المطر كان احمرا تلك الليلة🌹
~~
_مكاش إبرة مهدء؟
_كملتلي فالمرات لي ستخدمتها باش نحي الرصاصات أقبل دي
_واااااااااااش لا لا لاااااا منقدرش م..منقدرش🥺🥺🥺
_ نحيييييه
صريت على سناني حتى لحسيت المعدن البارد تلمس اللحم وتوغل الداخل القبضة تاعي زيرت على المخدة حتى لي مرجعتش نحس بأطراف اصابعي حسيت بدوخة غير طبيعة الشوفة بات طروح شيت شيت حاولت نقعد واعي بصح الجيد تاعي متحملش الوجع هذا كامل لمدة ساعتين وكملت بلظلمة لغلفت كلش.
#الحاظر
_جلااال جلاااااال!!!
فقت من تخمامي لي داني بعيد وشفت فديلن منبعد قدامي كنا وصلنا للمسرح ودخلنا الكراسا فارغين الكل كانو عاملين غروب على الخشبة حنا قعدنا بعيد فدوك الكراسا رجليا كانو فوق الكورسي لقدامي شافو كامل فينا وقعدت يتهامسو قلبت عينيا الوقت لي ديلن كان مستمتع باللبنات يبحلقو فينا😑 مايتبدلش هذا.
_ماشي لازم نقعدو فالدائرة
_راني تبانلك مهتم بالدايرة تاعك؟؟
صوتي رجع عليه سكت حط راسو دخلت البروف متبسمة
_سووو راح نكملو بواش بدينا شكون يقرانا واش فهم من شعر تاع البارح
طلعو شي طلاب يديهم واحد منهم كان هذاك اونور البروف سافرت ليه وهو وقف يديه فجيبو
_كلن يهدر على السلام و الاخوة لازم نحبو بعض القيم هي لي تخصص الروابط و التظامن لازم نكونو متفاهمين و واعين وبعاد على العنف و...
ديلن همسلي: حاب نعطيه هاي فايف✋بالمظرب تاعي للوجه
_نظن راح نجتاجو المظرب تاعك أخيرا
_ديلن ! معليش تقولنا واش هو المغزى
البروف عيطت و الانظار كامل رجعت علينا
ديلن : نكتاشفوه فلحلقة القادمة نشاله
البعض ظحكو والبروف هزت راسها
_روميو معليش تعطينا واش راك تخمم فالمغزى من نهاية المسرحية لكنا نتكلمو عليها
_اسمي جلال
_انا نقارعولك جاوبنا روميو😘
.
او فاك ماي لايف🤦
...☄️...
__
#رولا
عمري ما ننسى ديك الدقيقة لوقفت فيها قدام القاعة كامل فوق المسرح كامل يشوفو فيا والمقدم يعطي فمواصفاتي شفت بنادم واحد بس فكل دوك الناس
.
صرب
.
شحال كرهتو
.
قاعد معا جماعة واحد كبير فالسن يشبهلو واقف وراه صرب عينيه محلولين يشوف فيا كانو مصدوم؟ ههه ماظحكونيش بسبابو راني هنا بتقوللوي تخلع كي شافني؟ ونتا سمع بيا؟ جابني ستغلني سلسل الهدرة من فمي كالحرير منبعد باعني كي خردة قديمة قلبي نقزني اللظواء تاع المسرح قاعدين يعملو فيا حسيت روحي نص عارية لهاد الغوب لي جبروني نلبسها دموعي بداو يطيحو علر خدي بدون مسبق اندار كي بدا المقدم يعطي فمواصفاتي حتى لشفت يدو طلعت فالهوا مكاش لتجرأ لرفع يدو ويساوم فوجهو
.
بيعت!!!
باعوني؟ انا رجعت ننباع يا سادة! نباعيت لحظرة صرب ماغيرو شراني كيما يشري اي طونوبيل
.
