حين تحلق الفراشات

47

يسعد صباحكم حبايب❤️

.....

بساعة رملية انتظارك …
بيها چم صحراء خلصت، ،،
وانتظرتك رملة رملة، ،

.......

فيروز..

من اخر لقاء الزمرد وي زوجها وهي حالتها حاله حابسه نفسها وتبجي متسمع من احد متحجيلنه شصار بس اني فهمت من مؤمن وكدرت افهم منها شي بسيط تركناها براحتها بابا كل شويه يتصلون بي جماعته الي هناك يم اهل جهاد يبلغونه انو كثير من عشيرة جهاد انظمت الهذا التنظيم ابويه اتخبل وظل يلوم بروحه شلون سمح الها تتزوج من البدايه المفروض ميقبل حتى لو زعلت افضل من زواجها وورطتها حسب تفكيره

عزلتها عنا هي واطفالها خلته بشك انو حتى هي تعرف جهاد منهم رغم اني ومؤمن هوايه وضحنالهم جهاد ضد هذي الامور بس محد كان يسمعنا بعد فتره اجت فواطم ورجعت البيتها بس كانت تعبانه حيل واغلب وقتها ابيت اهلها علمود امها ووضعها التعبان حتى جهاز الطفلها ماعدها وقت تجهز

الحد قبل ولادتها بفتره جهزنا اني وعمتي جهاز الطفل
وهاالمره زمرد مشغوله بهمها ما لامتني على زيادة اهتماني حسب فهمها شدعوه هيج اهتم متعرف اهتمامي نابع من قلبي بحسن نيه وحتى اتعايش وي وضعي اكثر واكون اعيش بواقع حابته ومتعايشه وياه بدون مااحس نفسي مجبوره واكسر الخاطر وخطيه الاخير كلش مااحبه ولا احب اتعايش بي حتى بداخل نفسي الي سويته النفسي
بس الي صار كان رابط محبه اكثر بيني وبين مؤمن زيد علاقتنا وقواها وهالشي كان مبين من خلال تصرفاته بدون ميحجيلي شي لكن نور حجتلي كلامه وي علي محتار شلون يحافظ عليه ويحميني حسب قوله من عنده ومن الناس ومن الحياة كلها كايل الي عندي  اني نفسي حاسد نفسي عليها وارقي نفسي وارقيها كل يوم عن كل ساعه نقضيها سوه الحد اخر عمرنا
الحديث النقلته نور الي كانت فرحانه لأن هي مثل زمرد تضوج وتستشكل عليه بس متحجي فكلامه مفرحها

وهذا انطاني حافز اكثر ابقى على تفكيري والطريق الي سالكته يجيب نتيجه اكثر من ان اثير استعطافه او انكد على نفسي وعليه

طبعاً كانت ياقوت تشجعني  وتوصي بيه سوي هالشي لله لأن البنيه ماعدها احد وتمر بظروف صعبه اتحابن بالله ترتاحن انتن الاثنين 
الحد بيوم ولادتها الظهر تونه مخلين الغدا مؤمن راجع من دوامه واني منتظرته بيومها عمتي ضغطها مرتفع بسبب مشاده كلامية بينها وبين عمي ابو مؤمن واكدت عليه مااحجي المؤمن شي واصلا هي ماحجتلي الاسباب

تونه كاعد ناكل اتصل بمؤمن حسين وبلغه فواطم عدها ولاده كله اخذها انت بين مااشوف زوجة ابويه تروح وياها
مؤمن انخبص يطلع الاوراق وشيحتاج من فلوس اني شلت الاكل راح العمتي يكعدها

.. مؤمن عمتي تعبانه مرتفع ضغطها اني اروح وياك

.. فيروز مااريد تضغطين على نفسج ولا جود يسكت عد غيرج ابقي وتدبر بس امي شبيها شو ماكلتي