حين تحلق الفراشات

44

.
من شفت ..
ب الرگبة شامة ..
تحزمت حسبالي غبشه ..
وتيهت ليلي من أمس ..
شلون رهمت ..؟
لام روحة الليل كلة ..
وبايت بحضن الشمس ..!♥️

.....

زمرد..
فيروز حاجت بابا وموافق كايلها خل تجيج اني وياه رجعت علاقتنه متوتره اخاف من يشوفني يضغط عليه بموضوع الطلاك كمت مااخلي يشوفني لا اني ولا الجهال بوجوده مااطلع الا للضروره منها تحضير الأكل الهم خاص من راحت ياقوت تدرس.
بعد متصلت عليه فيروز تبلغني
من الصبح اجيت اني والجهال ويايه حاجات ماس واغراضها هي راحت للدوام ومن ترجع ع بيت خالتها تستقر يم  فيروز تقرأ وهي ترتاح الفيروز اكثر تحبها من جانت صغيره بينهن توافق خاص اثنينهن نفس اللسان وخفة الدم
كانت العشره الثانيه من محرم
بدلت الجهالي واحتاريت بروحي من البارحه كل شويه حايره شنو البس وشسوي عبالك مخطوبه اليوم.. ضحكت واتذكرت ثوبي الاسود تول مبطن بس ردنه لا
ياقوت مفصلته الي وكل متجي وحده تخيط تريد مثله يكللها هيج نريده يشع
تضحك ياقوت تكلي يشوفنه عليج عبالهن فصاله حلوو بس هو انتي الي محليه الفصال يعني كل وحده وجسمها وتركيبته وبعدين انتي بياضج ناصع طبعاً يطلع يشع عليج اذا ماعجبهن بعد يومين يكللي ماسويتي مثل منريد
وصدك من خيطته اجن كاللها يختلف وانتي ممركزه بي ذبته ع اختج احلى وحجتلهن بأسلوب حلوو انو الاختلاف مو بالفصال الاختلاف بتركيبة الجسم ولون البشره وكوه يلله اقتنعن
لبسته واني مبتسمه هسه هذا يعجبه بس راح احصلي رزاله ع الردن اخذت صايتي البسها من يكون مؤمن موجود
فتت بس هي بالبيت ماخليتها تنظف صايره اخاف عليها كلش وكتلها مدام اني يمج معليج وهو بيتهم ممحتاج اخذت راحتي وكملت والجهال يلعبون وهم ماكو مر الوقت بين لعبهم وعركهم وسوالفنه الي ماخلينه بيها احد لو سالفه قديمه وجديده ماحجينه بيها اني وياقوت كل هذا والوقت طويل وهو ماكو جيه بديت اضوج وفعلا متت قهر وحسيت روحي شكد تافهه واني الليل كله منايمته وكاعده من الفجر لو بطلعتي وجيتي لهنا عبالك سباق عندي
حست عليه فيروز ظلت تحجيلي وتهديني ومن عرفت بيها حست بيه زادت ضوجتي اكثر
واجو بعد اذان المغرب ناويه مااروح ولا اشوفه استحيت من مؤمن لو اعرف وين خلص وكته من الصبح الهسه
خليت مؤمن وفيروز يحجون ورحت الجهال سابقيني واخوته بعده يمشون ويتعثرون من شافهم انخبص بيهم شال محمد باسه ورفعه حيل للسقف ونزله وهو يكركر وابو يضحكله اخذ روان ومروان بوسهم واني اباب الخطار صافنه عليهم بلا شعور ابتسمت المنظرهم فرحت الفرحة جهالي يارب لم شملنا الخاطرهم عبالك يفتهمون فرحتهم مبالغ بيها
خلاهم محاوطينه اتقدملي رغم الابتسامه مبيين عليه مقهوره وجهي من النوع الي يبيين بي فرحي وحزني يزيد حماره ونظرات عيوني تشرح البيه
رغم كلشي مشكلتي احبه وزعلي ماطغى على حبي بلحظتها صرت احاول اطلعله اعذار ودكات كلبي نهت الشك من اساسه حتى بدون مااحاول
بنظرة لهفه من عيونه وادينه الي انفتحت   يأشرلي اتوجه لأحضانه
جان تعبان بس ابتسامته الحلوه متغلبه ع كل تعب 
بقيت بمكاني ودمعاتي صارت تتزاحم ع المدمع