شفت فيه عينيه مبعدوش على تاوعي منبعد شاف فداك الراجل لي يخوف وراه قال شي كلايم الراجل مبانش فرحان..دورت راسي باش جيني الصدمة الاتانية ع التوالي بيني وبين ميرا لواقف آخر الصف رجال سحبو نانا لابسة نفس الغوب تاعنا بصح كانت تبان اسوء منا
نانا!!!!!!! معرفتش والو من غير غيث يخرج قدامنا مسلح...حداعه ديلن لقفز فوق الراجل لي حاول يدي ميرا..ارتحت كي شفتو سلكها يمكن فيه شعرة تاع خير منبعد بدقايق توااغ عياط صوت الناس تعيط صوت الحريق الاكسجين قليل غاز ثاني اكسيد الكربون معمر الجو لرجع نواغ من ريحة الفحم نص القاعة كلاتها النار كي شفت الدنيا متلاحمة في بعضها يد نشعتني من الوسط بقوة حتى تألمت مسحت دموعي من عينيا لرحعو يحرقو وشفت قدامي بصح كان عاطيني بظهرو فتح بابا بيت صغيرة ورا الستار ياذوب ينقال عليها بيت فيها باب آخر صغير معرفتش تاع واش اولية دوك تعرف انا باش نسحبت وشكون سحبني مسحت عينيا بعنف وطلعتهم للفوق باش نشوف صرب عيط باش نسمعو
_قعدي هنااا
_و...
كنت راح ننطق بصح يديه لنحطو على وجهي فاجأوني حط جبهتو على تاعي وتنهد نفاسو دافين لفحو فوجهي
_قعدي هنا مراح يصرالك والو متخرجيش حتى نجي
بعدها عمل حاجة مكنتش نتخيل انها راح تصرا أبدا خاصة خااااصة في هاد الظرف شفاهو هجمو على تاوعي دقايق طويلة كأنو هكدا راه يتأكد اني بصح موجودة بين يديه.
طحت على ركبتي مالفشلة نستوعب..كلش طاح عليا ظربة وحدة..البعية وشرا تاع لبنات..نانا..سلاح..ناس ميتة فلرض واخرى هاربة..وصرب..وهاد ال...
مرجعتش طلعت عينيا كان غلق الباب عليا.
.
#صرب
مانيش عارف علاش عملت واش عملت دوك لحظة ادرينالين او معلاباليش المهم حتاجيت نعملها
مجرد اني غلقت عليها رجعت شفت فالقاعة يمكن الدخان يعطيني فرصة نوصل لجلال لراه ممدد فوق لرض فالطرف الاخر..اوكي تنفس صرب يلا مت راح نفرغ سلاحي فداك الخرا بصكو الشي لي راني نعملو على جال باش نسلك حياتو🤦
جريت بسرعة فوسط الناس مهبط راسي واحد المظباط لقطني وطلع سلاحو فيا "حبس!!!" جاوبتو برصاصة فالرجل خلاتو يطيح روح قود خصني غي نتا نحبسلك
طحت على ركابيا عند جلال أخيرا كان خسر بزاف معا هاد الساعة حاط يدو على جنبو وظاغط يدو تلونت بلحمر معا تريكوه و الارض تحتو. كان يتنهد بسرعة وكون ميحبسش النزيف روحو تاني غاد تخرج اسرع من نفاسو
_جلاال تقدر تقوم تحمل راح نخرجووو مناا
كنت نهدر ونكح الاكسجين رجع كي الكونيسيون تاع اتصلات الجزائر
حاولت يقوم بصح وجهو تعصر مالالم ورجع طاح فلرض كان لازم عليا نقومو ونتيري بسلاحي من الجيهة الاخرى لابوليس لي قامت قلبت الحالة الحمد الله الدخان عمل خدمتو ومخلاش وجوهنا يبانو
فوسطو خرجلي جسد طلعت سلاحي وكنت راح نظغط كون ماشي حبسيت الدقيقة التالية كانت رولا راح تكون بنفس حالة جلال دوك
_مااااااشي قتلك ماااااتخرجييييش!!!!
عينيا كانو مفيكسيين بخلعة فجلال! كانت رايحة تهرب! بصح حبست كي شافتو سحبتها من يدها بعنف هطبت على لرض لمستواي باش متجيش فيها رصاصة طايشة ...!!
17☄️
.
