☄️
.
يدي قعدت ترجف حتى قريب طيحيت المقص بصح صوتو مخلطة بوجع قااتل خرج من بين سنانو
_كمليي!!!!
رجعت نشوف فالجرح فلو مكنتش عارفة اني كنت نبكي!!!
كمية الدم لنزلت لطخت المقص و السربيتة و حتى الفراش تحتو بصح كي لقطت قطعة حديدة صغيرة جبدتها ظحكت وسط الدموع
_جبدتها؟!!!! جبدتهاااااا!!!!!!!
رجعت حطيت المعقم و دخلت الابرة فالخيط اول ما الابرة توغلت فلحمو حط يدو على يدي يتنفس بصعوبة
_دقيقة
هذا واش قال باش ياخد نفاسو ببطء كنت نخيط بعين وحدة محلولة كي نشوف فيه مخي يحبس قاعد تماك شادظ بقوة ع المخدة ومستحمل لا إبرة مهدء و لا شي هذا البنادم مناش مصنوع؟...واااه واه مرتو الاولى اني عارفة جيبنو كان يقطر بالعرق عينيه مغمضين كي حطيت الاصق أخيرا فوقه عطيتو حبة مهدء ركز راسو على راس السرير وشاف فيا بنص عين
_علاش رجعني وساعدتيني مش المفروض تستمتعي بالمنظر تاع واحد ملي خطفوكم يموت؟
_هادي يسموها الانسانية انا وصحاباتي عمرنا مستمتعنا بعدابكم على عكسك نتا وصحابك
خرجت من فمو ظحكة ممزوجة بألم عصر عينيه بعدها لانو حتى الظحك تبسس فتحريك عظلة البطن الشي لسبب الم قهري
_شكون فميزك وصلني لهاد الحالة؟
دققت عينيا فيه واش يقصد؟
_صحبتك أم الإنسانية ظربتني برصاصة بسلاحي وهربت
حليت فمي فيه ريا؟؟ رياااا تاعنا؟ نعرفها قوية بصح باش تعمل هكدا وتهرب ننننننن
_ريا أبدا ماتعملهاش
_يلا باغية تكدبي كدبة وتصدقيها روحي مكاش لجبرك تصدقي
_ل..لازم..ت..اكل حاجة باش ت..زيد تشرب الدوا
غمض عينيه متبسم على محاولتي المثيرة للشفقة باش نبدل الموضوع وهكدا بكل بساطة دخل فغيبوبة من أثار الدوا.
خرجت مالبيت لقيت صرب جاي جاي..اول ماطاحو عينيا على شفاهو تفكرت ديك اللقطة وجهي نعصر باغية نسألو واش داك لعملو بصح ماشي وقتو أصلا مشكيتش يقولي وينتا قالي الحقيقة...وقت كامل قاعد يلعب بيا لمصلاحتو الشخصية
شاف فيا واقفة عند الباب عينيه شافو فالغوب تاعي القصيرة المدرجة بالدم...دم جلال:(
كأنو صوت لافانت كان جاي وراه..بصح هو غلق الباب بسرعة برجلو حتى عمل ارتطام عنيف فوجع السيد لكان داخل
_اووووتش وجهي بررووو
صرب قلب عينيه : قارعلي برا
حظنت روحي بيديا كل لي راني باغياتو دوك دوش و حاجة مستورة وحظن نبكي فيه حتى عينيا ينشفو بعدت خطاوي للورا الطالون لخلاوني نلبسو يعمل ايقاع معا كل خطوة حاجة لمعت في عينيه ايه كنت خايفة منو
منيش عارفة هذا البنادم شكون مانيش عارفة فواش راه يخمم...فطريقة جديدة باش يستغلني
_واش راه يدور فداك الراس الكيوت تاعك
_خليني نخرج
.
☄️
.
_كانو عندك زوج فرص زوج كالذهب باش تهربي بصح خطاريتي جي معانا
_ي عني يعني
_خسرت عليك ثروة بنت الناس قدمت نشري ربع فيلات وزوج مرسيديس ويبقالي...متتوقعيش مني نخليك تمشي ببساطة🙄
بلعت حجرة فحلقي نحيت الطالون بعنف ورميتو عليه
بعد راسو جا وراه وظرب المرايا عملت شق
زاد الزاوجة فيدي دقق عينيه فيا
_اهداي
كنت حاسبك متحظرة
_التحظر عندك نتا يعني؟ قاعد تشري ناس
_رولا
كنت رايحة للباب بصح يدو جراني صرب كان ظخم فالبنية كثلثة عظلات متنقلة مشفتش فرصة ليا باش نقدر نواجهو بصح قوة غضب كانت جبارة ظربت قاومت حتى لي لصقني فالباب ورايا شفت فعينيه
_علاش..مين منعنيلك والو لهاد الدرجة علاش س..لكتني علاش..بستني؟
عينيه الغري شفافين بدون اي شعور واضح بحلقو فيا شحال قعد هكدا يشوف فيا طلع يد وحدة لكانت حاكمة خصري معا الباب وصبعو تلمس شفاهي
_بغيت نجرب سلعة لي شريتها قبل ما نموت...بصح ممتناش هه
.
حسيت قلبي نقسم بشوية وطاح فلرض تكسر بين رجلينا كالسكين حادة غرسها فقلبي بكل برودة اعصاب كون ماشي كان حاكمني بقوة معا الباب نحلف كون راني طاحية مكسرة جنب قلبي. رفدت يدي والحاجة التالية كانت صوت الكف لعطيتهولو عينيه وساعو
كانش يقارعلو..غلق عينيه بهدوء يحاول يهدي روحو نشع حاجة من حدا الباب مش عارفة واش وحطها على كتافي مونتو كبير غطاني كامل
_خرجي
بدون مانزيد كلمة خرجت شفت فلافانت راكز على الحيط بملل بصح كشافني بحلقت فيه طلع يديه باستسلام
_ووه مقت والو
رغم كلماتو ديك التبسيمة الجانبية قعد على وجهو شديت على المونتو مليح وكملت الطريق مش لبيت صرب بصح أولا بيت جات فطريقي اخر حاجة دوك نعملها نروح لبيتو
#صرب
تنهدت ورحت لجلال للبيت زاوجة الرخيص كان قاعد شاد ظحكة طلعت حاجب
_ماشي كنت راقد
_صوت الكف فطني
رغم الالم لراه فيه الواطي ديك التبسيمة مراحش من وجهو تنهد وتركزت على الحيط مقابلة سريرو جمعت يديا فوق صدري
_راك تبان كخرا
_الله يسلمك خسرت ربع ليترات دم وتخيطت كالعصبان
راك باغيني نرجع نبان جورج كلوني؟..وين كنت ع اي حال
_تأكدت انو بابا خرج من تما...شكون عالجك؟
_البنت لي عطاتك كف دوك
طلق ظحكة ممزوجة بألم بفف
_ع الأقل مظربتنيش بسلاحي
ديك تبسيمة راحتلو فجأة وهو يتفكر حاجة
_ريا اسمها خرج من فمو بهدوء ..والله مكنت حاسب راح تتجرأ..واش قتلك..كلهم يروحو ويخلوك الا انا جلال كلهم
_سلكت حياتي بصكو تبغيني وتموت عليا؟؟ حاسبني حمار؟
_طبعا ماشي علا جال كحل عينيك🙄نقولها ونعاودها نتا افضل رجالي الشوفة تاعك تما حياتك قاعدة ظيع بتفاهة بين مجموعة حيوانات جاتني ثقيلة
.
