ရှောင်းကျန့်တယောက် ဦးလေးလန်ရဲ့ ရုပ်အလောင်းထားရှိရာ ဈာပနအခမ်းအနားပနေ စိတ်ရှုပ်ရှုပ်နဲ့ထွက်လာခဲ့မိသည်။ဘယ်ကိုဆိုပြီး ရည်ရွယ်ချက်မရှိတဲ့ ခြေလှမ်းကျဲကျဲတို့ရဲ့ ဦးတည်ရာက ဂေဟာစာကြည့်တိုက်လေးဆီကိုသာ။
သစ်ပင်ကြီးများကြောင့် အုပ်အုပ်ဆိုင်းဆိုင်းဖြစ်နေတဲ့ စာကြည့်တိုက်အဆောင်လေးမှာ တံခါးတွေစေ့ပိတ်ထားပေမဲ့ အေးချမ်းမှုကို ရှောင်းကျန့်ခံစားမိသည်။အထဲမဝင်သေးဘဲ အဆောင်လေးကို အပြင်က ရပ်ငေးကြည့်နေရင်းမှ ငယ်စဉ်က သူတို့ ညီအကိုသူငယ်ချင်းများနဲ့ စနောက်ပျော်ရွှင်ခဲ့ရမှုများကို သတိရမိကာ သွားလေသူ ဦးလေးလန်ကိုပါ တဆက်ထဲအောက်မေ့သွားသည်။
*အကိုလန်က ဒီဂေဟာလေးကိူ သိပ်သံယောဇဉ်ကြီးရှာတာပါဗျာ.....ပရဟိတေတွလုပ်တဲ့ သူတော်ကောင်းကြီးကို ဘုရားသခင်မို့ စောစောခေါ်ရက်တယ်....အကြွေစောလှချေလား အကိုလန်ရဲ့....*
နတ်သံနှောကာ ဧယဉ်ကျူးနေတဲ့ ဗိုက်ရွဲရွဲထိပ်ပြောင်ပြောင်လူကြီးရဲ့ စကားသံတို့က ရှောင်းကျန့်နားထဲ တဝဲလည်လည်။တခြားသူလဲမဟုတ်။ဦးလေးလန်ရဲ့ယောက်ဖ.... နော်ဝေးမှာနေတဲ့ ညီမဖြစ်သူဒေါ်လန်ရင်းရဲ့ ခင်ပွန်းသည် ဦးဝမ်ရိုဟန်.....။
"အကိုလန်က ကျနော့်ကို ဂေဟာနဲ့ပတ်သတ်ပြီး လွဲအပ်ထားတဲ့တာဝန်တချို့ရှိပါတယ်....အဲ့ဒါကဘာလဲဆိုတာ အခုဈာပနလာတဲ့ဧည့်သည်တော်ကြီးများရှေ့မှောက်မှာ ကျနော်ပြောပါရစေ.....တခြားတော့မဟုတ်ပါဘူးခင်ဗျ.....အကိုလန်သိပ်တွယ်တာတဲ့ ဒီဂေဟာလေးကို ပေကျင်းမြို့ကိုပြောင်းရွေ့ဖို့ပါပဲ......"
စကားကြောရှည်ေနသည့် အနှီလူကို ကြည့်မရပေမဲ့ နားထောင်နေကြသည့် လူတွေအကုန်လုံးဟင်ခနဲဟာခနဲဖြစ်ကုန်ကြရသည်အထိ အံ့ဩကြရ၏။
"ပေကျင်းကို ရွေ့မှာဆိုတော့ ဒီနေရာက ဘယ်လိုလုပ်မှာလဲ.....မဖြစ်နိုင်ဘူး....ကျမကတော့ သဘောမတူဘူး...."
အမယန်လီလိုပါဘဲ ရှောင်းကျန့်တို့လဲ တွေးမိပါသည်။ဦးလေးလန်လောက် တိဗက်မြေကိုချစ်ပြီး ဒီဂေဟာလေးကိူသံယောဇဉ်ကြီးတာ ဘယ်လိုလုပ် ပေကျင်းကိုရွေ့ဖို့ဖြစ်နိုင်မှာလဲ။
YOU ARE READING
Happy Ghost
Fanfictionဝိညာဉ်လေးရဲ့ ချစ်စဖွယ်အမူအရာလေးနဲ့ သူငယ်ချင်း၄ယောက်ပေါင်းလောင်းကျော်မှုတွေ ဟာသလေးနှောပြီးဖတ်ရမှာပါ။ ဝိညာဥ္ေလးရဲ႕ ခ်စ္စဖြယ္အမူအရာေလးနဲ႕ သူငယ္ခ်င္း၄ေယာက္ေပါင္းေလာင္းေက်ာ္မႈေတြ ဟာသေလးေႏွာၿပီးဖတ္ရမွာပါ။
