☄️
.Ahi rola li twahachtouha🥰🌚
.
#رولا
شحال من يوم فات على الساعة لي سلمني فيا صرب ل لافانت وباباه على طبق من دهب حسيتهم سنين.
عينيا حمرين مالبكا..شعري طايح على وجهي شحال طوال فهاد المدة راه فات كتافي بعدما كان متوسط وراني مخلوعة كيفاش راه يبان صحي ويبرق..نظرا انو ماشفا شمس تاع برا ماشاف شمس..لافانت كان آخر واحد شفتو وهو يدخل يأمرهم يرفدو شحال من بنت رفدو وحدة كانت حدايا بكل قوتي حاولت نسحبها منهم بصح يد لافانت حكمتني بقوة ولصقني فالحيط يدو كانت عاملة قبضة حديد على دراعي وشد سلاحو تحت فكي
_يلا كنت فبلاصتك كنت نلهى فروحي
_ندوها؟
_نن...تبسم تبسيمة مريضة لي كنت نتقزز منها كل مرة نشوفو كي كنتم معا صرب
.
صرب لي خدعني
.
صرب لي باعني
.
صرب لي تخلى عليا
.
_خلينا نأدبوها
_لاااا
شاف فيهم بصوت قاطع
_ملازمش تتلمسوها...ريرو تاعنا بنت سبيسيال مللازمش هاد الوجه يتخسر
_علاش!!! يلا بسبب صرب لي حبني سمحلي باش نخيب ظنك راك شفت بعينيك كي باعني
دمعة زلقت مني وانا نعيط فوجهو قعد ساكت الحاجة الوحيدة لي حسيت بيها يدو كي مسحت الدمعة من خدي مال حتى حسبتو فمو راح يتلاقا معا تاعي
_الدنيا عبارة عن خيبات امل عمري.. كامل فتنا عليها...نتي ماشفتي والو ملي شفناه بصح كل واحد يتعلم يوقف علا رجليه دوك كوني عاقلة بلا عرفتي تلعبيها مليح راح تسلكي
غمزلي قبل ما يبعد شفت فيه عادة شافتي
_و..ونتا ع..علاش هنا صرب!!
_هه خنتو؟ ماشي بالغتي شوية؟ نفظل نخدم للراس الكبير...أصلا هو يخلص كثر🙄....اوكي كانت مليحة الدردشة معاك ...كيما قتلك قعدي عاقلة..عندي خدمة نعملها ونجي...
_ر..راح تعمل لصحاباتي حاجة😨
_سوري؟ واش من صحابات؟ لي راهم معاك هنا؟ ولا لي هربو وكملو حياتهم بلا بيك؟
عظيت شافتي وبلعت غصة طحت فلرض تما وحظنت رجليا لصدري..عندو الحق؟ اسكو مزالو متفكريني؟ اسكو راهم يحوسو عليا💔؟ ريا..ميرا..نانا.....غيث💔مانيش عارفة حتى يلا عندي عائلة ورا هاد الحيطان ههه واش من عائلة يلاكان صحاباتي لكبرت معاهم نساوني كيفاش عائلة ماشفتهاش حياتي كاملة راح يتفكروني؟؟
..
بعد ساعات الباب نتحل وهادا المرة مكانتش لافانت كان بنادم وحداخر كبير اسمر البشرة ويخوف شاف فاللبنات كامل لي بداو يبكو بهستيرية وهادا المرة المجموعة لي راحت كنت انا وحدة منها...عكس اللبنات لخرين ماظريتش ماعيطاش ما عملت حتى حاجة تبعت الاوامر وسكت لانو هادي الشي عملتو قبل شهور ومنفعش.
ساعتين ع الارجح مشي فوسط ديك الشاحنة النواغ لي ركبونا فيها حتى لي نحلو البيبان ماكنتش نشوف وين خرجت أو وين وشكون راه مجرجرني م دراعي لانو عينيا كانو مغطيين
.
