.
منظنش سراق مراحش يطبطب😑 برافو ديلن يا عبقري زمانك انت
.
كي شفت ملكاميرا تاع الباب حليت فمي فتحت الباب بسرعة
وقفت قدام غيث لكان متركز على ميرا بونداج فرقبتو ودراعو وراسو وجهو مديفورمي
.
ودفااااك!!
تنهدت وحطيت سلاحي على الطابلة فالجنب
_مكاش خبز يابس
غيث: مليحة مين واحد فينا راه طالعلو المورال بصح معليش تدي غمالتك بعيد هاد المرة البنادم ميرجعش فالمووود كي يخرج ملوبيتال مخيط ومبوندي كفرعون
_الظاهر عملولك نفس الزيارة لعملوهالي فالحبس
هز راسو وظحك بسخرية نانا طلعت حاجب شافت منو ليا
_واش تقصد!! نتا تاني
_ششششش ميرا راح تسمعك
_راهي هنا!!!
غيث: معليش دخلوني وتتناقشوو!!!!!
☄️
.
#ريا
حبس جلال قدام دار كبيرة فخامة كانت تعيط تعياااط مسبح كبير كان فالمقدمة وسطو مخدومة طريق للباب الرئيسي لشرا هاد الفيلا يمكن خسر عليها ملايير كثر من شعر راسو السؤال الاسطوري دوك علاش رانا هنا شفت في جلال
_علاش مرحتش قعدت معا يماك خلينا المخلوقة فوسط دموعها ونجيب وجدك وجداتك فالدار يقارعولك ترجع
_مراحش نعوضو سنين فليلة ريا😒
وركز راسو على المقعد تاع الكوير
_وراني محتاج نبعد عليهم كامل باش نصفي افكاري حياتي بدقيقة رجعت تخلطت بزاف عليا كلش فيوم حكاية يما...رولا ختي..فعلت بابا...حيدر..اخخخ
حط يدو على جبهتو حكمتها فيدي واليد الزاوجة على وجهو
_متخافش منخليكش وحدك.. وكيما انا سامحتك نأمن انو راح تقدر تسامحهم لانو مراهي غلطت حتى حد غير حيدر
مقال والو شاف فيا شحال وطلع يدي لشفاهو باسها
_الحاجة الوحيدة لصرات في حياتي ال### كي تلقيتك
_انا تاني
هاد الشي صحيح كون ماشي تلاقينا وكون ماشي هربت لصفاء وعمر عمرو ما كان يجي يتلاقا بوالديه رولا عمرها ما تعرف عايلتها عمر الخاوة ماكانو راح يعرفو بعض رغم قربهم كل هاد المدة.
جينا داخلين شديت فدراع جلال وحنا عابرين فوق البيسين حبس ودار في
_ريا
_واش؟؟
_اظربيني
_واااش؟؟
_واش قتلك علا واش🙄😒 اظربي خرجي كل فوبيا لعملتهالك فيا ...نستهل كلش صرالي
حط يديه وراه ووقف قدامي طلعت راسي حتى قربتي وجعتني فارق طول بيناتنا سبب ازعاج كبير لرقبتي
_مراحش نخلف الظربة او نحرك شعرة وعد
هزيت راسي لا
_منقدرش
_واش صرا للبنت لي تلاقيتها نهار الاول
_اوكي غمض عينيك
كعمل واش قتلو عطيتو بيزو خفيف فخدو وبعدت بسرعة حل عينيه
_يعني خطاريتي تعدبيني بطريقة اخرى اني نشوف
_منقدرش نآذيك جلال..نتا عدبتني كفاية وانا نشوفك تتألم كيفاش نظربك؟؟؟
حط يدو على خصري وقربني ليه سلم على جبهتي
_بصكو تبغيني
_بصكو نبغيك
_وخوفك من الم..
