☄️Show me where it hurts this dirty little curse..
~~
#ريا
فطنت صباح فوق الفوتاي تاع الصالون اونور فالي مقابلني بعدت الغطا من فوقي بشوية بديت نستوعب راني فدار اونور شفت الساعة فالحيط مقابلني قلبي حبس
6:07AM
صباح؟؟ صبااااااااااح؟؟؟؟؟؟؟؟ كي شهقت بصوت عالي اونور فطن
_واااش بيك!! ريا !!
_علاش مفطنتنيش
_كان يبان عليك الارهاق ومطاوعنيش قلبي نوضك
قمت بسرعة نحوس على صاكي وبورطابي كالمهبوبة
كي رفدتو وشفت ليزابيل كي شعلتو بورطاب قريب طاح من يدي
.
البارح37apl
.
مساج16
.
20مساج ربعة تاع صباح!!
لالالالااااااا قالولي هاد الشي منام رحت للباب نجري حبسني اونور
_واش كاين!! ع الأقل خليني نوصلك !!!!
_نتا بالدااات مالازمش نبان معاك دوك تعيييش خليني نروح وحدي
قبل ما ينطق كلمة خرجت نجري.
~~
شفت مالنافدة تاع كي طنوبيلت نجلا
نجلا: متخافيش ربي مبكرة بساعة زيادة😑 عندك الزهر نسكن قريب...واش كنتي ديري عند اونور بتي عندو!! ماشي راكي معا جلال 😶 علابالو؟
_هادي هي المصيبة
همستها بلاما تسمعني
نجلا: اخخ منك عمري مافهمت كي دوري بصح ميهمش المهم راكي معا داك المزيون😍
ظحكت بسخرية مزيون؟ مشفتيش شحال زين مالداخل
_عينيه هوما اكثر شي يقتلني...صحا قوليلي عندو ليزابدو
_نجلا ماشي وقتو 😕
_ههه سوري سوري علابالي صور بويفرند ماشي جاية بصح تعيشي تعييييشي قوليلي عندو ليزابدو
_نجلااااا😑😑😑
_عندو ليزابدو ولا لاااا
_ايه عندو
_ربعة و لا ستة
_نجلا سيريو
_ربعة ولا ستتتتتة؟؟
_ستة😒
_يووووي😍😍 صحا شفتيه كي نحى ت...
_نجلا والله ننزل
_خلاااص خلاص
حبستني قدام باب الدار اخيرا سمعنا صوت موسيقى يزعزع الحيطان حولين الفيلا
نجلا:راكن عاملين حفلة ستة تاع صباح😶؟؟؟
.
شيت شيت شيت جلال كي يزعف يطلق ديك الغنيا بصوت عالي شيت
.
حصلتها فالجوارين تحججت اني راح نرقد ساعة زيادة لانو معنديش سوايع دوك باش متنزلش معايا مانيش ظامنة واش راح يصرا كي شفت طونوبيل تاعها
تروح بعيد عليا حسيت قلبي راح معاها باغية نهرب منا كل خطوة الامام نحب نرجع بعشرة تمشيت وسط الحديقة طونوبيل نواغ تاع عمر وصفاء لتديهم لشركة مكانتش هنا بلعت ريقي يعني راه وحدو التشالنجر كانت حابسة وحدها حداها موطو والكاسك مرمي على جيهة.
تمشيت للداخل عند العتبة تاع الباب قاعد جلال بلحفى لابس تريكو بيض وشورت يديه مشدودين بقوة على بورطابو وسط رجليه عينيه حمرين ويشوفو نقطة معينة بلاما يرمش
الغنية تاع f*k away the pain تصم الادان فالدار كاملة وراه قلبي رجع يضرب بقوة كي بديت نسمع كلماتها
☄️
.
كلماتها يضربو فراسي معا نبرة المغني الحادة زادت من توتر تاعي بقوة معا كل خطوة نقرب منو عينيه كانو جمرة مرقدتش الليل كامل باغيين تقولولي بات يقارعلي هناااا
_ج..جل.
_شفتي بورطابك؟
تكلم الخير بلاما يشوف فيا مزالو عينيه الملونين متعلقين بالفراغ
_ك..كان طافي و..
