اسكربتات مُتنوعة"بقلم رُقية محمد عبداللاه"

الحلقة السادسة عشر

_ البنت نفسها مِحتاجة إللي يِحتويها!
سَحب الكرسي وقعد قِبالي وهو مركز مع حركة شفايفي والربكة بتاعتي لما إيدو لمست يدي حسيت برعشة خفيفة وحسيت عضمي بينصهر فجأة حاولت أتغاضى عن إحاسيسي دي واخدت نفس طويل ورجعت أتكلم
_ لما أتنشأت الخليقة كانت لسه في البداية ومش كُنا أول ناس نسكن الدنيا دي الدنيا دي سبقنا ناس فيها أفسدت فربنا اخدهم وخلقنا نحنا! تعرف ليه!؟
ظهرت ابتسامة خفيفة واتكلم هو:
- أظن اننا علشان نعمر الدنيا ونعبد ربنا- سُبحانه وتعالى- وهو يدينا فرصة نشوف مين هيسبق التاني للجنة مش كده رأيك يا روكا؟!
ابتسامتي تلاشت لما لقيته هيقرب بالكرسي فرجعت تلقائي وانا خايفة
_ طيب ممكن بَس كلام من غير تتشات!؟
إتنهد وقعد مكانه وطغت معالم الحزن وشه رجع بضهره لورا واتكلم:
- ولسه لحد دلوقتي مش مِتكيفه بوضعنا ده؟!
بلعت ريقي والمرادي ادركت إني دبش وغبية بِشكل كبير
وقفت وقربت من التلاجة اتلافيت علبة العصير وصبيت ليا وليه وقدمت الكوباية وأخدت بوق منها وانا بغمض عنيا وبفكر في الوضع بتاعنا ده وبعدين إتكلمت:
_ ممكن أخلص كلامي وبعدين نتفق مع بعض؟
بصلي وإتكلم:
- أظن إننا مش هنفكر في الطلاق تاني ولا إيه!؟
_ لا إتغاضيت عنه علشان..! علشانا وإنه مش هو الحل!
- الحمدلله إنها جات منك مِش مني ولمعلومك أنا محبتش أضغط عليكي علشان عارفك كنتي عامله إيه في روحك من زن وتفكير زايد وخوفك من أهلك.
_ إنتَ شيء جميل أفتخر إنك موجود في حياتي
ابتسامة كبيرة ظهرت سنانه وضحكة خرجت ترج المكان وبعفوية مني ضحكت على كلماته
- حاسس إني بتشقط وبتثبت في نفس الوقت هل هذا صحيح!؟
_ True ya man
- طيب خلينا نثبت علشان عيونك.
_ أكمل كلامي طيب ونتغزل في بعض في وقتٍ لاحق؟
- أنا بقول متجوز سيف صاحبي كملي يا بنتي ده الواحد عنده إنفصام بصحيح!
_ متجوز سيف صاحبك طيب واللــــ...!
قطع جملة يده إللي حطه على بوقي فضلت متنحين ثواني شال إيده بعض العضة بتاعتي ليه صرخ كده ولو عليه ليقطم رقبتي تسرعت وانا بقول:
_ خالي عوض تعالى إستلم جثتي قبل ما تتنسل بسنانه إدفني سليمة يا خالي عوض مش بترد ليه؟!
- طيب كملي يا مربوحة هانم.. كملّي يا خالي عوض!
_ كُل بنوته بتحلم بشخص لطيف في حياتها ممكن يكون نسيبها حلو زيي وتلاقي شخص لطيف وممكن متلاقيش زيي برضو وتندب في حظها!
ضرب الطربيزة ضربة خفيفة وعلَّى صوته:
- لا بقا أنا مش هستحمل إنك تتريقي عليَّا بعدين
_ ماشي يا يونس بيه أنا إللي غلطانه إني بحكي مع واحد زيك!
- تاني برضو راجعه تزعل تاني يا بت إحنا لحقنا نتصالح علشان نتخاصم من جديد!؟
_ طيب خلاص هستحمل شويه عشان خاطرك
- مستنيكي تخلصي علشان أوريكي كتبتلك إيه اليومين إللي فاتوا!
_ حبيبي واللهِ يا يونس!
قرب مني وهو بيبتسم وبيسألني:
- وحيات امك بتقولي حبيبي تاني؟
_ لا يا يونس حبيبي دي كلمة عادية بقولها تلقائي كده لإي حد بيعملي حاجه بحبها يعني مش ليك!
- تأكدت إنهم جوزوني شوال بطاطس!