_راح يروح تدريجيا معا كل قطرة دم نزفتها مالجرح لسببتهولك...رانا متعادلين
_نن..انا ونتي ماشي كيفكيف انا نستحمل الألم بصح منقدرش نشوفك تتألمي نكره روحي كي نعرف انو انا سبب ديك النظرة ريا🙁 نموت كون نشوف حاجة تآذيك وانا هاديك الحاجة كي نقفد السيطرة 💔
_بينلي بلي تبغيني ورجع رولا سامح والديك ورجع عيلتك
_حتى وحنا نهدرو عليها تخمي في وحدخرين...يمكن هادي وحدة مالصفات لي خلاتني نبغيك
هزيت راسي وخليتو حكم يدي للباب
_جلال مقتليش دار مين جينالها؟؟
55☄️
_دوك تعرفي شكون
كي ظغط الزر سمعنا صوت ف interphone
_شكون؟؟
_ريا
قلت اسمي وقارعت للرد لجا بعد ثانية
_ريا؟؟
_واه
_مكانش خبز يابس ...طيطيطيط
.
ديييييييييلنننن اخخخخخخخ
وانا نقول شكون هاد معوق العقل كفاية طالق موسيقى نص الليل
.
شفت جلال يظحك بالتخبية الكلب بلعاني خلاني نظغط انا الزر
كي طلعنا اول حاجة تسمعها غنية 50cent ليبارول تاع just Lil bit تطرش قبل ما تحط رجلك للداخل منبعد ديلن يجي لابس غي شورت وفيدو ريموت تاع الهوم سينيما عيط يشوف من جيهة الدروج صوت الموسيقى العالي وزدت سمعت
_اAAAY غيث ....قتلك م...... السيستام تاع الموسيقى ...كاااااارييييثاااااااا
مسمعتش واش قال كي دار لينا وتبسيمتو وساعت شفاهو تحركو بكلمة "شنوووفتي" هادي منغلطتش فيها
جا حظني حسيت روحي لاصقة فحيط هاد البنادم واش ياكل؟ يد جلال دخلت بيني وبينو وبعدو عليا كون راه المخلوق خنقني...نن شطبو التالية متأكدة كان متقصد يخنقني...
إه
رغم كلش توشحتو الدعوة سامطة وهو فالحبس.
_نقص المووسيقىىىى
_واااش؟؟؟؟
_نقص الموسيقىاااااااااااا
_واااااااش؟؟؟؟
نفخت بعصبية وشفت فجلال لحط مفاتيحو وفاست تاعو مش مديرونجي بالموسيقى العالية
هادو كيفاش مصاحبينو؟؟؟ حسيت وجهي رجع حمر من كلمات الأغنية البذيئة وديلن يرقص وعاجبوو الحال
_تفووو عليك
_داري ونعمل واش نحب معجبكش الحال دي شنوفتك وروحي
رجع يعمل فحركات ظحك بصح كون ماشي نيفي وكرامتي فالموضوع كنت نظحك فجأة الغنية حبست شفنا في جلال من ورا الفوتاي الابيض نحا لابرييز رماها فلرض ونفظ يديه بكل بساطة
قبل ما ينطق ديلن سمعنا صوت بنت عالي مالفوق
_ريااااااا جلاااااال
جلال يحكم كان حدا الدرج نقزت عليه وعنقاتو حكمها
.جرحو!!
_ميرا حبسي ج...
شارلي بيدو حبست وطاحو فزوج فوق الفوتاي جلال ظحك بالخفيف قبل ما يرجع يحكم توازنو
بعدت بسرعة رجعت تهدر وتنقز
_سووووري سوري من كثرة حماسي لجيتو نسيت🥺 توجعت!! غيث حكالنا كلش وجعتك وجعتااااك!!!!
_اني مليح ميرا ماكيش ثقيلة خمسين كيلو مراحش توجعني
ديلن عبس وطيح ريموت من يدو
_شكووووون قالك عنقها!!!!! كنت تقول ستين كنت نقتلك مزية حسيت غي بخمسين
جلال: شكون كان معنق ريا دوك😒
ديلن: ماشي كيفكيف انا بغيت نخنق..اممم اه كنت متوحشها🙄
اول حاجة يدي لقاتها رماتها عليه للأسف كانت مخدة مالفوتاي.
جلال: واش حكاية العشرة كيلو؟
بنص عيني شفت وجه ام الشعر الذهبي تلون وديلن يخزر فيها بنظرة مستمعة ع الاخر قلبت عينيا كي طلعت دراعي ليها جات عندي عنقتني بقوة
_ريا🥺
_علابالي🥺 من وينتا ماجتامعناش فدار وحدة تحت سقف واحد بأمان
شحال توحشتها..
