حين تحلق الفراشات

59

مساء الخيرات..

البارت قريب لل ٥٠٠٠ يعني يعادل بارتين تعويض عن البارحه وي بارت اليوم

...

زمرد...

اصعب اللحظات لحظات الوداع حتى من اريد اتذكر لحظاتي وي بابا وبيبي والبنات من اول لحد اليوم الي بي ودعتهم ودي اشطبه من الذاكرة
بمرورة اتقبلت فكرة وداعهم خوفي من الأمر الظروف جبرتني ابتعدت للحفاظ على سلامة زوجي وعائلتي بيومها عيوني ماصرت اشوف بيهن گد مابچيت
بالليل نيمت الاطفال وبالي مشغول باهلي بيهم بجهاد ومحاولته التجاهل مشاعره خايفه بيوم هذا الكتمان يسبب انفجار لحد الانهيار

طلعت للهول شفته گاعد نظرات عيونه للمجهول  اليوم وضعه اصعب من وضعي اني ودعت اهلي بابا رضا عليه ودعالي هو وبيبي وخواتي شجعوني

اما هو بس عمر حاچاه وام عمر الي هي زوجة ابو دعتله بالخير وودعهم بأتصال
امه وخواته وحتى اميرة الي هي اقرب وحده اله   محد منهم اتصلت رغم كلهم يعرفون بقراره ماچان يبين قهره يتظاهر هو ممهتم بس واضح عليه الحزن بيومها ابد مترك الدخان من ايده

اني حايره شلون اهون حزنه
انتبه عليه اباوع عليه ونظراتي كلها حيره 
طفى جگارته

.. الجهال وينهم

.. نامو

.. تعالي هين

اشرلي اگعد بصفه

.. يولي كافي بچي رحمي عيونچ ورحميني

.. ماباچيه

حچيتها ونزلن دموعي.. تعابير وجهه بينتلي كلامي مو صح اكتفى بالسكوت واشر بأيده هازها

ضحكت اخفف عني وعنه

.. كله بسببك ذكرتني

ابتسم بتعب

.. مااريد اشوف دموعج بعد كافي الي شفتي وعشناه.. الجاي كلو خير ان شاءالله

.. ان شالله

حضني بأيده سحبني عليه
اتمددت وخليت راسي بحجره بأيده مسح راسي ونصى باسني بجبيني

.. الي بيچ ربع من الي بيه مع هذا اني متأمل خير ومتفائل لاتخافين من حياتج وياي
اني اصيرلج حبيب وسند مااگلچ اعوضچ عن اهلچ لأن مره گلتها ومانجحت
بس وعد مااخليچ بحاجة احد واحميچ من روحي اول وبعدها من الدنيا
اني ماعندي بهالدنيا بس انتِ وهالأطفال اشوف الدنيا بيكم
اريدچ قوية تساعديني نتعاون بينا
گدامنا غربه وحياة تختلف عن هين اريد زمرد القوية
اني متأكد انتِ قوية الي واجهت اهلها وظروف صعبة واتمسكت بحبيبها وزوجها هذه مو ضعيفة ابد
رايدج تسنديني ونعين بعضنا

َ.. انت حبيبي وروحي بدون ماتطلب راح تشوفني وياك خطوة بخطوة واني كلي ثقة بيك وبحبك

.. بروحي افدي هالعيون الي سحرني وخلني افكر ليل ونهار بيهن .. تدرين  انتِ من نعم ربي عليه الي كانت عوض الي من طعنات البشر ونكرانهم