_ يونــــــــــــــــــــــس؟
كُنت قيلاها بنرفزة وملامح مِتهجمة فضحك جامد على طريقتي بإتغظت منه وقُمت خالص وأنا طالعة من المطبخ وبضرب الأرض برجلي وهو ورايا لحد ما سحبني من يدي قعدنا على الركنية وغمز
- صلِّ على النبي كده وإهدي دنا بلطف الجو شويه
_ اللهم صلي عليه
- زيديها صلة كمان
_ اللهم صلِّ وسلم وبارك على سيدنا محمد، خير؟
- كلمة من أربع حروف لو حذفت الحرف الأخير هتبقا حاجه بنتكلم عنها من دقايق؟
قولت بتلقائية وبصوت عالي نسبيًا:
_ بـــــــحـــــبــــــك
- وأنا كمان واللهِ بحبك جدًا
_ ااه دايمًا غبيه كده وإنتَ بتلعب في الحروف!
- مش بذمتك بتحبيني؟
_ يونس ده مش كلامنا!
خدودي إحمروا بعد ما قولت الكلمة اللي متسماش وسكت لحد ما هو غمز فضحكت:
- العيون بطلع قلوب سؤالي جوابه واضح لدرجة كبيرة
_ يونس متضغطش عليِّا في الكلام وبعدين لأسيب البيت وأذهب لصعيد مصر ولن تجدني أبدًا!
- خلاص سكنتا يا حج كامل!
_ كُنت بتكلم عن الصُدف صح؟
- لا يا حبيبتي كُنا بنتكلم عن النصيب
_ ماشي إفكرت.. البنت لوحدها بتميل للعاطفة حتى ما بين صحباتها يعني لو فيه واحده بِس في وسط الشِلة صادقة وبتحب الكُل وبتميل إنها تتكلم بطريقة حلوة كُلنا غصب عننا بنحبها... لما الواحدة فينا تتعب وبعدين تِخف ولقيت حد في الوسط المُحيط ليها أخوها ابوها أختها عيانه هتلاقي قلبها عليهم من حيث الاهتمام والرقة..أمنا حوا لما أتخلقت من أبونا آدم كان نايم لو كان هو صاحي كان كرها بسبب الألم لإن الرجل لما بيتألم بيكره أما الأم أو الأنثى بذاتها لما تتألم بتحس بإللي حوليها أكتر وبتحن
وفب لحظة الولادة بتكون روحها هتطلع ولكنها أول ما بتشوف المولود وكأن كُل حاجة بتتبخر!... إحنا بنضحي كتير
قاطعنا هو:
- والدليل!
_ تزوجت فكان المُتعة للرجل والألم لها!، حملت فكان الفرح والتهاني للرجل والإقياء و التعب لها، أجهضت فكان التعازي للرجل واللوم عليها، تأخر الحمل فكان التعاطف للرجل والعمليات الجراحية والتحاليل والخوف والشعور بالذنب منها، حملت بعد عناء طويل وولدت فكان الفخر والتهاني والأسم والكنية للرجل والوجع والمخاض والإرضاع والسهر لها 💔!
- إتفق!
_ كفاية علينا إننا بنضحي كمان بمتعتنا ما كُل واحدة فينا قادرة تقعد في بيت أهلها ومتتجوزش ولكنها بتخوض معركة وبتتجوز وبتحمل عبء كبير من تربية وإهتمام وحمل وأجهاض نفسي وبدني غسيل وطبيخ ونضيف وتعب...وبترجع تعمل كُل ده كُل يوم ولو تأخرت في حاجه تبقا الغلطانه!
- لا برري يا اختي 😯😐
_ بحيث رجعت من الشُغل العشا مش جاهز بسمع كلام يسم البدن وبسكت لو مفيش حاجه في البيت وإنتَ إللي مش جايب أبقا أنا المُتخلفة علشان مش عامله حاجه ومش متصرفة!
- دخل الدماغ
_ بموت بالليل لما أبقا ولادة والواد بيبكي وإنتَ خديه سكتيه لتسيب المكان وتنام الأوضة التانية عشان تنام براحتك وأنا أقعد قاعدة شياله برضعه لبمشي بيه في الأوضة علشان ينام! تأخرت في صحيانك العيب مني علشان مصحتكش وأتأخرت عن الشُغل بسببي مع إني مليش ذنب وإنتَ إللي مسمعتش المنبه أو طفيته ونمت.
- أمممم؟
_ بتتخلى عن زيارتها لأهلها كُل أسبوع أو كُل شهر وبتبقا قاعدة مع العيال ومشبوكة ببيتها!.. العيال كِبرت شويه تصحيهم المدرسة تعملهم السندويتشات وتمشط شعر بنوتاتها وبتلبسهم إنتَ بتاخدهم في طريقك للمدرسة أو بتوصلهم للباص في الشارع... بيرجعوا أحطلهم ياكلوا وبعدين تذاكر لكل واحد فيهم على حدا... إنتَ ترجع متبتقاش طايق في حد وعاوز تهب في إللي يكلمك وعلشان العيال بتاخد الزعيقات لنفسها وتسكت..!
