العروسة في الثوب الاسود

بارت ٥٣و٥٤

٥٣___٥٤
العروس في الثوب الاسود

البارت الثالث والخمسون

ملاحظة ، الاحداث القادمة تنقل من اكثر من شخص
نور
ياسر
رسيل
.
.
.
الاحداث اللي عن لسان ياسر تنقلها نور حتى لتدوخون.

نرجع قبل ٨ أيام ......
المكان الشمال أربيل ....الساعة الرابعة عصرآ.

ياسر،  وصلنه لمطار اربيل ومهدودين هد من التعب ، هاي اطول سفرة نسافرها انه وأيهم، رحنة للصين شحنة غراض كلش هواي للمحلات الجدد، فتحنه فروع جديدة بأسم والدي ، بس مو اثاث لا كهربائيات على لابتوبات على كامرات، وسعنه شغل مثل ميكول ؛ لان شغله الاثاث شويه تعبت بسبب الضروف المر بيها البلد ، هسه عصر الانترنت والتكنولوجيا، توقعنه راح نشتغل ونربح منها بس اللي صار فاق التوقعات كلها ،،،خيررر من الله الرزق كمنه منلحك ، وهاي الشغله صارت خاصه بيه وبأيهم ؛ عفنه معارض  الاثاث لابوي ولمروان.

امشي واجر بالجنط ٢ و وحده على جتفي .ايهم يمشي كدامي هم جنطتين ساحل وراه.

ياسر: أيهم ادري شعندك هلكد اشتريت ماشايف جنطتين انت تسحل بيهن واني اسحلك وحده.

يحجي ويايه بدون ميلتفت

أيهم: لك وانت ع اساس مشتريت هاي الجنطه التسوحل بيها شنو.

ياسر: انه عندي مرة وجهال وجبت الهم انت من الك .

أيهم: عندي ياخوي عندي ولو بيدي اتسوك الها اكثر،،، بس شفت بالطيارة ذني واخذو كوم فلوس فوكهن وياريت بسرعه قبلو شلعو كلوبنه.

رحنة كعدنة بمكان الاستراحة نرتاح ونطلع ناخذ تكسي.

كعدنه والتفتت على أيهم.

ياسر: ما تعرفني عليها انه شاك بوحده بس اريدك انت  تحجيلي.

أيهم: تصدك اغار احجيلك عنها .

ياسر: هههه لك انه اخوك قابل تجي عيني عليها ؛ شحال لو جنت غريب شسويت.

أيهم: افكس عيونك لو انت غريب وتباوعلها،

ياسر: شوف شوف شلون يحجي وجها صار دم ورد رجعت بيك الحياة.

أيهم: يا اخي الحب حلووو حيل وخاصة اذا جان من نفس الدم.

ضربت بيدي حيل  وضحكت .

ياسر: عرفتها والله عرفتها هيه وانه اكول هذا أيهم مستقتل ويداري ويجيب ويودي معقوله في سبيل الله اثاريك مو هين ياملعون. نوبات اصفن اكلهة لنور هذا أيهم معقوله يتسوك ، عمرة ما مفوت علاكه مخضر للبيت ، كلش كلش جان يجيب حلويات بالاعياد.

أيهم: لا تسويني فد نوب بخيل يول ، وضربني على راسي بشقه.

ياسر: عوفك من الشقه ابوي وجدي شلون لو درو ؛ وانعادت بيك السالفه القديمه.