العروسة في الثوب الاسود

بارت ٥٩و٦٠

٥٩_____٦٠
العروس في الثوب الاسود
البارت التاسع والخمسون

وشلونهم

مامر بيهم عطر فززهم وحنولي

ما مرة حسو بالبعد

وبالبال مريت بحلم

خلاهم يغنولي

وارد فشلان بنذوري

نا المبيوك من ناسة

انا المأخوذ من روحي

انا الركضت الدنيا وعثرت بظلة

انا المايدري وكته شعاف وشخله
.
.
.
رسيل: ابعد مني ، اني مو رغد، غلطان بالغرف، ذيج غرفتها روحلها..

اشر بصبعه معنى لا ...

مروان: انه ما غلطان انه جاي لرسيل مخصوص...

رسيل:ياحضج الاسوووود يارسيل، ليش جاي سكران روح اسبح وصحصح وتعال نحجي ...

اني احجي وارجف ،لان مو بوعيه خاف يسوي بينه شي ...

مروان: عوفيني سكران من اصحى ماكدر احجيلج شنو هنا ، ويأشر على كلبه...

رسيل: مروان نام والصبح نتفاهم الله يخليك ،

اجه تقدم عليه راد يحضني ،وخرت وكع على القنفة...

استغفر الله حتى حيل مابيه ويكدر يوكف ،رحت نزعته الحذاء وشمرته على صفحة ،ورفعت رجله خليتها على التخم نايم على وجها بلا مخدة ، عفته خاف احركه ويكعد، فتت للغرفه جبت جرجف وغطيته ليروح يبرد بليل السبلت معلوك ..قفلت باب الغرفه عليه ونمت ،فزيت على دكه خفيفه على الباب مال غرفة، كمت فتحتها ، مروان بس مندار ناطيني ضهره ..

رسيل: صباح الخير .

التفتلي ابتسم ودنك .رجع رفع راسه .

مروان: خربطت هواي البارحه موووو؟

رسيل: لا جيت كبل نمت ،

مروان: ليش نايم برة ؟

رسيل:كعدتك مقبلت كلت نعسان عفتك وفتت نمت..

مروان: همممم، ليش قافله بابج.

حسيته مامصدك بكلامي ...

رسيل: ما اعرف هيج سديتها يعني مو قصدي شي .

مروان: جوعان اكو ريوك لو انزل جوة اتريك .

رسيل: براحتك تريد هنا هسه اغسل واسويلك تريد جوة بكيفك.

مروان: رجعي نامي راح اسبح وانزل اكل جوة.

رسيل: ماشي براحتك .

راح ردت اسد الباب رجع التفتلي .حك شعرة وكال

مروان: رسيل

رسيل: ها ؟؟

مروان: اكيد ماحاجي شي

رسيل: اكييييد مروان جان كتلك روح اسبح ليضل بالك.