٤٣_____٤٤
عروس في الثوب الاسود
البارت الثالث والاربعون
لزمها مروان و سد حلكها جرها للمخزن ، حجه من بين سنونه بأعصاب وخازرها ..
مروان: صوتج نصيه ، شنو الناويه عليه أزهار جايبتني من نص الزلم وعفتهم بوحدهم حت اشوف رسيل وي ابنج بوضع مخزي؛ وين المخزي بالموضوع ؛ واكفه بيدها جدريه وابنج السكط واكف يمها .شنو الغريب يعني ....
وخرت ايده من حلكها وعيونها مدمعه مبين خافت منه
أزهار: ياخوي بعيوني شفتها اشرتله وصعدو فوك.
دفعها حيل على الحايط.
مروان: ازهار كيد النسا جوزي منه؛ انه اكره ما اكره الحيله وينضحك علي، تسدين حلجج والناس جوة ماريد طير بشر يعرف بالصار هنا وتنزلين تلميلي خواتج بغرفه ابوج وابنج الكلب ما اريده يروح يضل هنا، عندي كلام وياه ؛ واياني واياج اسمعج هامسه شي يخص الصار ويسوء لسمعه رسيل ...
شال ايده راد يضربها ، وخرت على صفحه .وخلت ايدها على وجها.
مروان: ولج هاي بنت عمج شرفها من شرفج؛ اذا طلعت حجايه عليها مو تروح بالرجلين ، ومالنه عين نرفعها بعيون الناس، زين عوفج منها كارهتها ؛ احنه ما فكرتي بينه ؛ ابوج ماخفتي عليه؛ جدج قبل جم يوم طالع من المستشفى ما خفتي يصيرله شي ..
ازهار: حقك خويه بكل شي حجيته، اوعدك ماتنعاد، فد هيه صلفه وترادد امي هواي.
مروان: تعاي وكليلي ، افرك حلكها فرك؛ مو تهمينها هيج تهمه ؛ ازهار عندج بنات خافي الله بيهن؛ ويلا ولي جوة لبين ما اجيج .
جرت ابنها وطلعت تركض حتى مباوعت عليه.
التفت عليه وكال...
مروان: وانتي هم احملج مسؤولية الصار.
رسيل: ليش اني شعليه ، قابل خطتت وياهن حتى أأذي نفسي.
مروان: لا فد لبسج وجسمج يجيب التايه كم مرة كايلج يا بنت الناس عينج على حجابج ولبسج ، اكو زلم بالبيت هوووواي والعين عليج لانج حلوة ، خلي بالج من الكل وحت انه محد بينه معصوم وانتي تفترين بنصنه عريانه.
رسيل: هههه وين العري؛ الله يخليك شو دشداشتي شعرضها وحجاب ولابسته .
مروان: انه ما حاجي على هسا ، كل يوم بشنو اشوفج ، تراكسودج اللزك والشعر يتطاير وراج جنه مي...
رسيل: والله مو لزك اكبر من قياسي بمرتين جايبيه .
مروان: انه من احجي لجانبج لا كارهج ولا رايدلج الشر افهمي ...
رسيل: واني لو اموت ما البس حجاب بلبيت ، شنو سجن قابل ...
مروان: هاي مو نور وياج سنين ما لامح شعره منها ، شو ما كالت سجن.
رسيل: نور وحد واني وحد ، اريدك كلمة تحفرها هنا
أأشر على راسي واحجي..
(رسيل مو محجبة)
JE LEEST
العروسة في الثوب الاسود
Overigبنات القصة منقولة والقصة كل بارت بي ٢ #العروس_في_الثوب_الاسود ١_________٢ #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جم...
