Unicode:
အမုန်းများရဲ့ အလွန်~
🍀 အပိုင်း 18 🍀
"နေ့ရက် နင် ငါ့ကိုခေါ်တယ်ဆို .... ဘာကိစ္စရှိလို့လဲ "
"အွန်း ဇာခြည် ခဏလောက်ထိုင်ဦး ငါနင့်ကို ပြောစရာလေးရှိလို့ "
"အေး ပြောလေ.... ဘာပြောမို့လဲ "
နေ့ရက် အားနာရသည့်စိတ်ကို ထိန်းချုပ်ကာ မပြောမဖြစ် ပြောရတော့မည်မို့ အသက်ကို ခပ်ပြင်းပြင်းရှူသွင်းရင်း ....
"ဇာခြည် ငါ့ကို မနေ့က မြေနီကုန်းရုံးခွဲက
ဖုန်းဆက်တယ်..... သူတို့ဆီမှာ ကြီးကြပ်နေကျ မသူဇာက အိမ်ထောင်ကျပြီး အလုပ်ထွက်သွားတော့ လူလိုနေတာ...
ငါကလဲ လူလွှတ်ပေးမယ် ပြောပြီး
အဲ့ကိစ္စကို မေ့မေ့သွားတာ ....အဲ့တာ ဟိုတနေ့ကမှ customerတစ်ယောက်နဲ့ပြဿနာတက်တယ်လေ .... ကြီးကြပ်မယ့်သူမရှိတော့ အားလုံး ဖရိုဖရဲပေါ့ဟာ ....."
"နင် ငါ့ကို ပြောချင်တာကဘာလဲ
နေ့ရက်....ဒီအတိုင်း အားမနာဘဲ ပွင့်ပွင့်လင်းလင်း ပြောလိုက်ပါဟာ .... အဲ့ရုံးခန်း
ကို ငါ့ကို သွားစေချင်တာလား "
သူပြောချင်သည့် စကားကို ဇာခြည်က
အစားပြောပေးလိုက်တော့ နေ့ရက် မျက်နှာပြောင်တိုက်စွာနဲ့ပဲ စိတ်သက်သာရာရသွားသည်.......
"နင်ကျတော့ ငါ့အတွက်စိတ်ချရတယ်လေ .... ပြီးတော့ နင်ကောင်းကောင်း လုပ်နိုင်မယ်ဆိုတာကိုလဲ ယုံကြည်လို့ပါ "
သူမ ဘာအပြစ်မှမလုပ်ထားဘဲ သူမကို ရုံးခွဲပို့ချင်နေသည့် နေ့ရက်ရဲ့ အကြောင်းရင်းကို သူမသိပါသည်.....ရက်စက်လိုက်တာ နေ့ရက်ရယ်.... စကားလုံး လှလှလေးတွေ ရွေးမပြောလဲ ငါနားလည်ပါတယ်.....
နင့်ဘေးနားမှာဘာမှမလုပ်ပဲ ဒီအတိုင်းလေး ရှိနေခွင့်လေးတောင် မပေးနိုင်တော့တဲ့အထိ နင်ပုံရိပ်ထင်ကို ချစ်ရလား .....
ပုံရိပ်ထင် သဘောမကျတာနဲ့ ဘာအပြစ်မှမလုပ်ထားတဲ့ ငါ့ကို ရုံးချုပ်ကနေ ရုံးခွဲကို ပို့ပစ်တဲ့အထိ ..... ဒါပေမဲ့ တကယ့်လက်တွေ့မှာတော့ သူမ နေ့ရက်အလိုကို မငြင်းဆန်နိုင်ပါ......
"ရပါတယ်ဟာ .... မြေနီကုန်းဆိုတော့ ငါ့အိမ်နဲ့လဲ ပိုနီးသွားတာပေါ့ ..... ဒါဆို ငါဘယ်တော့ စပြောင်းရမလဲ "
YOU ARE READING
🍀 အမုန်းများရဲ့ အလွန် 🍀
Romanceမာနတွေပြိုင်ကြရင်း တည်ဆောက်ဖြစ်ခဲ့တဲ့ နေ့ရက်ဆက် နဲ့ ပုံရိပ်ထင်တို့ရဲ့ အိမ်ထောင်ရေး အချစ်ဇာတ်လမ်းလေး ❤️❤️
