حين تحلق الفراشات

42

يسعد صباحكم حبايب

من حظي الحلوو مسيطره ع البارت كاتبه نصه من البارحه انوب انحذف واضطريت اكتب من جديد
يرادلي شي يطرد النحس بهالروايه 🤦‍♀️

....

حبايب عندي نيه ابالي رايده منكم تدعولي اذا بيها الخير اتم واذا لا ربي يبعدها ❤️

.......

قالت لي أمي ذات يوم : في يوم ولادتكِ ،  خرجتِ من بين أحشائي ميتة ؛  لا روح فيكِ ، ثم قامت القابلة بضربكِ كثيراً ضرباتٍ متتالية، عندها سمعتُ صوت صراخكِ وبكائك حينها عدتِ للحياة.
إبتسمتُ لكلامِ أمي لكنها كانت إبتسامة وجع ، وأدركتُ أنهُ ومنذُ تلكَ اللحظةِ، ومُذ وجهت لي تلك القابلة صفعاتٍ وضربات لم تتوقف الحياة لوهلة واحدة عن تقديم الضرباتِ لي حتى اليوم ، وكأنها تعاقبني على ذنبٍ ، ذنب لم أقترفه أنا ،وذنبي أنّي عُدتُ إليها .

....

فيروز..

.. مؤمن الله عليك مو جهاد اخوو يعني متأكد انت اذا هو كلي حته اتصرف لتضم عليه

.. حبيبتي شبيج صدك تحجين غير هو اتصل بيه وبلغني متشوفيني واكف يمج اذا هو هيج اتصرف اني

.. لعد شتسوي اشوفك مو ع بعضك واني كلبي راح يوكف على اختي وحظها اعرف شنوو من حظ

.. اي ضجت لأن هو ضايج ومخنوك طبعا اضوج عليه بعدين هذا اخو شجاع اكثر واحد متعلق بي ويخاف عليه شلون مااضوج عليه.. ولو هو لاسامح الله مااعرف شسوي بس متأكد مراح ابقى واكف جهاد انسان اقدره واحترمه بالبدايه بس بعدين صرنه اخوه وبين زاد وملح ومواقف غير شخصيته التعجبني يعني مااعتبره عديل وبس لا اخ وصديق.. حتى ترتاحين هسه اتصل عليه يمج واسمعي بنفسج

اتصل عليه طول يلله شاله من جاوب فتح مايك

.. ابو محمد حبيبي تحتاج شي اجيك اني بخدمتك شني تريد اني حاضر

.. حبيبي ابو جود رايد سلامتك وصيتي الك الجهال وامهم واعرف انت ممقصر

.. بعيني هي اختي متحتاج وصيه.. وين هو هسه جابو تسووله العمليه

.. ابغداد جبناه هين وهسه بالعمليات

.. الله يگويك اخوي

.. حبيبي ابو جود لاتنسونه من دعائكم

.. ان شاءالله يمن عليه بالشفاء

بعد ماختم بالسلام وانتهى اتصالهم حاجيته

.. هو وين جهاد جان وياه اثناء الحادث

.. لا الي فهمته الحادث بعيد عن مكان الاعتصامات بمنطقتهم صاير قريب البغداد من راجع البيته سياره ضاربه باتجاهه الرصاصه مأذيه الكبد

.. خطيه الله يشافي زين زمرد تعرف

.. ماادري والله اذا تتواصل وياه تعرف.. شوفيها انتي