Oh those Bad boys in black!
.
الشي لي لازم يصرا دوكا جلال يساوم..بكل ما عندو يجري عندها هو الاول يبعدها و الباقي لينا
شفنا فزوج فبعظنا منبعد فالدروج دقائق وبانت حاجة تسينيالي بلبيض مالفوق
.
قلبي قريب خرج من تحت صدري..كانت...كانت تبان خارجة من كاش حكاية خيالية...ملامحها من تحت الفوال كانت عابسة عينيا هبطو على بقية الغوب و يدي لا أراديا.. عصرت الكاس بقوة حتى نشق..كلش فيها بيض يشعشع حتى ديلن قدر يشوفها من بعد 500 كيلومتر اعين الرجال كل عليها هبطت درجة وحبت ترجع بصح الحارس رجعها بقوة كرجعت فوسط القاعة بدات الارقام تتصاعد بشكل خيالي سحبت عينيا لا أراديا لنجيب خايف يفقد كونترول ويفسد كلش وطبعا شكي كان فمحلو كان واقف تما يدو تعصرت دخلها فجيبو بسرعة الحمد الله برك بابا كان لاهي يربح فالدراهم من البيعة تاع بنتو...يبعلو فبنتو قدامو...بابا رسميا ربح تاج اسوء شخص شفتو فحياتي لحد الان
غيث🎙️: هذا واش بيه؟؟جلال اتحرك!!!!
صوت غيث خرجني من سرحتي
ديلن🎙️: باغيني نفطنو برصاصة؟؟
غيث🎙️: اوووف صرب!! اعمل حاجة
عقدت حواجبي شفت في جيهتو واقف جامدة في بلاصتو طلعت يدي لودني
_جلال
لا جواب
_جلاااال علابالي ماشي ساهلة بصح فيق ماشي وقتها
ولا رد
ديلن🎙️: أعطوني حد الاشاااارة
_لا متعمل والو
_متأكد؟ لانو آخر مرة جلال قعد ساكت كملت بحبيبك لافانت فمحمل
ميزت فتعابير جلال مليح واقف يبحلق فختو فمو محلول منعد غلقو بسرعة وعظلات وجهو نعصرت..يدو رجعت قبضة وشاف من جيهتي...لاء ماشي فيا..فلي حدايا...كان يشوف في..........بابا!
.
شيت شيت شيت جينات العصبية فهاد العائلة الظاهر مثوارتة
_جلاااااال اياك!!! رولا راح تموت البنت فلروج لحداها راهي مسلحة
دور وجهو للبنت ام الشعر البني لابسة غوب خوج ويدها فساكها واقف على مقربة من رولا مستعدة لاشارة بابا باش تجبد عليها برصاصة.
قعد تما ثابت سمعت نفاسو المتسارعة من جهاز فودني خدت حتى انا نفس
كانت فرصتي باش نستغلها
صريت بين سناني تحت الماسك ومشيت بسرعة فوسطهم واحد مالظياف لي أكبر مبلغ شاف فيا وطبعا مش شرط نحي الماسك باش يعرفني شكون هزلي راسو باحترام وبعد مالطريق قبل ما يسبقني اي واحد ليها وصلتلها وصلت لديك الملاك بلبيض واقفة ظايعة فوسطهم وأخيرا بعد مدة طويلة عداب و الم و صبر كبير
يدي حكمت يدها وسحبتها ليا تفاجأت وعينيها وساعو تحت الفوال..
_ص....
يدي طلعت الفوال وحطيت فمي على تاعها غلقتو قبل ما تقول اسمي مانيش عارف واش صرالي ديك الدقيقة يا اما هبلت وريسكيت بكل حاجة خططنالها يا اما كنت بعقلي وريسكيت بكل حاجة خططنالها...
Photo de profil de chronic_adalinnascott
chronic_adalinnascott
كون ماشي تفكرت انو رانا فوسط حفلة جلال ونجي كانو راح يشوفو حاجة وحدخرا تخليهم يجيبوها ورايا لمدى الحياة.
وكون مقاومتنيش كنت راح ننخلع البنت كانت تكرهني لدرجة متخيلتهاش...واش كنت تتوقع تعنقك؟؟؟؟
حاولت تظربني حاولت تعيط وهاذ الشي زاد الانتباه لينا جلال وختو يتشابهو لازم يديرولي حجرة فالطريق....اسوء من هاك بابا بدا يتلفت لينا قبل ما يتعرف عليا طلقتها
غيث🎙️: طفيت كاميرات لآخر طابق
_مليح بصكو صرا تغيير فالخطة جلال ل...
قبل ما نكمل الهدرة كان طالع وراها فالدروج...شتمت تحت نيفي وطلعت دخلت يجرو فيا بقوة دخل وراها داك الراجل و ماشي بزاف انا وجلال وراهم معا اول ما راحت يدو الفوال تاعها يد جلال حكماتو وسحباتو للوار..بعدما طيحة مصروع كان عليا نتعامل معا نوبة الهلع لي بدات تطلع للسطح فعينيها
صوت الماسك هو يطيح من يد جلال لفت نظري ليه عينيه كانت عليهم نظرة غريبة... حاير..ظايع...عينيه مشافو فوالو من غير عينيها كان لازم نكالمي روحي
.
خوها خوووهااااا
.
شافت فينا مخلوعة قعدت شحال باش فهمتها وعينيها لتعمرو دموع نقزوني فقلبي بعمق
_م..متخليتوش ع..عليا؟
تبسمت وهزيت راسي الشي لي خلاها تقوم مالسرير تجري لجيهتي ثعترت مرتين قبل ما نحكها الثالث و وتلف يديها على رقبتي
.
طبعا هذا الدراما كلها قدام عينين خوها...لمعلابالهاش بهويتو الحقيقة لدوك خلاتو وجات عنقتني..عطيت نظرة لجلال لبدا صدرو يطلع ويبهط ماشي عارف كي يتصرف واش يقول بعدت عليا عينيا معمرين دموع طاحت مخلطين معا الكحل عملو طريق سودا فوق خدها الابيض...صونا بورطابي رفدتو بسرعة واحد مرجال بابا علمني انو صرا خلل...كون جا عارف صحاب الخلل يحكمو تعوق مخي🙄..لازم نخرجو منا
ديلن🎙️: اوو🥺 جلال تاني تكونستيبا
قلبت عينيا منو داك الولد عمرو ما يتبدل لازم نخرجو!!!بصح كي طلعت راسي للخاوة مقدرتش نتكلم المنظر قدامي كان....م..مكاش كي نوصفو
#رولا
تبسمت لجلال لمزال منطقش بحرف
_راني فرحانة مزالك عايش!! مشفتكش من داك النهار شكرا لانكم جيتو😢🥺
طلعت دراعي وعنقتو كنت نقارع الدقيقة لي يبعدني ويقولي 'مهبولة روحي لصقي فوحداخر' بصح مبعدنيش يديه لفو على خصري وهبط راسو على كتفي رغم اني كنت بالطالون بصح كان لازم يهبط شوية باش يحظني
.
ايه جلال يحظني انا😦
.
عانقني بقوة زايدة على اللزوم لوقت طويل كثر ملي توقعتو شفت فصرب من وراه واقف شاد تيليفونو ويشوف فينا نظرة بيزاغ على وجهو
_ام..جلال..لازم..ن
قبل ما يكمل الهدرة الباب نتحل وحارس داك دخل كي جا يتكلم رصاصة جات من العدم زداج تاع النافدة الكبيرة تكسر و الراجل كان طايح فلرض بثقب فراسو.
