16.4.2011
ရှာပုံတော်မင်းသားကြီး မဏ္ဍပ်တကာရောက်ခဲ့ပြီ...ဘယ်အရပ်သူ ဇာတိမှန်းလည်းမသိတော့အခက်တွေ့ပြီ....
"ရှာပုံတော်မင်းသမီးကြီးလုပ်ပြီး နွယ့်ကိုပစ်မသွားကြေးနော် ခင်"
ပြင်ပမှပျော်ရွှင်ဖွယ်မဟာသင်္ကြန်ပွဲတော်ကိုဝရန်တာလေးမှတစ်ဆင့်ငေးမျှော်ကြည့်နေသောသူမကိုရွှတ်နောက်နောက်နှင့်လာပြောနေသောချစ်ရသူကြောင့်ခပ်ရဲ့ရဲ့ရယ်မိသည်။
"အပြင်ကိုဘာလို့အဲ့သည်လောက်ထိကြည့်နေရတာတုန်း"
"ဟိုမယ်လေ ကလေးတွေပျော်နေကြတာမြင်ရတာကြည်နူးစရာလေး သိရဲ့လား"
"ဘာလဲ ရှင်လေးကရောအဲ့လိုမျိုး ပျော်ချင်သေးလို့လား"
"အမလေး အသက်တွေလည်းရလာပါပြီ အပျော်အပါးကိုမမက်မောတော့ပါဘူးနွယ်ရယ်"
"အသက်အရွယ်ရတယ်...ဘယ်မလဲပြစမ်းပါဦး"
"..."
"အို...အဲ့သည်လောက်ထိလှပနေဆဲကိုအသက်အရွယ်ရလာပြီတဲ့လားရှင်လေးရယ်"
သို့ပေမဲ့ အမှန်တစ်ကယ်တွင်လည်းသူမတို့နှစ်ဦး၏အသက်အရွယ်မှာလူ့ဘဝသက်တမ်း၏ထက်ဝက်နီးပါးသို့ရောက်ရှိရန်လက်တစ်ကမ်းအလိုတွင်မဟုတ်ပါလား။အမျိုးသမီးနှစ်ဦး၏ချစ်ခြင်းမေတ္တာများသည်ဆယ်စုနှစ်တစ်ခုတိုင်အောင်တည်မြဲနေသည်မှာအံ့ဩစရာဟုလူအများကသတ်မှတ်ကြမည်လား။
"ခင်အတွေးတစ်ခုဝင်မိတယ်သိလား"
"..."
"ခင်တို့ချစ်ကြိုက်ကာစအချိန်ကာလမှာလူအများကနားမလည်ပေးနိုင်ကြတာကိုခင်လက်ခံနိုင်ပေမဲ့..."
"အခုလိုတိုးတက်နေတဲ့ခေတ်ကြီးမှာတောင် LGBTQ+ ဆိုတဲ့အသိုင်းအဝိုင်းကြီးကိုရွံစရာ၊မသတီစရာ၊လူ့အသိုင်းအဝိုင်းကိုအရှက်ရအောင်လုပ်ဆောင်သူတွေလို့သတ်မှတ်ကြတာကိုဆိုလိုချင်တာလားခင်"
"ဒါပေါ့နွယ်ရယ် လူတွေဟာအသိဥာဏ်တရားခေါင်းပါးတာမဟုတ်ပါဘဲ ကောင်းမွန်မှန်ကန်တဲ့အသိဉာဏ်တရားတွေကိုဖယ်ကျဉ်ထားတယ်လို့ဆိုရင်အပြစ်ပြောခံရဦးမလားလေ"
YOU ARE READING
ပန်းပန်လျက်(Complete)
General Fiction1980 ဝန်းကျင် ရန်ကုန်တက္ကသိုလ်ကျောင်းဝန်းကြီးထဲမှမိန်းမပျိုလေးနှစ်ဦး၏ချစ်ခြင်းကိုဖော်ကျူးပြသထားခြင်းဖြစ်ပါသည်။ Artist - Pann Eain 1980 ဝန္းက်င္ ရန္ကုန္တကၠသိုလ္ေက်ာင္းဝန္းႀကီးထဲမွမိန္းမပ်ိဳေလးႏွစ္ဦး၏ခ်စ္ျခင္းကိုေဖာ္က်ဴးျပသထားျခင္းျဖစ္ပါသည္။ Artist...
