العروسة في الثوب الاسود

بارت ٣٧و٣٨

٣٧_________٣٨
العروس في الثوب الاسود

البارت السابع والثلاثون

بعد مروان متعرفة اذا خله شي براسة ينفذة .

فتحت الباب شوية اريد اشوف منو ، هذا أيهم شجابة مو مسافرر، وهاي نور كاعدة يمة .

أيهم: كتلة لاتروح وتجيبها عوفها هناك وضعيتها تعبانة ليش هيج سوة لييييش مو راح يخبلني.

نور : محد راضي بسوايتة ، لا ابوك ولا ابوي ولا عمي جواد.

أيهم: لعد شلون راح محد كدر يوكفة عد حدة .

نور: دخل يم جدك اول البارحة ومدري شقرة براسة وجدك كله تم .

أيهم: اخ اخ مروان ، هذا عود يحب عمي وصديقة جان وسوة هيج لو عنده عداوة وياه شيسوي.

نور: اسكت أيهم ماشفتها للبنية شلون تعبانة وجها اصفر متت بجي عليهة البارحة عيوني ماضاكت النوم .

أيهم: شفتها دخلت الصبح وتخبلت ماعرفتهة بالبداية اله من سألتج وكلتي هاي رسيل.

نور: افكر لا يجرالها شي وينحسب ذنبها بركابنه لان ما منعنة مروان ورديناه عن أذيتها.

أيهم: ماشفتي راح البارحة أستغل سفري ، وانتي من دزيتيلي مسج كتبتي مروان راح لبت عمك يرجعها ، اخذت اول طيارة ورديت، فد ماضنيت بهلسرعة يجيبها ...

نور: والحل شنسوي ؟؟؟

أيهم : أردها وغصب عنة، منتضرهم يلتمون خابرت على ولد عمج واخوانج الهيلك ، مابيهم زلمة بيه حظ يرد مروان عن سوايته ، كلها ركضت جدامة مثل الغنم.

نور: الله يستر ، مروان ناوي نية كشرة وكاشف عن انيابة .

أيهم: شحدة يجيس شعرة من راسها ، بوكتها انسى اخوي الجبير واله مكانتة واكسرله اصبع اصبع .

نور: اول تالي تحجي على مروان هيج ، وهو روحك من الدنيا.

أيهم: احبة ما كارها ، انه اكره ظلمة ، لزمتة حاجيته بيوم الرد من دفنة عمي، كتله عوفها مالك شغل بيها البنية تربت هناك وتعلمت على بيت خالها سنين يمهم، جاوبني ب اي وسكت ماضنيته يضحك عليه ويسايسني...

ورة شوية كمز من مكانة ،

نور: وين ؟؟

أيهم: اجوووو هذا صوت مروان .

طلعو على السريع وطلعت وراهم على كيفي حتى اسمع شنو راح يصير اريد بس خيط امل اتمسك بيه حتى ارجع لبيت خالو.

وكفت فوك على الدرج ، محد يشوفني لان لوفة بيه.سمعته صاح بعلو صوته وتلازم وياه..

أيهم: مروووووووان تضحك عليه من كتلي مالي شغل بيها، انتضرت سفري ورحت جبتها لك انت شنو من بشر فهمني كدرتك على اليتيمة.