- أيوا أنا غلطان!
_ كُل يوم على هذا الروتين وبتستحمل حتى لما بيفيض بيها وبتبكي ومعاها مشاكل مع جوزها بتخاف تقول لأهلها للموضوع يكبر زوادة عن اللزوم! أكتر حد وقرها واهتم بيها وعظم مكانتها ربنا- سبحانه وتعالى- لما قال في القرآن الكريم " الجنة تحت أقدام الأمهات " يعني حرفيًا شيء جميل ومُسعد!
- كلامك عجبني!
_مش بقول الكلام ده علشان كُل واحدة متجوزة أو مخطوبة تمسك في شريك حياتها لا بالعكس... أنا بقول الكلام ده عشان تعرف إنها عند ربنا عملها ده مش هيروح هباء وكُل جهد بتبذله عند ربنا عظيم وكُل ما بتتوكل عليه هيمن عليها!
- روكا؟
_ أممم خير إن شاء الله ♥!
- إنتوا شيء لطيف منقدرش نعيش من غير وجودكم!
_ بنات حوا عارفين كده ومش محتاجين حد يعرفهم..بس تسلم على تقديرك
- " رفقًا بكن يا معشر النساء فواللهِ لن يضيع الله اجر من أحسن عملَ فلا تحزني ولا تبتئسي حتى إن لم تجدي التقدير من أحد كفى باللهِ وكيلا، تُجهدين نفسك تحملين عبئًا كبيرًا وتحملين مسئوليّة الرعاية والاهتمام فحتمًا ستجدين أجركِ عند الله فتبسمِ فلا يليق بكِ الحزن يا ابنة حواء "-
_ يونس؟
- فداكي روحه تطلبي إيه؟
_ أنا بحبك جدًا وعارفه إني هنال نصيبي من الصبر عند ربنا
- يا نن عيني كُل سنة وإنتِ بتزيدي غلاوة أكتر وأكتر وكُل سنة وإنتِ بتسرقي قلبي وتأسريه من جديد
_ وكمان إنتوا ليكوا نصيب وهتنالوه لإنكم بتصرفوا على بيوتكم وبتحملوا العبء معانا علشان نكون أسرة صالحة.
- بالمناسبة الحلوة دي
_ إيه!؟
- عاوز بيبي نونوهات كده شبهنا
_ يونــــــــــــــس كده عيب!
- هو أنا طلبت من الكلبة عيال دنا بطلب من مراتي؟
_ الله إنتَ بتتريق عليَّا؟
- أيوا شيء من إللي عليكي!
_ والحُب الحلال!؟
- هتكلم عنه أنا المرة الجاية تسمحيلي بكده!؟
_ أكيد يا يونس هسمحلك تتكلم عنه إنتَ المرة الجاية لو مسمحتش ليك هسمح لمين غيرك؟
- تعرفي أسمك ليه حلو؟
_ إتحفيني
- لإنه بيدل على الرقة والرُقي لوحده اسمك رقية جامع كُل الحاجات اللي في بالي بحبك
خدودي كسفوني وضحكت وأنا بشغل التلفزيون:
_ وتعرف اسمي حلو أكتر ليه!؟
- ليه!؟
_ علشان إنتَ بتنطقه على لسانك! يا ونس
- ونس؟
_ أيوا إنتَ وَنَس بيونسني في كُل خطوة بخطوها ويدعمني.
- كسفتيني أهيء
_ سبونج إشتغل يا يونس
- الاسفنجة الصفرا؟
_ أيوا هو سبونج بوب
- الساعة إتنين دلوقتي!؟
_ ايوا ويلا نسمعه علشان نسمع الإعادة الساعة تسعة بالليل على MBC3.
- حلقة شمشون في السفينة لما كان هيسرق الوصفة السرية حبيت الكرتون علشانك
*"ودلوقتي أقدر أقولك بحبك.. يا نن العين.. أخدت قلبي في كفك.. وملكتني بإيديك الإتنين"*👀❤
::::---::::---:::::---::::::---:::::::
#حدوتة_كُل_يوم
#يونس_قلبي
#بقلم_الكاتبة
‏ #رُقية_محمد_عبداللاه
‏رأيكم يا حوريات يهمني أدعولي عشان الامتحانات وبإذن الله هجيلكم بجديد 🤭💙💙

صفحتي متابعة هنا
Rokia_mohmed