حين تحلق الفراشات

58

ماس..

رزلتني خالة فيروز وركضت الجود تشيله وهي تضحك عليه

شسويله خبلني ميخليني اسمع والأصوات متتفوت
نصيت عيون الطباخ واخذت التمر احضره بمواعين واخلي عليه راشي

وهم مستمرين يتناوبون الحد بيت ابو ذية قراه حسين صدمني الصراحة

جنت مندمجه بصوته وكلي اصغاء اسمع
الصوته بداية وهو يجر ويتفنن بجرة الـ اووووف

وكمل بالأبوذية اني مو منتبهه للكلام بقدر تركيزي وي الصوت انتبهت النص الابو ذية يگول بيها

صفت للماينش دنياي ويهش

تعال وشوف ويهي انگلب ويهيش
وعلي يخرعون ناس السلف بيه

ركزت زين هذا يقصد وجهه وجهيش ويخرعون الناس بوجهه

عززه بعينك شگد جذاب اذا انت يخرعون ناس السلف بيك غيرك شيگول خرب
ابن شيخ وخبصة ويحلف جذب ولا عبالي هيج انت!!

خالتي تأخرت عليه راحت تنيم جود
واني قفل عقلي على وعلي يخرعون ناس السلف بيه
هسه لو ماحالف ميخالف

اجت خالتي

.. ولچ ماس ليش هيچ لگيت الولد فاحط خوش ادارين الأمانة انتِ

.. يوو خاله والله شگد حاولت ميسكت سوه نفسه ميعرفني هم هيج الجهال من يتمرضون وجَن دومها يمي ومن تتمرض متشوف غير امها اني گلت بالحالتين هو ميسكت عاد اسمع اني احسن متروح عليه الأصوات

.. شاطرة بعد خالتچ هذا مؤمن اجو هو وحسن يمكن  انطيني هذه البلامة بسرعة خل اجهزها بين مااخلط حشوة التمن

ناوشتها البلامة

.. عززه خالة  خل اگلچ قبل لا انسى هذا ابن الشيخ والله جذاب يگول يخرعون ناس السلف بيه
عليچ الله لعد عزوز ابن ام رحمان شيگول
واحد ممجبور يجذب اصلاً الجذب حرام وماما تگول الي اهله يعرفون الدين وهو عنده معرفة ويعصي الله سبحانه متعمد راح يتضاعف عقابة

ضحكت ضحكتها المعهودة بس بصوت ناصي
وكملت كلامها تجاريني بالكلام

.. يمه فدوه مشروع مبلغة انتِ بعد ملاحظتين من هذا النوع واذبج على فواطم ترحين وياها
بس هو منو هذا الي يجذب مافهمت

.. خال جود يگول مسمعتي ابن الشيخ اقصد

بعد خالتي تحچي باستغراب تگلي لامسمعت شنو

اجانه صوته معلي نبرته يسمعنا  وياه صوت مؤمن خربان ضحك

.. خوية ام جود گلها اكو شي اسمه تعبير مجازي ومو كلشي جذب

... هو انت ابن الشيخ المقصود ههههه
سمعتها يعني معليك منها هذه تحب تحچي بشي متعرفه وتستفسر المعذرة منك  خوية اني افهمها