"ဟူး calm calm calm... ဟုတ်ပြီ ရပြီ ရတော့မယ်.. calm down.."
ခြံဝန်းကျယ်ကျယ် မြက်ခင်းစိမ်းစိမ်း အလယ်ရှိ တစ်ထပ် သစ်သားအိမ် ပုပုသေးသေးလေးရဲ့ ရေချိုးခန်းထဲမှ ထွက်ပေါ်လာတဲ့ အသံ ဖြစ်သည်။
"ရတော့မယ် ရိပေါ် ရာ ကြိုးစားစမ်းပါ.."
ရေချိုးခန်း အလယ်မှာတော့ အသက်ဝင်နေတဲ့ အနီရောင် Teddy Bear ကြီး က နေရာယူထားသည်
အနီရောင် အမွှေးတွေနဲ့ ချစ်စရာ မျက်လုံး နီနီလေးတွေ ပိုင်ဆိုင်ထားတဲ့ လူတစ်ရပ်စာ ဝက်ဝံနီကြီးက ရေချိုးခန်းအလယ်မှာ ကို့ယို့ကားယား အခြေအနေ..
ရိပေါ်.. သူ့နာမည်က ဝမ်ရိပေါ်.. သူက မှော် ဝက်ဝံနီ မျိုးရိုး.. မှော်အစွမ်းနဲ့ ပုံသဏ္ဍန် ပြောင်းလဲနိုင်တဲ့ ဝက်ဝံနီလေးပေါ့.. သစ်ပင် ကျောက်တုံး လူပုံစံ.. ပုံစံမျိုးစုံ ရိပေါ်က ပြောင်းလို့ရပါသည်..
အခုဆို သူ့အသက်က တစ်ရာ ပြည့်တော့မည်..
အသက်တစ်ရာ ဆိုတာ သူတို့ ဝက်ဝံနီတွေအတွက်တော့ လူပျိုဖော် ဝင်ခါစ ပဲရှိပါသေးသည်..
ပါပါး မာမား တို့နဲ့ မှော်နီတော ထဲမှာ အေးချမ်းစွာ နေထိုင်ခဲ့ပြီး မျက်လုံးနီနီလေးတွေနဲ့ ချစ်စရာ ဝက်ဝံနီလေးက မှော်နီတောမှာဆို အလိုလိုက်ခံ အချစ်ခံလေး.. အစေခံ အထိန်းတော် သူငယ်ချင်းတွေကို ဗိုလ်ကျတတ်တဲ့ အဆိုးလေးပါ..
ပါပါး မာမား ရင်ခွင်ထဲဝင်ပြီး အမြဲ ပျင်းနေတတ်တဲ့ ငပျင်းလေးလည်း ဖြစ်ပါသည်..
မှော်နီတော ဆိုတာလေး ရှင်းပြမယ်.. ရိပေါ်တို့က မှော်နီတောဆိုတဲ့ မှော်အစွမ်းတွေ ဖုံးလွှမ်းနေတဲ့ အနီရောင် တောအုပ်ကလေးမှာ နေတာပေါ့.. ဒီတောင်ပေါ်မြို့လေးရဲ့ အရှေ့ဘက် သစ်တောထဲမှာ ရှိတယ်.. အဲ.. လူတွေတော့ မြင်ရမှာ မဟုတ်ဘူး.. ဘာလို့ဆို ဝက်ဝံနီခေါင်းဆောင်ဖြစ်တဲ့ ပါပါးက သူ့အစွမ်းတွေနဲ့ ဖုံးလွှမ်းထားတာကြောင့်လေ..
လိုတာရနေတဲ့ ဘဝနဲ့ နေရတဲ့ ဝက်ဝံနီမင်းသားလေး ရိပေါ်က နေရင်းနဲ့ပဲ ပျင်းရိလာခဲ့တော့.. တစ်ခုခုကို စူးစမ်းဖို့ ကြံဆတော့သည်..