مشكلتها الوحيدة هي انها متعرفش تخبي حماسها الزائد ههه
..دقائق هبط غيث بمساعدة ميرا قعدنا كامل التحت
انا: غيث راك مليح😥
غيث: ايه راني مليح راح نعيش
نانا: كون ماشي جلال تصرف الدقيقة الثالية مكنتش عارفة واش كان يصرا وانا نشوف فيهم يضربو فيه ولافانت كان راح...راح😨😨
ميرا: كان راح يقتلووو!!!!
شفت فجلال قلبي ستخطى ظربة كون ماشي قفز مالطونوبيل وراح يجري بلا ما يتردد دقيقة وحدة كون لقينا غيث بسكين مغروسة فقلبو..اي واحد كان راح يقولك راح تكمل بيا كيفو بصح لرانا نهدرو عليه جلال تبسمت دخل يدو فشعرو النواغ وطلع على جبهتو بعدها طاح على عينيه وفجأة نظراتنا تصدامو تاوعي العسلين معا تاوعه الملونين كل مرة نقول مانظيعش فيهم بصح نفشل تبسم على جيهة كي فاق واش كنت نخمم بعدت نظراتي بسرعة حسيت وجهي بدا يحمار
من الطرف الاخر ميرا ونانا عطاوني نظرة شيطانية تجلهلتها
نانا: مكفاهمش مازالو خاطفين رولا علاش جاو تعداو على غيث !؟؟
شفت ديلن كي شاف في دراعو وتنهد..
.
دراعو كانت رايحة للموف😨
.
_دخلي ديلن فلاليست
ديلن عطاني نظرة وشاف في ميرا تبحلق فيه بخوف
ديلن: طحت فدوش🙄...ميرا معليش ترجعي تخدميلي من دوك الjus ليخدمتيهولي البارح😗
هزيت راسها بصمت وقامت هي ونانا
الثلث ولاد لي راني معاهم وحدي شافو في بعض بنظرات بيزاغ نعرفهم مليح كي يبداو يتكلمو بعنيهم بسرية تاااامة يلا راهم حاسبني بنت سبع سنين يكونو غالطين قارعت كي دخلو صحاباتي للكوزينة مالطرف الاخر قمت من بلاصتي جامعة يديا
_واش صرا دووك تهدرو
ديلن كان اول واحد ينقز من ورا الفوتاي ويوقف عندي
_هبلتي!!!! اياكي تنطقي كلمة قدام ميرا!!
_يعني صرات حاجة
غيث تنهد: صدقيني لي حاجة رانا نخبوها لمصلاحتكم
_واش من مصلحة كنا قريب نموتو من خوفنا عليك لافانت كان رايح يقتلك!!!! غيث كان رايح يتقلك!!! ونتا
درت لديلن
ديلن: مافيا والو انا منسمح لحتى واحد يعطيني هراوة كي داك البغل 🙄
_مافيك والو اه؟ حكمت دراعو بيدي وظغطت بقوة الشي لي خلاه يطلق شهقة الم حادة يحكم دراعو بسرعة من القبضة تاعي بصح مخليتوووش
ديلن: اوووتشش شيت اوووووف حيدر راه ينتاقم منا بالواحد حاولو رجالو يقتلوني فالحبس اياكي تخبري ميرا😠
_كيفاش!! و و البوليس وباباك😨😨😨 وين كانو
ظحك بسخرية كأني قلت اتفه حاجة فالعالم
_هههه قاتلك بابا هه كوكو "بابا هو لي حطني فالحبس" و
رجال حيدر وحيد مالبوليس
.
واش😨
.
فاهمة خطورة الوضع دووك!! لاباباك لا عيلتك تقدر تحميك قعدت نشوف فاللمعة تاع عينيه قلبي تزير عليها
جلال جمع يديه بين رجليه
_يوم رحتي لاونور حسبتهم ستغلو الغفلة تاعي عليك وحكموك كي مرجعتيش حتى للصباح قلت راح يجيني صورة لقبرك فأي لحظة فهمتي دوك
غيث: اليوم جاوني انا بصكو قدرت نهكر نص اموالهم وعرفت وين خطوة تاعو التالية
_ويييين؟؟؟
.
الميتم
.
------------
معليش تتفاعلو..حاجة تعملوهالي حق التعب :))))
