တိုက်ဆိုင်မှု..
သိပ်ကြောက်ဖို့ကောင်းတဲ့စကားလုံး..
လောကကြီးမှာ မယုံနိုင်စရာကောင်းတဲ့ တိုက်ဆိုင်မှုမျိုးတွေ ဒီရက်ပိုင်း မှာ ရှောင်းကျန့်ရှေ့ကို မကြာခဏ ရောက်လာတယ်..
မနက်ခင်း ကျောင်းလာချိန်.. နေ့လည်ခင်း ကျောင်းဆင်းချိန်.. ညနေ ကျောင်းပြန်ချိန်..
တစ်နေ့လုံးမှာ ရှောင်းကျန့်အပြင်ထွက်ဖြစ်တဲ့ သုံးခါလုံး.. ဝမ်ရိပေါ်နဲ့ မတော်တဆ တွေ့နေရတာပဲ..
ဝမ်ရိပေါ် အရိပ်မြင်တိုင်း ပါတ်ပြေးနေရတဲ့ ရှောင်းကျန့်က အခုဆို မာရသွန်တောင် ဝင်ပြိုင်လို့ရနေပြီ..
သူ့ခြေတံတွေက သိပ်ရှည်တာလေ..
တစ်နေ့ သုံးခါ တွေ့ရရုံနဲ့ ပြီးပြီလား ဆိုပြန်တော့လည်း.. မဟုတ်သေး..
ည ခုနှစ်ထိုးမှာ အဆောင်ကနေ night out ခိုးထွက်တဲ့ ကျန်းချန်ကို ဖုန်းခေါ်မရလို့ပါဆိုပြီး အချိန်မှန် ဖုန်းဆက်လာတဲ့ ဝမ်ရိပေါ်..
ဒီလိုနဲ့ပဲ..
သူ့တစ်နေ့တာလုံးမှာ ဝမ်ရိပေါ်နဲ့ ပြည့်နေတော့တာပဲ..
############
"တီချယ်.. ဝင်ခွင့်ပြုပါခင်မျာ.."
"အယ်.. သား ရိပေါ်.. လာ လာ"
အတန်းရှေ့ဆုံး stage စင်ပေါ်ကနေ ထွက်လာတဲ့ နာမည်ကြောင့်.. စာအုပ်ကို highlight နဲ့ ကုန်းရုန်းတားနေတဲ့ ရှောင်းကျန့်က ဆတ်ကနဲ ခေါင်းထောင်ကြည့်မိတယ်..
သူက နောက်ဆုံးခုံမှာ ထိုင်နေတာမို့ အရှေ့က မြင်ကွင်းကို နားလည်ဖို့ အသေအချာ ကြည့်ယူလိုက်ရတယ်..
ဝမ်ရိပေါ်က ရှောင်းကျန့်တို့ရဲ့အတန်းကို စာဝင်သင်နေတဲ့ ဆရာမဆီ စာရွက်တစ်ရွက်လာပေးပြီး စကားတွေလာပြောနေတာ..
ဆရာမနဲ့လည်း အတော်လေး ရင်းနှီးတဲ့ပုံ..
"ဒါဆို သားနဲ့ အတူသွားမယ်လေ.. တီချယ် အတန်းပြီးတဲ့ထိ ခဏ စောင့်ပေးမလား.."
"ဟုတ်ကဲ့ ရပါတယ် ခင်မျ"
"ဒါဆို.."
ဆရာမက စကားကို တန်းလန်းဖြတ်ကာ အတန်းထဲ ခုံအလွတ်ရှာသလို X-Ray မျက်လုံးနဲ့ လေဆာ ရောင်ခြည်လွတ်တော့.. ရှောင်းကျန့် ဇတ်လေး ပုထားမိတယ်..