العروسة في الثوب الاسود

بارت ٦١و٦٢

٦١_____٦٢
العروس في الثوب الاسود
البارت الواحد والستون
وياخذني الحنين لبابك المسدود .....

اذكر مرة كتلي الليل لغيرك ذنب

ومرة كتلي الليل وحشة بعين كل واحد محب

مرة كتلي

ومرة كتلي

هواي كتلي

وطلع كل حجيك جذب

بس أشتاكلك وارجع طفل

مايقتنع هو بعذر

ما يعرف فراك وهجر

كل اليشوفة يريدة

حاجاته كلهن بس اله

ممنوع واحد يقترب

حاضنهن بجف ايده

.......

..

رسيل: شبيك تخبلت انت .

لزم ايدي ولواها ،

مروان: لتتجاوزين لا اكسرج تكسر

حجايه مني حجايه منه ، اعترف هواي تجاوزت بالحجي وياه ، اني جنت غلطانه ....

لزمني بالحزام وين ميوجعني وصريخي اخذ الدنيا ،

اني وبالكاع وابجي صارت عيني على باب شقتنه واشوف ايهم واكف ومكتف ايده ،ماخذ موقف المتفرج..

على شنو يتدخل ، هسه يكول رجال ومرته اني شنو، بس استغربت وكفته ،

مقهور عليه ويريد يحميني من مروان، لو يشوف الفضلته عليه شلون يعاملني حرت بنظرته معرفت افسرهاا..لهناك وفات ياسر يركض ونور وراه ....

ياسر: مروان صدك تحجون يعني متطلع عركاتك اله بليل من نايمين، يوخر بيه ويحجي ...

مروان: والله اله اكسرها انه ناطيها عين زايد ، عايفها براحتها دشوف لوين توصل الادبسز ، تربية مرت الخال شتطلع، لا ام فوك راسها والاب ناطيهن الحريه ، مدري اسبه بهليل على خلفته هاي السكط...

ياسر: كوم اطلع نام بغرفتك وعوفهة دشوف سكطتها كلشي ممبين منها هسا تموت بيدك.

مروان: يطبها مرض، وخر ياسر لا اضربك فوكها،

ياسر: اضربني يلا هيه بس هاي الضلت ماشفتها من وراكم ،
ابو ابوي مسموط النهار كله نلهط من التعب نجي ساعه للبيت نريد ننام براحه منكدر يوميه طاب وطيب.

لا تملون لا تجزعون والله جزعتونه ،انه اذا اضل هنا اعتبروني كلب ابن سطعش كلب من باجر اشيل امشي نور،...
يحجي بصياح ومنفعل ... نور خالتني بحضنهة تبوس بيه وتبجي...

شفت مروان ،وكف بالباب باوع على ايهم وطلع ، ايهم صافن علينه اني ونور وياسر ،

ياسر: شفت اخوك ومرته هاي يوميه احنه النه طلابه وانه صاير بالنص ...