت الكل و هربت و يا عالم هربت مع مين ولا بتعمل ايه انكسف علي دمك دي حطت راس الكل في الطين و سمعتكوا بقت علي كل لسان
يحيي : لاااالاااا انا استحاله اقف ساكت هجيبك يا تيا و ساعتها الي هعمله فيكي هتتمني لو كنتي موتي مع ابوكي وامك ، امسك بهاتفه : الو ازيك يا ممدوح ( ممدوح يكون خطيب أخته نهي و والده كبير في عالم التجاره ولكنه معجب في الأساس ب تيا و حاول مرارا جذب انتباه و مشاغلتها ولكنها كانت تصده في كل مناسبه )
ممدوح : ازيك يا دكتور عاش من سمع صوتك
يحيي : مشاغل يا ممدوح الشغل في المستشفي صعب انت عارف
يحيي : عارف عارف و يا سيدي الف مبروك علي الخطوبه مع اني زعلان انك مقولتليش انا برضو جوز اختك المستقبلي
يحيي و قد نسي من الأساس امر الخطوبه : الموضوع لسه كلام بس يا ممدوح أن شاء الله مش هعمل حاجه غير اما تكون موجود اكيد
ممدوح بخبث : الا بالحق يا دكتور لسه مش لاقين بنت عمك الهربانه دي
يحيي بنبرة حزينه منكسره : لا يا ممدوح لسه مش لقينها و هو ده الموضوع الي مكانك عشانه انا طالب منك طلب
ممدوح بمجاراه الحديث : أمرني لو في أيدي مش هتأخر يا يحيي وانت عارف
يحيي : الصراحه يا ممدوح كنت عايزك تدورلي عليها انا عارف انك راجل تاجر و التجار دايما ليهم معارف و سككهم انا زي منتا عارف دكتور من البيت للمستشفي و من المستشفي للبيت و مليش علاقات اجتماعيه كبيره فقولت انت اكتر حد هيفيدني في الموضوع ده
ممدوح بخبث : طبعا يا يحيي انا من ناحيتي هعمل كل الي في أيدي و لو وصلتلها اكيد هبلغك
يحيي بأمتنان : متكشر جداا يا ممدوح مش هنسي وقفتك جنبي دي ابدا
ممدوح : يحيي متقولش كده عيب احنا اهل ( سيد متقولش كده عيب احنا اهل 😂)
اغلق ممدوح الهاتف مردفا : ازاي تاه عني الموضوع ده والله وجاتلك لحد عندك يا ممدوح البت حلوة وتستاهل مش امنا الغوله وامها الاتنين عايزين الحرق بس لولا المصالح الي بينا وبين ابوها كنت رمتها من زمان بس مش بطاله اديها بتديني الي عايزة منغير مجهود كمان بس مفيش مانع برضو نحلي ، رفع سماعه التليفون : الو اسمع الي هقولهولك ده و تنفذه بالحرف الواحد
.........................................