وبسبب المرحلة إللي بمُر بيها أيُها الإخوة الأعزاء لقيت نفسي برسم الأشڪال دي إللي لخصت ڪُل المود إللي بمُر بيه أنا وأصحابي + مليش في الرسم أصلًا بس لقيت نفسي كده رسماهُم من الهم
Oops! This image does not follow our content guidelines. To continue publishing, please remove it or upload a different image.
ممڪن تدعولي معاكُم لو بتحبوني بجد Wr_Rokia_Mohmmed54 دي مُقدمــة صغنونة من روايـة ذات مغذى هادِف بعد الثانويـة ما تعدي على خيـــــــر ________استغفروه__ #تَدبيسة_العُمر #الفصل_الأول #بقلم_الڪاتبة #رُقية_محمد_عبداللاه. __ بــدايـــــــــة الفصل ــــــــ
ڪُنت داخل عند الحلاق فلقيت الدُنيا عندُه زحمة وِ ألقيت السلام على المَوجودين وَ مشيت من عندُه وأنا حاسس إني تايه مليش وجهة مُعينة رايح لها، أنا شاب لسه زي باقي الشباب بحاوِل أستقيّم بس الدُنيا بتقلب فيا، مَسئول عن إخواتي البنات كأي راجِل بيت، ممڪن أكون الوحيد إللي في أصحابي إللي شايل حمل أكبر من سِنُه من زمان .
بابا توفى من وأنا في تانية إعدادي ڪُنت أكبر إخواتي معايا بنوتين أصغر مني واحدة كانت في ساتة إبتدائي والتانية في تانية إبتدائي وماما كانت حامِل لما توفى، عدت علينا وفاتُه بـ صعوبة بالذات إن بابا كان بيشتغل أُجري ڪُل يومين شُغلانة شكل دايسة في الكُل زي ما بيقولوا علشان يوفر حياة كريمة لعيالُه توفى في سِن صُغير من عُمرُه في نُص التلاتينات ماما لما توفى بابا كان عندها حوالي تلاتين سنة بالضبط بالرغم إن ماما ڪانت صُغيرة لما توفى بابا وكان مِن حقها تِتجوز و تدور على حياة جديدة ليها ولكنها رفضت رفض قطعي؛ وخصوصًا لما جه ابن خالها يتقدم لها وكان بيحلفلها إنُه هيعاملنا زي عيالُه بالضبط وهيتكفل بينا بس ماما سبقت وقفلت الموضوع بطريقة حادة لا تقبل النِقاش.
في حين إننا ڪُنا أطفال وكُنا نعيط على بابا مِفتقدين وجودُه في حياتنا وخصوصًا شهد هانِم الزنانة ڪانت متعلقة بوجودُه جِدًا، كانت ماما تتماسِك قُدامنا وِ تاجي بالليل وأخواتي بعد ما يناموا تمسك هُدومُه وِ تقعد تعيط وتشكي وتترحم عليه، ماما من الستات إللي كرامتها عزيزة عليها حبتين في حڪاية إنها ممكن تتجوز بعد بابا تاني، كانت مِحتارة حبتين في المصاريف بابا كان محوش قرشينات كده لينا واتصرفوا في العزا وطلبات البيت، قررت ماما تبيع غويشتين من دهبها وأشترت مكنة خياطة وِ كام مِتر قُماش وحاجات كده من لوازم الخياطة، وِفتحت محل البقالة بتاع بابا محل صغير كده قد أوضة أطفال بس كان إلى حدٍ ما شغال.
لو حد جاي ياخُد ڪراتيه و شيبسي و هو رايح المدرسة أو درس المَحل صغير ويوم يبيع ويوم لأ فتحتُه وخلتُه من جوه البيت كبرتُه وجابت فيه طلبات أكتر وربك كريم رزاق كانوا سُكان المنطقة بيشتروا مننا و الدُنيا شغالة تمام كُنت أروح المدرسة الصُبح وآجي على الضهر أستلم منها الدُكان وأقعد فيه وكُنت آخد كُتبي وأقلامي وأفرش على الأرضية وأذاكر ڪُنا عايشين بـ بساطة رُغم أي ظرف كُنا نكتم آلامنا ونضحك مع غيرنا عادي ونبين إننا كويسين .
أجتهدت في المُذاكرة وِ كُنت في الأجازة بروح أشتغل شُغل صعب مش قدي بس هي كانت صوب عيني المسكينة من شُغل المكنة والخياطة عينيها ضعفوا ڪُنت أروح أشتغل في الخرسانة كان أجرها حلو بس مُتعبة جدًا ظلط وكمان رمل وطوب ضهري ده تشوه من الشيل والحط بس فدا عيون ماما كل شيء يهون، مَيهونش عليا أبدًا أشوفها مكسورة، كُنت أغيب عنها أسبوع أو إتنين وأرجع لها بـ مبلغ، لحد ما عديت الإعدادية ودخلت الثانوية كانت الضغوط من كُل ناحية حرفيًا، دراسة و مصاريفها و كمان شُغل وتعب ماما، بس الحمد لله عدى كانت فترة عصيبة جدًا ولكني مُندس في جُملة ربك مبيديش أبدًا حمل تقيّل؛ غير للڪتفِ إللي يشيل.
أوبس شغال أروي ونسيت أعرفَكم أنا مين؟! أنا يا سيدي اسمي حمزة دلوقتي عندي اتنين وعشرين سنة دلوقتي ومن بعدي شهد عندها عشرين سنة ومن بعد شهد الفيلسوفة جنة وآخر العنقود سُڪر معقود سلمى ومامتنا اسمها شاديـة الست المُناضلة إللي لو قعدت العمر كله أحاول أوفي حق من حقوقها مش هقدر، أنا خريج ڪُلية آداب لُغة عربية وِ شهد بتحقق حلم ماما وِ دخلت ڪُلية طب بشري وِ جنة في أولى ثانوي وِسلوكة دي لسه في الإبتدائية، وبكده عرفتوا عيلتي المُتواضعة وِ حكايتنا من البـدايـــة .
زي ما قولت أنا لسه شاب في مُقتبل عُمري مُلقب في المنطقة بـ أبو بناتُه مش عارفة حصل اللقب ده إزاي بس ربنا يسامحه عمي فرج معلم المنطقة، ڪُل واحد فينا باسم عندي اتنين صُحاب مُقربين حازم أبو أختُه لقبُه برضو مهو مفيش حد فينا ملوش لقب شكل حازم أبو أختُه علشان مش معاه غير أُخت واحدة اسمها أسماء تخينة حبة ودي لو حد كده بنت لو ولد جاب سيرتها بس بيلاقي صاروخ ألماني بيتفجر فيه لو بنت مش بيخليلها كلمة لو ولد بيديلُه علقة موت وكده واد بلطجي أما بقى الواد التالت صاحبي برضو مصباح علاء الدين لا ده متصدموش أسمُه كده من غير أللقاب ده مش محتاج أساسًا لقب، ده ربنا كرمُه بأب اسمُه علاء الدين من قبل ما يفكر يعمر في الجواز ناوي يسمي مصباح!
وأنا ماشي شارِد لقيت و....!
يُتبع!!!؟ ______ نـــهــــــايـــــــة الفصل ـــــــــ
وبكده خلصت أول حلقة يكش يا رب تعجبكُم شوية لسه الأحداث جاية ورا بعضها، حبيت بس أعمل أول حلقة فيها تعريف للأبطال يلا كده تفاعِلوا يا سڪاڪِر الحلويـات
