Ugly Nerd Falling In Love With A Playboy (COMPLETED)

Chapter 16

Devon's PoV

Nakita ko naman na napalunok si nanay dahil sa tanong kong iyon.

Pero maya maya napabuntong hininga siya at diretsong tumingin sa mga mata ko. Hindi ko mawari kung anong emosyon ang nakapaskil sa mata nya.

"N-nag palaba kasi ang kapitbahay natin ng mga damit kanina. Dahil marami ang nilabahan kong mga damit nila, malaki ang binayad sa akin. Pagkatapos kong naglaba ng mga damit nila, agad akong bumili ng mga grocery na kakailanganin natin." mahaba haba nyang paliwanag sa akin..

Ang bilis makasagot si inay huh. Parang may hinahabol. May kung ano pa sa boses nya. Parang ayaw ipahalata na kinakabahan sya. Ay ewan ko ba.

Napatango naman ako sa sinabi nya at lumapit sa kanya.

"Tulungan ko na po kayo diyan. Mukhang mabigat pa naman."

"Sige nak."

Agad naman akong lumapit sa kanya upang kuhanin ang iba niyang pinamili. Kahit medyo nagtataka ako na parang sobra sobra naman ang pinamili niya.

Siguro malaki lang talaga ang binayad sa kaniya kaya marami syang nabiling grocery. sabi ko na lang sa isipan ko.

Agad akong tinungo ang kusina para ilagay ang mga grocery. Medyo mabigat din pala.

"Kumain ka na ba, nak?" tanong ni nanay pagpasok nya palang ng kusina.

Bumaling naman ako ng tingin sa kanya.

"Hindi pa po e. Medyo gutom na din po ako. Hehe!"

Tinignan naman nya ako ng masama. Lah! Problema ni nanay? Bakit ganyan sya makatingin sa akin?

"Bakit po kayo ganyan makatingin sa akin?" takang tanong ko sa kaniya.

"Diba sabi ko sayo na huwag kang magpapagutom. Kumain ka kung nagugutom ka. Sana naghanap ka ng pagkain sa kusina." pangangaral nya sa akin at nakapamaywang sa harapan ko.

Napakamot naman ako ng buhok.

"Nay naman, halos sabay lang tayong dumating. Mas nauna lang po akong dumating sayo. Nagpahinga lang ako ng ilang minuto at dun na kayo dumating." pagtatangol sa sarili ko.

Napabuntong hininga na lang sya dahil dun.

"Oh siya! Siya! Hintayin mo na lang akong matapos sa pagluluto ng tanghalian. Kung gusto mo kumuha ka muna ng biscuit diyan sa pinamili kong grocery, para hindi ka muna gaanong magutom." sabi ni nanay sa akin.

"Sige po nay." sabi ko at pumunta sa pinamili niyang grocery at dun kumuha ng rebisco na may palaman na chocolate. Favorite ko.

"Magpahinga ka muna sa kwarto, tatawagin na lang kita kung luto na ang pananghalian natin."

Humarap naman ako sa kanya at tumango.

"Sige po nay."

Agad akong pumunta sa sala para kuhanin ang pinamili ko kanina sa mall at dire diretsong pumasok sa loob ng kwarto namin.

Agad akong humiga sa kanya at pumikit. Sobrang pagot ko talaga ngayong araw. Ang daming nangyari.

Una yung nakita ko ang Calvin na may kasama babae. Hindi lang babae na isa sa collection nya, kundi ang mahal niyang babae.

Naalala ko naman yung sinabi niya sa babae kanina. Na mahal na mahal niya daw yung babae. Psh! Ang sakit lang na malaman na may mahal ng iba ang taong gusto ko.

Bwisit namang Calvin na yun e. Pafall kahit araw araw niya akong iniinis at binubwisit. Siya parin ang gusto ko.

Pangalawa naman ay yung lalaking nakabangga ko kanina. Iba kasi ang nararamdaman ko sa kaniya. Parang matagal na kaming magkakilala pero hindi ko lang alam kung saan.