Best Friend ဆိုတာ လူတိုင်းမှာ ရှိကြပါတယ်.. အခုတော့ Best Friend တွေက တကယ်ရော Best ရဲ့လား ဆိုတာ ရှောင်းကျန့် သံသယ ဝင်လာပြီ..
ဝမ်ရိပေါ်ဟာ ကျန်းချန် နဲ့ တွေ့ဖို့ လာခဲ့တာ ဖြစ်ပေမယ့်.. အခုကျတော့ night out ချင်လို့ပါဆိုပြီး.. သူ့ရဲ့ဖူးဖူးမှုတ် ယောက်ဖ ကို ရှောင်းကျန့် လက်ထဲ ထိုးအပ်သွားတယ်..
တစ်ဆောင်လုံးမှာ ညစာစားဖို့ ကျန်တာ သူတို့ သူငယ်ချင်း နှစ်ယောက်ပဲ ရှိတဲ့အနက်.. ကျန်းချန်က ဗြန်းစားကြီး ထွက်သွားတာကြောင့်.. အခုတော့ ဧည်သည်နဲ့ ဧည့်ခံသူ ရှောင်းကျန့် နှစ်ယောက်တည်း dining room ထဲ ကျန်ခဲ့တော့တယ်..
အခုနောက်ပိုင်း ရှောင်းကျန့်က မလွှဲမရှောင်သာ အခြေအနေတွေနဲ့ပဲ တည့်တည့်တိုးနေတာ.. မျက်နှာချင်းဆိုင်မှာ ညစာထိုင်စားနေတဲ့ သူကတော့ ခပ်အေးအေးပါပဲ..
အခုပုံစံက.. အင်း.. ဟို.. dating တစ်ခု လိုပဲ.. ကိုယ့်အတွေးနဲ့ကိုယ် ရှက်လွန်းအားကြီးသွားတဲ့ ရှောင်းကျန့်က ဘေးနာက ဟင်းခွက်ကို ကသမ်းကယမ်း နှိုက်ချမိတော့..
"ဟေ့.. ခရမ်းသီး မကြိုက်ဘူးမလား..
ဒီဘက်ကိုချ.."
အဆောင်က ချက်ပေးတဲ့ ဟင်းထဲမှာ ခရမ်းသီးပါလာတာ.. ရှောင်းကျန့်တောင် အာရုံတွေ ထွေပြီး မမြင်လိုက်တာ..
ရှောင်းကျန့်နဲ့တော့ သေချင်တာပဲ..
"ဒါနဲ့စား ကျန့်ကော.. ကျွန်တော် ဝယ်လာတဲ့ ဟာ.."
ဝမ်ရိပေါ်က သူယူလာတဲ့ ဟင်းတွေနဲ့ အဆောင်က ဟင်းတွေ လဲစားပြန်တယ်..
အဆောင် ဟင်းက မကောင်းတာမျိုး မဟုတ်ပေမယ့် သူဌေးသားလေး ရဲ့ ဟင်းအမယ်တွေကိုတော့ မမှီနိုင်တာ အမှန်..
စိတ်ကို ငြိမ်အောင် မနည်းစုရင်း အေးစက်စက်လေထုကို ရှောင်းကျန့်က ဖြိုခွဲလိုက်တယ်။
"ဒီကိုလာတော့ မင်းအိမ်က မဆူဘူးလား.."
"ဟင်.."
ရှောင်းကျန့် တစ်ကယ် သိချင်လို့လည်း မေးလိုက်တာ.. ညဘက်ကြီး ကိုယ့်သားက အရေးကြီး ကိစ္စမရှိ လျှောက်သွားနေတာ မိဘတွေက ဒီတိုင်း ကြည့်နေရောလား..