Red: already over🎵
#ريا
حبس جلال طونوبيل تاعو قدام الباب تاع الدار فزوج قعدنا ساكتين نشوفو قدامنا مازلت مصدومة جلال ولد مدير الجامعة مافكرت والو من غير ديك الظحكة لي طلقها نهار جينا خارجين مالبيرو ظحكة الم طبعا يظحك لانو باباه معرفوش لاء وقالو ولي غدوا كيفو كيف اي واحد غريب مانيش قادرة حجم الألم لي نعانيه كون توقف قدام بابا بعد سنين حرمان ويقولك فكرني باسمك ☹️ مقدرتش نشوف في وجهو لانو راح ننهار آخر شي
كي جيت نازلة حكم يدي
_ريا قارعي
شفت فيه كي تنهد
_معليش تمديلي القرعة تاع الما حداك؟
عينيا وساعو ويديا لقات الباب بسرعة بصح التشالنجر غلقت بيبانها عليا
_ششش مراح نعملك والو
يديه حكمو وجهي درسو ملامحي مليح لاول مرة في حياتي نشوفو ماشي مستمتع بنظرة الخوف عليا لاول مرة جلال عز شافتو ومقدرش يشوف فعينيا
فمو ينتحل باش يقول كاش حاجة بصح يعاود يتغلق
بصح كي شاف وريا من تاقتي لبرا عينيه البلو وساعو كأني نشوف في قطعت مرايا تبرق
_و..واش؟
شفتو يشوف في مرسديس نواغ لورانا بصح هاذ المرة مكانتش وحدة من تاع عمر..نزل مالطونوبيل وغلق الباب بقوة زايدة استخفر الله كاين واحد عندو
ظودج تشالنجر ويعاملها هكا😑
شعور ملح باش نوقف جنبو ونحكم يدو باغية ونوقف معاه في هذا اللحظة وهذا واش عملت حكمت يدو باحكام كنت حاسباتو راح ينخلع ويشوف فيا بصح عينيه كانو على المدخل
_امم... جلال تيليفونك راه يصوني ويعاود
لا رد قاعد واقف كالحجرة يشوف للقدتم دورت راسي لوجهة نظرو..
ما لقيت لا ننخلع فالطابلة الكبيرة المزنية بديكور أنيق الأطباق لي صفاء تقتل عليهم نورمال..ولا فمدير الجامعة لكان قاعد حدا عمر على راس الطابلة لمزينة باللطباق لي صفاء تقتل عليهم نورمال.
كي شافنا ناض فيدو ورقة
تفحصني بعينيه قبل ما يتفيكساو في آلواقف حدايا
حسيت يدو عصرت يدي بقوة حتى توجعت تجاهلت كمية الوجع فيدي و انا نتخيل كمية لراهي مخبية فقلبو.
_ج..جلال
وقف قدامنا فيديو ورقة التسجيل هذا وين فهمت علاش جلال ظحك باباه معرفوش حتى قرا ورقت التسجيل ومقراهاش حتى فوقتها روطاار
_تعرفني؟
المدير او بابا جلال حبس ملامح الألم على نبرة ولدو الباردة صفاء وعمر واقفين وراه التوتر قاتلهم
_جبتلي تسجيلي حتى لدار هه علاش عييت روحك
_جلال
_علاااااااش عيييييت روووووحك دوووووووووك
تنفظت برعب من صوت جلال العالي بصح باباه متزعزعش
_يا جلال الله يخليك هدا وسمعني..مانيش قادر حتى نشوف فوجهك س..
جلال: منسمعش!!!! كون عيت روحك قبل 24 عام كون عييت روحك ليلة ولدك مرض كون ..تعرف واش ..تقدر تروح نتا وتسجيل تاعك واعذارك لجهنم
☄️
.
مستحقيتكش مستحقيتش جاميعتك مستحقيت حتى حد فيكم جا يدور بصح باباه حكمو من دراعو
_جلال ولدي حبس
حسيت بيه حدايا كي تنفظ من كلمة ولدي و الحاجة لشفتها منبعد كيفاش لصق باباه معا الحيط مرفقو على رقبتو ويد زاوجة ملصقة فراسو سلاح رغم انو كان ظخم البنية بصح جلال مالجيهة الاخرى كان اطول اعند و عصبيتو رجعاتو يبان غول
صر بين سنانو
_متقوليش ولدي متقوليلييييشش ولدي ماااااتقوووليش ولدي
صفاء عيطت برعب حاطة يديها على فمها عمر نحى نظراتو و عيط لجلال انا قاعدة نشوف مرة فيه مرة في سلاحو مرة في باباه م بغيت نقرب باش نهديه مش حابة يقتل باباه برصاصة طايشة فدقيقة زعاف بصح باباه شارلنا باه نحبسو
_جلال و..
