حين تحلق الفراشات

2

يسعد مساء الأحباب❤️

،،،،،،،،،،،. ،،،،،،،،،،،،،.

مشو..
ورسومهم بالعين تذكار
ألولي اعله الصور
لو فزّن اشلون ؟

......

فيروز..

عرفته سمعني حيل استحيت وسويت نفسي ارتب بقطع الاقمشه الي مفصلتهم ياقوت اعزلهم عن بعضهم

هو من الباب وطلع بعد ماطول دقايق يباوعلي ويرجع يحاجي ماسه وبيبي تكله سلم ع امك هوايه هي هم اتعذبت المسكينه
وهو كلها شتسوي الحمدلله على كل حال
حسيته ضاج من ذكرتها الامه

ثاني يوم راحو عمامي عرفنه منهم مؤيد متعارك وياهم وكوه مرضيه كايل الهم ياقوت اختي وارملة اخوي وام ولدنا حجايه وحده تطلع عليها لو ينجاب اسمها بعاطل من مره من رجال نسوي شي مايعجبكم

وسلام حيل خجلان منه وكايلين الخاطرك نروح البيت ابوها نرضي

بيومها ياقوت من سمعت الاخبار من رنا بعد اتصالهن الطوول وعرفت شنو صاير وشنو حاجين عنها
نصبتلها مناحه ومن حجينه وكالنالها خيولون انتي تعرفين نفسج واحنه نعرفج والكبار اجو اعتذرو المفروض هنه يخجلن

تكول مو ع شي بس اتذكرت المرحوم لو باقي الي يكدر واحد يتجرأ ويحجي

حيل اتأزمت نفسيتها وضاجت وحتى ابويه ماطلع العصر للشغل ولا تركها حاجاها هوايه هدئها وكلها بعدج زغيره وهوايه حاول يوصل الها هالشي طبيعي اذا خطبوو صارت الشغله زين مصارت عادي عمرج يسمح الهالشي بس هي صارت تزيد من يجيب سيرة زواج الها
اخر شي تركها خاف تنتكس حالتها صار سنين محافظين ع هدوئها وهي تكافح حته تقوي نفسها
ابويه من القلق ظل مقابيل غرفتها متحرك منها

وماسه وحسن كل شويه يسئلون شبيها ماما
وليش اليوم تبجي قنعتهم سنها يأذيها واخذتهم يمي وبيني وبين نفسي خفت ترجع ياقوت الذيج الفتره الي جانت بيها حالتنه حاله جنت زغيره اني وزمرد ونحير بالجهال صغار وبيبي تحتار بينه وبينها وصلت مرحله بابا بنفسه يوكلها ويمشط الها اتعذب هوايه ابويه بعده شاب ثلاثيني وامي توفت بعد مترمضت مرض مو زين برحمها وانتشر بدون متحس عليه وقبل بذاك الوقت ماكان اكو علاجات كافيه مثل هسه مطولت بالمرض سنة يمكن
وبقينه احنه تلث بنات وحتى زواج مقبل يتزوج ربانه وتعب علينه وبيبي صارت النه ام حنينه علينه بشكل تعبت ويانه ولحد هسه شايله همنه
وحتى هي متفتح موضوع زواج بابا وتلح عليه لان بس تحجي يكلها انتي تعرفين الزواج هسه ميفيدني وتعرفين وضعي مو كلها نفس ام ياقوت تتحمل وتصبر والرزق العندي نعمه كريمه من ربي يقصدنه بناته ..

بعد مشفت الاجواء اخذت الجهال الغرفتي وبدينه نسولف نحجيلهم قصص ونضحك سألت مياسه بعد ماذاكرتي خذتني الموقف البارحه سألتها تعرفينه عمو الجنتي بحضنه.
جاوبتني