☄️ Badboys always do it better
~~
دورت راسي العينين الملونين لكانو يشوفو فيا تبمست منبعد تفكرت اني راني زعفانة منو قلبت عينيا وجيت داخلة كتفي ظرب كتفو بقوة زايدة
_اوتتتش
درت بسرعة عينيا تفحصوه كليا وجعتلو الجرح؟
_وجعتك!
_ماشي قد الوجع تاعي. انا نشوف فيك تغرقي في ميترا ما
فمي كان محلول حتى نحلف انو تلمس لرض يا يا...
#نانا
كي طلعت اول حاجة قابلتني غيث بوجعو يخوف رما عليا سربيتة بقوة زايدة عن اللزوم تبسيمت باستفزازية الواطي رجعهالي وعينيه هبطو عليا مالفوق للتحت
_مطلعيش مورال روحك شفت احسن من هاك
كنت راح نقول حاجة بصح صوت ريا عصف كالرعد م الداخلي
.
_جلااااااال نتا وااحد رخييييييص
.
(Chronic_adalinnascott)
ديلن: وانا كنت حاسب مكاش حاجة عالية على الهوم سينيما رواحي ميرا عمري نرقدو هاد الهمجيين وقتهم باش يقودو لديارهم
غيث وقفت وجمع يدو لي فيها بونداج معا الصحيحة
_وين بيها حبيبنا نتا ترقد معايا وهي معا نانا
لآخر عينيه خرجو من راسو وشاف فغيث بنظرة قرف
_اعععع غيث علابالي انا نعجب كامل الاجناس بصح للأسف الشديد مانيش gay
غيث: ديلن مانيش نزعق🙄
_وشكون قالك انا راني نزعق
مديت منشفة لميرا وخليتهم يجادلو شكون يرقد حدا شكون وحنا دخلنا نشفنا روحنا ميرا قادتني الخزانة تاع الحوايج لي وجدهالها اخينا شكون قال ديلن عندو دوق شباب والله😕لبست بيجاما هي نفس الشي ريا سرقت واحد مالتركوات تاوعو تاع الفوتبول لونو نواغ خلانا نتسمعو على نص ساعة وحدخرا عياط بيناتهم باش تنحيه جلال ظربو للراس كي جا ينحيهولها وهكدا الكل رقد لي فلرض لي فالفوتاي كامل نصرعنا لانو اليوم كان حافل طاقتنا ستنزفناها بأحداثو لآخر قطرة. خاصة معا منظر غيث وهو بينهم عينيا كل مرة يتغضمو يرجع منظر الدم ولافانت حاكم سكين باش يغرسها فقلبو
.
لالالا
_نانا
صوت عيط باسمي بصح انا حظنت روحي كثر
_نانااا
فطنت على عينين نوازات يشوفو فيا يدو كانت على وجهي وزاوجة على دراعي تهز فيا باش نفطن كي تأكدت انو لراه فوقي يشوف فيا غيث اول حاجة لفيت دراعي على رقبتو وسحبتو للتحت عنقتو بكل قوة عطاهالي ربي مكانش داير حسابو راه نخنقو بعناق هكدا طاح عليا بكل وزنو مهمش يلا هو راح يخنقني الاول المهم كنت محتاجة نكون قريبة منو اكثر درجة ممكنة لدرجة نرجعو شخص واحد منتخيلش صديق الطفولة وقطعة مهمة من حياتي ظيع مني🥺
_نعجل جدها صداقة اني باغية غيث تاعي
_نانا😕؟
كي طلع راسو باش يشوف فيا سحبتو للتحت وغلقت السنتيم ليكان بيناتنا خلعتو مسكين المرة الثانية بصح دارك الموضوع ولف يديه تحت ظهري
حبسنا كي سمعنا حس الفوق انا شديت ظحكة وتخبيت تحت صدرو وهو غطس راسو في عنقي
عملي شششش بصبعو رانا كي زوج دراري صغار كي يلقطوهوم والديهم يعملو مشاغبات نفاسو على رقبتي كانت دغدغ الشي لخلاني يحط يدو على فمي باش منظحش كون ينوض كاش واحد فيهم يقول غيث راح يغتاصبني كي الخطوات راحو رجع شفاهو لتاوعي بصح انا بعدت من فوقي تنفس بألم الشي لي خلاني نقوم ونشوف فيه
_وجعتك؟🥺
_تقصدي جرحي ولا شفاهي مساكين؟
_ايه صح رجعنا بصح حكم روحك 🙄🙄.
