Unicode:
အမုန်းများရဲ့ အလွန်~
🍀 အပိုင်း 8 🍀
မိဘတွေ အချင်းချင်းက ရေပက်မ၀င်အောင် စကားတွေ ကောင်းနေကြပေ
မယ့် မျက်နှာချင်းဆိုင်ထိုင်နေကြသည့်
သူနဲ့ ပုံရိပ်ဆီကတော့ ဘာအသံမှ
ထွက်မလာပါ.....
"သားပန်းကန်ထဲကို ဟင်းထည့်ပေး
လိုက်ဦးလေ သမီးရဲ့ "
"ရပါတယ် အန်တီ.... ကျွန်တော့်ထဲ ဟင်း
တွေပုံနေပါပြီ .... "
မေမေက ပုံရိပ်ကို ဟင်းထည့်ပေးစေချင်
သည့်အရိပ်အယောင်နဲ့ ဆက်ကြည့်နေ
တုန်းမို့ ပုံရိပ် ခပ်မြန်မြန်ပဲ ကြက်သားဟင်း တစ်တုံးကို သူပန်းကန်ထဲ
ထည့်ပေးလိုက်သည်......
"သားလေးကလဲ အခုဆယ်တန်းဖြေထားပြီးပြီဆိုတော့ ပြီးရင် ဘာဆက်တက်မှာ
လဲ ချို .... "
"သားက နဂိုထဲက သူ့အဖေလုပ်ငန်းကို စိတ်၀င်စားတာမို့ Engineering ပဲတက်ခိုင်းမှာ ခင်ရေ .... သူကလဲ တက်ဖို့ သဘောတူတယ်လေ "
"ဒီမှာပဲတက်မှာလား ချို "
"မဟုတ်ဘူး ခင်ရေ.... သားက သူ့ဘကြီးရှိတဲ့ UK မှာတက်ချင်တာတဲ့ .... အဲ့တာ ဟိုက ဘကြီးဖြစ်သူက သိသိချင်းတောင် လှမ်းခေါ်နေလို့ ချိုတို့မှာ result ထွက်ပြီး
တဲ့အထိစောင့်ပါဦးဆိုပြီး မနည်းစောင့်
ခိုင်းထားရတယ် ခင်ရေ..... "
"ကိုထွန်းမောင်တို့ကတော့ အမောပြေဦးမှာပေါ့ဗျာ.....လိမ္မာအားကိုးရတဲ့ သား
တစ်ယောက်လုံးရှိနေတော့ "
ဖေဖေကပါ သဘောတကျ ၀င်ပြောသော
အခါ ပုံရိပ် စိတ်ထဲတင်းခနဲ ဖြစ်သွားပြီး....
"ဖေဖေပြောချင်တာက ဖေဖေကတော့ သမီးရှိနေလို့ အမောမပြေဘူးပေါ့ ... အဲ့လိုလား "
ပုံရ်ပ် မကျေမနပ်နှင့် စူပုတ်ပုတ်လေး
ပြောလိုက်သည့်အခါ လူကြီးတွေအကုန်
လုံးက သဘောတွေကျပြီး ရယ်ကြပါလေ
တော့သည်....
သူ့ကိုကြည့်လိုက်တော့လဲ ခေါင်းကိုငုံ့ပြီး
ပခုံးတွေလှုပ်တဲ့အထိ ရယ်နေသည်....
ဘာလဲ .... ပုံရိပ်ပြောသည့်အထဲ ဘာတွေ
ရယ်စရာပါသွားလို့ အဲ့လောက်ထိ ရယ်နေ
ကြပါလဲ ....
YOU ARE READING
🍀 အမုန်းများရဲ့ အလွန် 🍀
Romanceမာနတွေပြိုင်ကြရင်း တည်ဆောက်ဖြစ်ခဲ့တဲ့ နေ့ရက်ဆက် နဲ့ ပုံရိပ်ထင်တို့ရဲ့ အိမ်ထောင်ရေး အချစ်ဇာတ်လမ်းလေး ❤️❤️