_نتحداااك تقولها😡
قربت انا وحطيت يدي على دراعو
_جلال🥺 اسمعلو ع الأقل احسن من انك تندم على دقيقة وحدخرا ظيعتها باش تهني قلبك
عمري في حياتي ماتوقعت الحركة لعملها جلال
_بعدي
كنت مصدومة انا من كل الناس لي نعرف واش قادر يعمل انا فوسط باباه وجدو وجداتو لمتخلعتش كي جبد سلاح بصح دوك الدنيا ماراهيش قادة الصدمة تاعي
.
طلع سلاحو فوجهي
.
لهاذ الدرجة كان معصب😧
رجعو بسرعة لرأس باباه
_راح نوريلك دوووك نوريلك
رتحت كي هبط السلاح بصح طلع يدو لعينو بعنف ونحر العدسة حتى اني شكيت عما روحو😨 ورجع طلع وجهو لباباه لتصدم كي هو كي لبقية
صفاء: واش دااا؟؟؟
_سوفونير تاع الرخصصصصص تاعكم لي عملتوه معايا
ومعا ختي..نهار لي مرض ولدك قلت أيا بزاف علينا قومي نرموه في كاش ميتم ههه الحمى لطعلتي خلاتني نقوم فليل فوسط ميتم بين ولاد وعيباد منعرفهمش نبكي نقارعلكم جو نقارعلك باش تجي توقف حدايا باش تجي يما تهبطلي الحما لانهم رماوني فبيت خاوية وراحو الحاجة الوحيدة لعرفتها منبعد هي اني صبحت واحد ماليتامة و...
حبس فوسط الهدرة كي غصة خنقاتو انا كنت ديجا في وسط دموعي شفت في باباه لي حط راسو بخجل
_طعرف واش بابا العزيز السوفونيرة الوحيدة لي بقاتلي من ديك الليلة هي عيني لنعمات بسبابكم هه طفات اوو ماشي مالحمى حقد هو لعماها يا حظرة المدير يااا حظرة الاب
شهقت على تصريحو كي انا كي صفاء كي عمر كي باباه
.
مايشوفش بعينو البنية😨 كيفاش كل هاد المدة ملاحظتش!؟؟؟؟ كيفاش قدر يخبي عيبو بطريقة طبيعية
جلال: نسبغت كي هيا كي قلبي هههه بصح نن ننن عادي راح نقعدو ونسامح باش ناكل على سارفيس لي صفاء كانت داساتو من عهد الفراعنة ونقومو ونظحكوو ياااااك؟؟؟؟؟؟؟؟
كان يهدر ويشالي بالسلاح فيدو بلا مبالات انا عينيا يطلعو ويهبطو معاه برعب
عمر: جلال وين لقيت هاد الحية!! حطو علا جيهة ولدي خلينا نتفاهمو بالعقل
باباه نطبق ويدو زيرت على الورقة فيدو حتى تكرفست
_كلو الغلطة تاعي وراني مستعد نتلقى زعافك بصح مراحش نعاود نظيعك مرة أخرى راح تسمعني
جلال: نسمعلك كي نتلاقاو انا و نتا في جهنم
_جلال ولدي الله ي..
_متقولللللييييش ول....
عيطت برعب وحطيت يديا على ودنيا من صوت السلاح العالي كنطلقت رصاصة منو شفنا كامل في باباه مانيش عارفة علاش انا شفت لا أراديا في جلال لي كانت واقف مصدوم ماشي لعملو دوك مكانش قاصد يصاوبو رغم كل الشي لصرا😢صوت التيليوفون تاعو يصوني ويعاود هو الحاجة الوحيدة لي كسرت داك الصمت!!
(A/N)_____________
أكثر شخصية مفضلة
.
أكثر شخصية نكرها
.
أكثر لقطة مفظلة
.
أكثر لقطة تكرها
