حين تحلق الفراشات

23

حبايب شرايكم نتفق من جديد
راح احاول انزل يوميه بارت حتى لو ٣٠٠٠ كلمه بس
المهم يومي
بالمقابل شنو رايده منكم تشجيع لأن المشكله الصارت بالبارت طيرت واهسي زائد تفاعلكم كلش قليل الي يصوتون ويعلقون بالنسبه للمشاهده مااعرف ليش شنو يضر التصويت
رغم اني ابد مطالبته ولا يهمني والله عندي الي اعرفهم يكفون ويوفون

لكن من انزل حسابات البنات اكو كم بنيه تعلقلي تكلي الي تريد دعم للحسابات كون تنزل يومي حتى نكول ميخالف
اني وياكم ميخالف اذا الي متتفاعلون ماكو اشكال الي يحبها ينتظر تكمل بس اليقرا ليش ميتفاعل ع الاقل القصة تصعد اذا تشوفوها تسوه اذا مو متستاهل حقكم لتصوتون وانتقدو اني وناقشو

بس حسابات البنات الي انزلها ترى هنه كاتبات جدد يردن تشجيع وحسابهن يصعد يطلبن مني مساعده قابل اتعذرهم ميصير
لذلك بطريقكم ياحلوات

دعمو حساب هالحلوه وراح انزل يومي ميخالف
بس ادعمو حسابها لان طلبت مساعدتي

Sab_oo_sh

وطبعا ماراح اعدل عفيه لتغلسون 😑
بس اخاف البارت ينحذف والله وهالمره انتحر
اي سحكه استقبلوها
تعب اعصابي هالبارت واحس الكتبته اول شي احلى 😭😁

اتخبلت عذروني 🙈
.........

فيروز..

واني احجي وي زمرد اندكت الباب عمتي جايه من دوامها بس حالتها حاله تصرخ وتبجي
وراها اجن جاراتنا صارت هوسه اريد افهم شكوو كالت اخوتي مسوين حادث بس الهسه متعرف منو ميت منو عدل
اجاها اتصال ظلت تصيح وتملخ بنفسها متوفي اخوها الصغير اصغر واحد بيهم اكبر جهاله ثالث متوسط انقهرت حيل عليه هذا مقرب حيل المؤمن وهم كلهم خواله يحبوه
القيه حالتهم خطره مااعرف منو رايحين ظل بالي يم مؤمن وين هسه
عمتي اخذنها الجيران والاقارب وراحت البيت اهلها
اني اتذكرت خوات مؤمن يجن من الدوام ربطني مكدرت اروح
بقيت انتظرهن
وميته بجي ع حال عمتي وعلى شبابه خطيه فوك القهر باقي اخوته مااعرف ولدهم اجه ابالي علي
اتصلت ع نور مترد ظليت اتصل هوايه جاوبتني تبجي

.. لج فيروز عمامي مصيبه مصيبتهم شفتي شصار بينه

.. حبيبتي سوده عليه كليلي شصاير يمكم مؤمن وعلي وين هم سمعتي عنهم

.. علي هسه اجه اخذ المستمسكات ومؤمن رايح قبله هناك كااعرف منين سامع بس هو كايله جيب المستمسكات وراي

.. سوده عليه مؤمن يحب خواله حيل اكيدهسه الدنيا طالعه من عينه نور فدوه عينج ع عمتي بس ارتب وضعي اجيها

نهيت الاتصال اجن البمات صبيتلهن غده هنه عرفن الوضع كالن اذا ترحين نروح وياج الامنه ونرجع هنه يسمن عمتي يمه
كملت كلشي حضرنه نفسنه اتصلت بمؤمن طوول هوايه يلله جاوب يمه هوسه وكوه اسمع اصوات هوسات وعراضه ورياجيل تنحب
بعد مااخذت من خاطره وشفت الوضع مو مال اطول المكالمه
كتله راح اروح العمتي منو ياخذني