#ديلن
كنت فالصالدوبان بعدما بدلت حوايجي المبلولين نحيت التريكو لي كنت لابسو ساع باش نلقى ست الحسن دور بيه.
قعدت نشوف فانعكاسي فالمرايا مقابلتني شفت واحد ماشي قادر يرقد تحت عينيه سواد على جيهة فيدو إبرة مورفين ومتصارع معا نفسو يديرها او لا. تنعد بحدة وخجرت للكولواغ تحت منظرهم وهوما راقدين خلاني نتبسم لا أراديا ميرا راكزة على حظن ريا ريا على كتف جلال زوج راهم ناقصين؟ ظربت طلة على غيث متلحف وراقد من اخر جيهة فالفوتاي الابيض الطويل شعر نانا الحاجة الوحيدة لي خلاتني نفهم راهي تحتو..ممم🤔😏
تبسمت لا أراديا على هاد الجماعة قدامي بسرعة رجعت عائلتي الوحيدة شفت في الابرة فيدي ورجعت شفت فيهم شكون يحتاح مورفين وعندو عصابة كيما هادي ينسوك اسمك....❤️
#ريا
وحنا نشربو فالقهوة لي عملتها انا بكل تواضع نانا وغيث كانو ساعة ساعة يشوفو في بعضاهم ويظحكو ديلن يظغط بعصبية على بورطابو طلعت شوية للفوق باش نشوف واش راه يخطط لقيتو يلعب temple run.
قدامو كاسو ميرا وجلال يشربو في هدوء شفت فجلال وهو يرفع فنجالو اول جرعة رجعها فكاسو
_هادي اسوء قهوة شربتها في حياتي شكون دارها!؟
_انا
شفت فيه زامة شافتي بقهر تبسملي ببراءة
_بغيت نستحفظ عليها منفرطتش فقطرة منها :)
...
بعد نص ساعة كنا رايحين للجامعة نبداو الدوام كالعادة بصح كاين حاجة بيزاغ علاش جلال وديلن ركبو فرونجر روفر والبقية معا غيث...عوض باش نركب معاه رحت نقزت المقعد خلفي ورا جلال وديلن شافو في بعضاهم منبعد فيا
جلال: ام...حبيبي باغية تسوقي تشالنجر اليوم؟
_نن قررت نركب معاكم🤔🌚
ديلن: شكون عطاك الحق تركبي روفر تاعي
_شكون عطاك الحق تخرج معا صحبتي
_شكون عطاك الحق تخرجي معا صاحبي
_مكان مدخلك
رجع قال نفس كلماتي بصح بصوت انثوي رقيق ومزعج
_مكان مدخلك🙄🙄
_حبسسس
_حبسس🙄
_علابالي راكم تخطو في حاجة كون ماتدونيش نخبر ميرا واش صرا بصكو عندها الحق تعرف تاني ونتا نخبر صفاء كنت دخت وترمي ما تبقى فلفاز تاعها.
شافو في بعظهم ديلن كان اول واحد نطق
_الله ينعل الدقيقة لي لقيتها متخبية تحت البيرو
جلال: قلع صاحبي رانا تحت التهديد
.
تنهد عطاني خرزة كره ورجع نظرة للطريق ديمارا.