كي تنحات من فوقي أخيرا كنت فرواق طويل عليه ستاير طوال غوج بأطراف ذهبية نوافد كبار...اثاث فخم بصح طراز آخر كانو العصور تاع المماليك تخلطت معا العصر تاعنا....الراجل لي كان ماسكني طلعني الفوق معا كل خطوة نزيد نحب فمي فالديكور الرسومات فالحيطان الثرايا الاماسية الكبيرة معلقة كل ما تمشي ربع ميترات..رماني فوحد البيت بعنف...كنت حاسبة راح نشوف حيكان نواغ باردين ارض اسمنت وسخة بصح حليت فمي على البيت لي ترميت فيها
علاش المكان راه يبان مألوف نفس الرسومات فالحيطان اثاث دوغي فخم..كيسان مشروبات تشوف فروحك فيهم وسرير يرفد خمس عيباد ظربة وحدة..قلبي نقزني كي شفت فجيهتو بدا الخوف يتملكني بشوية ع الافكار لي تلاعبت فراسي لحد الان مكانش لي تلمسني كانو يضربونا بصح حبسو ع الأقل حبسو عليا انا وكملو معا اللبنات لخرين...لازم نفرح؟ مش هاك؟ بصح علاش راني بديت نترعب؟؟؟
_ههه السرير مخدوم تماما لواش خممتي
حسيت بكرشي عملة شقلبة وبغيت نستفرغ على واش سمعت دوك
قعدت جامدة فلرض متجرأتش نشوف فحتى بلاصة من غير الارض لي كانت تالمون تبرق تعكس كلش فوقها حتى وجهي انا..وجهي لبدا يغرق فدموعي...الراجل ورايا قرب بصح حبس كي عيطولو بسرعة مسعت والو من غير "جا...خف...متأكد كلش تمام؟"
..
واش راه يصرا شكون هادا لي جا لدرجة غلق الباب بعجلة و نسا حتى باش يبلعو بمفاتح..شفت من قفل الباب بصح قابلني غي الحيط...خدت نفس عميق وفتحت الباب بقوة كي خرجت الكولواغ كان فارغ من غير بكا تاع اللبنات لي كاين من اخر الرواق...وظجة مالتحت...تمشيت بخطاوي القطة كل مرة نبعد شعري باش مايطيحش على وجهي..لهاد السبب منخليهش يطول...بصح دوك منقدرش نروح الكوافيز كيما كنت؟ ولا نعطي لنانا تتفت فيه كيما كانت تعمل💔 كي وصلت عند أعلى الدرج شفت زوج ثلث رجال واقفين واحد فيهم عرفتو!!
.
ظحكة ابليس...سيجارة ديما باليد...لبسة كلاس..
.
بابات صرب
.
كان واقف معاه راجل متعرفتش عليه شعرو ماغون داخل فيه شوية بياض بنية جسم مليحة..مايبانش كبير بزاف كيما لآخر مد خامسة وشاف في بابا صرب
_اني فرحان بهاد الشراكة الجديدة معاه اني نشوف فااسثتمار تاعك بان!
_طبعا ههههه هادي لانك وضعت ثقتك فيا..قتلك قادرين نرجعو ميتم قديم لتحفة فنية فايام تعدهم على يدك
2)شهقة خرجت من فمي خلاتني نحط يدي على فمي ياودي مش حطيت حرفيا عطيت لروكي كف باش نبلع فمي من انو يفظحني بشهقات صدمة وحدخرين عينيا درسو البلاصة مليح..وانا نقول علاش هاد البلاصة مألوفة!!
.
الميتم تاعنا؟
.
خرجت بكية مخلطة معا ظحكة كنت فعليا نتعرض لانهيار عصبي حاد على تمسخير القدر بيا
الميتم لي بكيت ليالس وشهور باش نرجعلو راني فيه...بصح باش يخدمو بيا...مرجعش ميتم باش يأوي اليتاما رجع دار دعارة من ممتلكات بابات صرب وداك الشريك تاعو
.
الله ينعلكم😰😢😢
.
مكنتش عارفة انو عملت حس كثر ملازم الشي لي خلا الثالث الواقف معاهم يطلع عينيه للفوق ويتصادمو معا تاوعي..لونهم الفضي حرك مشاعر مخلطين فيا من داك النهار مزال ماشفتهم معرفتش كي راح نتصرف نفرح لاني شفت الولد لي قلبي حبو...نبكي لانو باعني..نزعف؟؟؟
قعدنا نشوفو في بعضنا الوقت لي باباه وشريكو قاعدين يتناقشو..انا كنت اول وحدة قطعت اتصال النظر لي بيناتنا وجريت راجعة للبيت طحت عند الباب وسمحت لنفسي باش ننهار بصوت عالي هاد المرة
