"ပန်းခက်နွယ်"
"..."
"နင်မိဘမျက်နှာကိုအိုးမဲသုတ်လိုက်တာလားဟမ် ပြောစမ်း"
ထိုအသံများသည် ပန်းခက်နွယ် ဟူသောမိန်းမပျိုလေး၏မိခင်ဖြစ်သူထံမှထွက်ပေါ်လာသောအသံများပင်။
"ကြားလို့မှကောင်းကြသေးရဲ့လား အရပ်ကတို့ရေ"
"အမေရယ်တိုးတိုးပြောပါ"
"မပြောနိုင်ဘူးအေ နင်ကဘုရားမကြိုက်နတ်မကြိုက်တဲ့အရာကိုကျူးလွန်ထားတာလေ"
"..."
"ပြောစမ်းပါဉီး ငါ့မွေးထားတာသမီးမိန်းကလေးဟဲ့သမီးမိန်းကလေး ငါမွေးထားတဲ့သမီးကမိန်းမတစ်ယောက်နဲ့မေတ္တာမျှတယ်ဆိုတာဖြစ်သင့်ရဲ့လား"
"အို...အမေကလည်း အဲ့တာမဖြစ်သင့်တဲ့ကိစ္စတစ်ခုမှမဟုတ်တာ"
"ငါပတ်ဝန်းကျင်ကိုဘယ်လိုမျက်နှာပြရတော့မှာလဲဟမ် နင်ကသိပ်ကိုဂုဏ်ယူစရာကောင်းတဲ့လုပ်ရပ်ကြီးကိုကျူးလွန်ထားတော့ငါကပတ်ဝန်းကျင်မှာသိပ်ကိုမျက်နှာပန်းလှနေတော့မှာပါပဲအေ"
ရွဲ့ကာစောင်းကာပြောလာသောမိခင်ဖြစ်သူ၏စကားများကြောင့်စိတ်ညစ်ရသည့်ကြားမှပြုံးစိစိပင်ဖြစ်မိသည်။မည်သို့ပင်ဖြစ်စေကာမူမိဘဟူသောတုနှ်ိုင်းမဲ့ပုဂ္ဂိုလ်များသည်သားသမီးများ၏ဘက်တော်သားများဖြစ်သင့်သည်မဟုတ်ပါလား။ပတ်ဝန်းကျင်ဟုအမည်တပ်တာကဲ့ရဲ့ရှုံ့ချနေသောလူများကြားထဲမှသားသမီးများအားသူတစ်ပါးတံထွေးခွက်မဖြစ်စေရန်မားမားမတ်မတ်ရပ်တည်၍ကာကွယ်သင့်သည်မဟုတ်ပါလား။ယခုတော့ထိုကဲ့သို့မဟုတ်ပေ။
"အမေကကိုယ့်သားသမီးရဲ့နှလုံးသားရေးရာထက်ပတ်ဝန်းကျင်နဲ့သိက္ခာကိုပိုပြီးဉီးစားပေးနေတာလား"
"နင်ငါ့ကိုပြန်ခံမပြောနဲ့"
"ပြန်ခံပြောနေတာမဟုတ်ပါဘူးအမေ သမီးရှင်းပြနေတာပါ အဲ့ဒီအချက်ကိုလည်းအမေ့ကိုနားလည်စေချင်ပါတယ် ပြန်ခံပြောတာနဲ့ရှင်းပြတယ်ဆိုတာမတူညီဘူးဆိုတာကိုပေါ့"
"တော်စမ်းပါအေ သမီးမိုက်ကမအေဖြစ်သူကိုအပြစ်လုပ်ထားပြီးကြီးကြီးကျယ်ကျယ်တွေလာပြောနေသေးတယ်"
YOU ARE READING
ပန်းပန်လျက်(Complete)
General Fiction1980 ဝန်းကျင် ရန်ကုန်တက္ကသိုလ်ကျောင်းဝန်းကြီးထဲမှမိန်းမပျိုလေးနှစ်ဦး၏ချစ်ခြင်းကိုဖော်ကျူးပြသထားခြင်းဖြစ်ပါသည်။ Artist - Pann Eain 1980 ဝန္းက်င္ ရန္ကုန္တကၠသိုလ္ေက်ာင္းဝန္းႀကီးထဲမွမိန္းမပ်ိဳေလးႏွစ္ဦး၏ခ်စ္ျခင္းကိုေဖာ္က်ဴးျပသထားျခင္းျဖစ္ပါသည္။ Artist...
