chronic_adalinnascott
#Taken_s2
.
I Saw you
I wanted you
I Want that lough of yours..to be mine
Every damen inch of you..to be mine
Even if you fight back..still gonna be mine
.
ح1☄️
_اونوووور بعد وجهك من خلقتي خليني نعرف ناكل
_منقدرش بصكو بزاف شابة
حط يدو على قلبو بكل شاعرية
_مدلي كاتشاب وبلع فمك
اونور: هاكي بنتي😗
يدي ترعدت وطيحت المغرف فوق الطبسي
_قتلك متعيطليش بهاد الكلمة!!
_علاش متبغيش هاد الكلمة مفهمتش كنت حاسب اللبنات يبغوها بصكو كيوت🤷
_ بصح انا ماشي كيما باقي اللبنات وكيوت ماشي تاعي🤷🙄
_اوكي بنتي
_اونوور ح..
يدو ظغطت بقوة زايدة ع كاتشاب طار عليا
_اونووووور
_متقتلينيش!! بقرعة لكاتشاب بنييز🙄
هرب ورا الكونتوار وانا لحقتو رايحة نلونك بلحمر اليوم بصح البغل قدو قد الحيط حاوطني بيديه ورفعني رجليا متلمسوش لرض وطحنا فوق الاريكة حاول يخنقني بالمخدة
_قولي نتا اجمل واحد فالعالم وانا نبغيك ومايكل جووردن أعظم لاعب باسكاااات
ظربتو فالبلاصة لمراحش يقدر يجيب بيها دراري ع الاقل عشر سنين الجاية🌚
_جااامي حكيم عليوان هو افضل لاعب باصكات😝
جات ماما صفاء وعطاتنا تبسيمة
_اخ ع الحب اليافع نعقل كي كنا انا وعمر قدكم
جا بابا عمر وتبسم لاونور
_ديت نفس الظربة بنفس اللقطة كي كسرت الفاز بغلطة🙄استحمل يا وليدي
اونور: منظنش نادين راح تزعف كون كسرت فاز قدما راح تزعف كون قلتها غناها تاع الروك يخوف🤦
عمر: اتشاحنو قدما بغيتو بصح ننصحك ما تبكيليش بنتي بعدما رجعناها تظحك
اونور هز راسو بجدية وحكم يدي بعدما تبسملي
ايه كيما سمعتو دوك مانيش ريا..دوك راني نادين.
لي بدات تجرب علاقة معا ولد جديد عاقل متخلق كوول يحبها نادين لي تقرا اول سنة جامعة بدلت حياتي 180° درجة عمري ما رجعت حطيت رجلي فالليسي لي كلش بدا فيه بدلت اسمي بدلت ستيل تاع لبستي النواغ ياودي رميت كامل حوايجي حتى التريكو لي مكتوب عليه linkin Park فرقتي المفضلة three days grace و David the day كلش رميتو مهما كانت صعوبة الامر مانيش باغية نتفكر..الاسوء من هاد الشي كامل لي قعد عاقل هو رولا مزالت الشرطة تبحث عليها هي الوحيدة ماللبنات لمخرجتش هديك الفكرة تنقزلي قلبي عينيا يتعمرو دموع كي اسمها يجيني على غفلة من العدم.
طلعت للبيت اونور ورايا رما روحو على السرير يخرب فالhome cineme يحوس على كاش غنية في غنايا الوقت لي دخلت فيه انا باش نلبس فالصالدوبان. كطلعت راسي فالمرايا شفت بنت شعرها صفر عينيا يبرقو بصح الدكريات لي فيهم ميقدروش يتمحاو الدكرى الاخيرة لي خليتو غارق فدمو.
.
الدكرى الاخيرة لي خليتو غارق فدمو وسحبوني برا محبتش طروح من راسي. الاسوء من داك المنظر انو انا المتسسب فيه
طوول الوقت اونور يسالني علاش نسهى علاش مرات نقوم مفزوعة مالرقاد علاش منطولش فالدوش .
الشابة كامل كي يقولي اول مرة يشوف بنت مطولش فالدوش🤦😑 السبب عندو اسم واحد وبس
.
جلال
.
هزيت راسي بعنف مانيش باغية نتفكرو ماني باغية حتى حاجة تفكرني بيه حتى شعري النواغ سبغتو صفر بصكو كان يحب لونو الاسود.
وانا نبدل سمعت اونور يعيط مالبيت
_اخخخخ واش هاد الغنا فيلم رعب
_اكسكلوزمي؟؟؟ الروك ماشي رعب اناقة 🙄 منسمعش جاستن بيبر تاعك
.
جلال كان يحب نفس الغنا لي نحبو..
.
حمبوكوم قولولي مقلتش هاد الجملة دوك!!
.