Chronic_adalinnascott نحارفنا على مصار الجامعة وبعدنا على غيث
_وين رانا رايحين..نخطفو كاش عيباد...ننتاقمو من ال## لافانت
جلال: كالمي روحك مراحش تعتبي خطوة مالطونوبيل
_علااااااااش 🥺🥺 لافانت حاول يغتاصبني مرة يستهل ننتاقم منو
ديلن عطاه خزرة "عندها الحق' جلال زير على يدو بعصبية حتى أطراف اصابعو بياضت كي نقط الدم عليهم وتنهد.
ديلن رمالي ماسك نواغ فحظني ولبس هو تاعو جلال نفس الشي ونزلنا مطونوبيل
رجعولي دكريات اول يوم قامو فيه بسطو مسلح على الليسي عمري ما تخيلت راح نكون طرق منو. لي يشوفنا معا كاش غنية تاع توباك مطلوقة يوقل مشهد فيلم.
دخلنا لوحد الشقة فخمة كانت لآخر طابق
_واش رانا نديرو هنا؟
_زيارة سريعة لوحدة من ممتلكات لافانت🌚
شفت فجلال بصدمة :كيفاش وحدو من ممتلكاتو ماشي حاط عليها العسة!!
_لانو الدخلة مشفرة مكاش لي يقدر يدخل
_وكراح ندخلو!!
دخل رقم فلوحة الالكترونية على الباب نتحل كشغل ظو خظر
عرف كود تاع دارو؟ عينيه البلو من فوق الكمامة النواغ غمزولي
_مكاش ليقدر يدخل معاداي طبعا
كرشي علاش عملت انقلاب من الغمزة تاعو؟ خلونا من هادي الشي.. هدرتو تاع البارح فراسي عرف عليهم كثر ملي يعرفو على روحهم حيدر ميقدرش يدور بيه
كي دخلت رمالي ابو عينين خظر مظرب
ديلن: تعرفي تلعبي البيسبول🌚؟
تبسمت ابتسامة خبث
_نموت على البيسبول🌚
~~
_واااااجد
_ ارمي ارمييي
رميت حبة البيض الاول وهو ظربها لجات فالحيط لجات فلوحات الزيتية على الحيط لجات على فالفراش تاع الريش اعع منقدرش نتخيل واش كان يعمل فوقو معا اللبنات لي كان يخطفهم قلبي رجف بشدة كي تخيلت رولا تحت رحمتو. انشاله جلال يكون عارف واش راه يدير ويرجع رولا
ديلن طلع فوق طابلة فوسط البهو سيجارة فيدو والمظرب باليد الزاوجة يشوف فالفوضى لعملناها بفخر كنا نرجعو فنفاسنا بقوة
وقفت قدام بلازما ستيوارت هيوز 55 بوصه بمظرب ثاقبو فالوسط وخيطانو خارجين على برة
ديلن هز كتافو: زعما راح يبكي كي يشوفو؟
انا: بففف مجرد شاشة دير 2.3 مليون دولار
شفنا فبعض وظحكنا جلال خرج من وحدة م البيوت حامل فيديو بورطابو و ورق
_واش داك؟
تمن تحت الماسك حسيت تبسم على جيهة
_الحاجة لي كنت نحوس عليها
خرجنا بسرعة بعدما خلينا الدار خربة..قبل ما نغلقو الباب صوت حبسنا
_حبسسسس
_واش
شفت فديلن كي جبد كاميرا من ساكادو تاعو وطلعها ظحكت وجريت لجنبو بسرعة نطقنا معا بعض
_سالفيييي✌️
جلال هز راسو على دراري لي كانو معاه😂بحص والله غير حسيت روحي رتحت شوية خرجت نص غشي منهم
فالرجعو ابو العيون الملونة هو لساق نص ساعة كنا فعيادة يماه شفت فيه متبمسة
ديلن: علاش حبستنا هنا؟!
