"ဖေရီး ချား"
သူ့ လက်အပြည့် အီကြာကွေး တစ်လုပ်စာကို မင်းဆက် နှုတ်ခမ်းနားတိုးပေးလာသဖြင့် ပါးစပ်ကို ဟ ပေးလိုက်ရသည်။
"အဟင်း .. ခုမှ လာဖားနေတာ"
သားအတွက် လက်ဖက်ရည်ကို ငှဲ့ပေးရင်း ခေါင်းကလေး ပုတ်ပေးကာ ချစ်စနိုး ဆိုမိသည်။ ဖောင်းအိနေသည့် ပါးနှစ်ဖက်ဟာ တလှုပ်လှုပ် ဝါးရင်း သူ့ကို မော့ပြုံးပြသေးသည်။
ရှမ်းခေါက်ဆွဲကို စိမ်ပြေနပြေစားနေသော ကိုကိုသည် လက်ဖက်ရည် တကျိုက် သောက်ရာမှ ဘေးရှိ ရပ်နေသော မောင်အေးသို့ ခေါင်းငဲ့၍ ..
"ဝင်ထိုင် .. တစ်ခါတည်းစားလိုက်တော့"
"နေပါစေ .. သခင်ကြီး ... ကျွန်တော်တို့ နောက်မှ စားပါ့မယ်"
"လာပါ .. စားလိုက်"
ကိုကိုဟာ သူ့ရှေ့မှာမို့ တမင်ခေါ်နေခြင်း ဖြစ်သည်။ အပြုမှာ စိတ်ထဲပါ ပါ၏ မပါ၏ ကို အမျိုးသားဖြစ်သော မင်းဆက်က မသိဘဲ နေပါ့မလား။ ဘာမှမပြောဘဲ ငြိမ်သက်နေစဉ် ကိုကို့ ဆော်သြမှုနှင့် ကောင်ကလေးမှာ မျက်နှာချင်းဆိုင် ခုံ၌ တွန့်တွန့် ရွံ့ရွံ့ ထိုင်လာသည်။
မုန်းများပါ ထည့်ပေးနေသည်ကို မြင်ရတော့ မင်းဆက် ရင်ထဲ မကောင်း။ ကိုကို မည်သို့ အကျင့်ပဲ ရှိစေကာမူ သူ ကိုကို့ကို ဘယ်သောအခါမျှ မငြိုငြင်ခဲ့ပါ။ ငြိုငြင်ဖို့လည်း မရှိ။
ကိုကို့ လက်ဖမိုးကို သူ အုပ်ကိုင်တော့ လှည့်ကာကြည့်၍ ပြုံးပြသည်။
"မနေ့ကပြောတဲ့ဟာလေ .. အဲ့အဓိပ္ပါယ်က သားကို ကိုကိုနဲ့ မတူစေချင်တာမဟုတ်ဘူးနော် ... သားက မွေးစကတည်းက ကိုကိုနဲ့ ခပ်ဆင်ဆင်ရှိလွန်းလို့ ကျွန်တော့်မှာ ပျော်နေခဲ့ရတာ ကိုကို အသိဆုံးမဟုတ်လား"
ကိုကိုက နားလည်စွာ ပြုံး၍ ခေါင်းညိတ်ပြသည်။
"မင်းပြောချင်တာကို ငါသိပါတယ် .. အဲ့ကိစ္စအတွက် စိတ်ထင့်မနေနဲ့တော့ .. ငါတို့ သားကို အကောင်းဆုံးဖြစ်အောင် မွေးမြူကြဖို့ပဲ အရေးကြီးတယ်မလား"
"ဟုတ် "
ကိုကိုက ထိုကိစ္စအပေါ် ဝမ်းနည်းမနေတော့။ ဤသည်ကို သိရသည့်အတွက် မင်းဆက် စိတ်ထဲ လျော့ပေါ့သွားသည်။ မြတ်နိုးမှုနှင့် စေ့စေ့ ကြည့်ရင်း ပါးပြင်သို့ အသာ ဖွဆွဲတော့ ကိုကိုက သားဆီ မျက်ခုံးပင့်ပြသည်။ သားတစ်ယောက် သူတို့ ချစ်ပုံကို စိတ်ဝင်စားဖွယ် ငေးနေမည် ဖြစ်ကြောင်း လှည့်မကြည့်ဘဲ သိသဖြင့် သူ လက်ကို ပြန်ချလိုက်ရသည်။
YOU ARE READING
Swamping with Intimacy (Season2)
Romance-သိုက်မင်းဆက် နောင်တဆိုတာ မရှိဘူး ကိုကိုဖြစ်နေသရွေ့ ... -ခန့်ဦးရှိန် သိုက်နဲ့ ပတ်သတ်တဲ့ လူတိုင်းကို ငါချစ်နိုင်ပါတယ် ... (I want you to enjoy Season-1 before this>,<)