_وين كنتي؟
بلعت ريقي بخوف
_ك..كنت عند نجلا غفيت بلاما نستوعب
_نجلا ياه؟
_بصح gps تاعك مكانش يقول راكي عند نجوى
شاف فيا أخيرا شعرو نواغ طايح على جبهتو بشكل مبعثر وجهو خالي من اية مشاعر
_كنت عاسني!!!!
_وين كنتي؟
بلعت لساني غي هادي لي مخممتلهاش
_اتكلمي علاش سكتي؟
كي شفاني صاقرة في بصلاتي تبسم
_مسكينة ريا عمري الصباغة الصفرا دخلتها لمخها يمكن كون نغسلو شوية يمكن تعقلي وين كنتي
~~
شهقة كبيرة خرجتها كي أخيرا طلع راسي مالما كان حاكم شعري فيدو بقوة قبل ما نرجع نسد نفس رجع دخلي وجهي فيه كنا فالصالدوبان تاع بيتي مقدرتش نعيط لانو الما هو كل واش راني نشوف نسمع نتنفس ...
#جلال
شربت ع الأقل ليترا ونص رجعت نتخبط يديها يحاولو يرفعو جزء العلوي من كوغ تاعها بصح فشلت كي زدت دفعت راسها بعمق للما كانت هادي المرة الخامسة مطولتش بيها تحت الما باش متفقدتش الوعي خليتها تتحر مالقبضة تاعي وطيح فلرض لانو آخر مرة طولت دخلت فحالة صدمة.
.
اونور ياك؟
.
_وين كنتي ريا؟
_ن..
رجعت باغي ندخلها بصح تشبتت فدراعي بخووف
_ا..و..نور
_ااه هادي هي البنت لي نبغيها عاقلة وتقولي الصح كان لازم نقتل داك الخرا دا زمان كنت جوونتي بزااااف معاك وشوفي وين وصلت بينا😡😡😡😡 حكمت سلاحي ورحت للتحت كشافتو فاقت وقامت من لرض لحقتني يديها حطو على صدري
_تعييييييش متقتلوووووس متآذيهش جلاااال
_قتلك بعدي عليه ولا مقتلكش؟؟؟
_جلااال الله يخليك مراحش نزيد نشوفو م...
بعداها وجيت رايح نركب التشالنجر وهي مزالت لاصقة فيا تحاول بيديها الصغار تدفعني بعيد على الطونوبيل
_نقولك حاجة ارواحي نتي تاني باش تشوفي عواقب الغلطة تاعك
#ريا
طريق كاملة وانا نحلل فيه واش عملت واااش عملت يا رب استر طبطب على الباب بسلاحو وانا ندعي فربي ما يحلش بصح ...
_اه كنت متوقع ترجعي نسيتي سلسلة تاعك ف..
سكت كي شاف حالتي ورجع دور وجهو للقدام باش يشوف سلاح نواغ يلمع فوجهو
بعد خطواي للورا بصدمة وجلال دخل مسحبني معاه وغلق الباب وراه برجلو
_قتلك بعد على جدها بصح لا لازم تعصبوني ياك؟
_قتلك بعد على جدها بصح لا لازم تعصبوني ياك؟
نقزت بلا تفكير قدام سلاحو حتى تلمس جبهتي
_يلا باغي تصاوبو صاوبني انا قبل
_ريا بعدي😡
اونور: ريااا😨
كنت راح نبلعط بصح اونور تكلم بتسرع
_كان لازم تخليني نخبر لابوليس
عيني جلال الملونين وساعو
_خبرتيه؟ علابالو؟
_لالالالاااا والله مقلت والو قرا ليميساج بغلطة
_يعني علابالو
سلاحو تحرك من قدام وجهي لاونور ونطلقت رصاصة حطيت يديا على ودنيا من قوة صوتو لكان يطرش
حليت عينيا أخيرا باش نستوعب الصدمة
_اونور؟
درت اونور لكان واقف قبل دقائق كان دوك فلرض بقعة دم مايلة للسواد تحت كتفو
_اونووووووور
قبل ما نصولو يد حاوطت خصري وجبدتني بعيد عليه بعيد على الدار.
☄️
