الضابط والبرائه

البارت الرابع

الكاتبه ام زيزو

لطفاً التعليقات بين الفقرات

براء/ اعترف دخت مااقاوم ولا سحبت نفسي من حضنه ماادري شنو احساسي كان بوقتها دخت اعترف اني دخت خدرت بمكاني اول مره بحياتي اكون قريبه على شخص لهل درجه

فهد/ تقربت على شفايفها ردت ابوسها وهي متحرك ساكن ومغمضه وصلت لشفايفه داابوسهن ودك تليفوني ينعل يومه الدك

وهنا اثنينه فزينه وصحينه ع نفسنه هي راساً كامت وراحت للحمام تغسل واني جاوبت جانت امي تتصل تسالني شومااجيت تدري ليوم نزولي كلتلها صارتلي شغله والضهر يمها تحضرلي غده وهي طلعت من الحمام والوجه احمر ومدنكه كلتلها اكو منشفه كالت شكراً ميحتاج وكعدت مدنكه وخليه ايدها بين رجليها جان تسالني

براء/هاي منو الي اتصلت بيك

من سمعته يحجي بالتليفون يكول حبيبتي اتاخر للضهر وحضريلي غده كولت اْكّــًّيّدْ وي زوجته

فهد/ حسيت بيها سمعتني ولنوب كلت حبيبتي لان هاي طبيعت حجي وي امي اني

.. لبيت خابروني ماكلتلها امي عجبني اشوف ردت فعلها

..اهاا وسكتت

براء/عندك اطفال

فهد/ بكلبي ضحكت كلت هاي عبالها جنت احجي وي مرتي خلي العب عليها شويه

فهد/ بالطريق انـ شـاء الـلّه

براء/ ماادري من كلي هـًُّـيًُْـچ حسيت نفسي اختنكت بس ع شنو ماادري اني اصلاً مااعرفه بس اسمه ومصار ساعتين من عرفته ليش هـًُّـيًُْـچ اختنكت وضجت يربي

شيخلص لوقت وارجع لبيتنه حسيت حراره تطلع من وجهي وبطني تعصرني  شبيها بطني موعد الشهريه معقوله اجتي لا مستحيل يربي شسوي هسه اني

جنت كاعده ع الجربايه والشرشف لونه سمائي خفت حته اكوم لا يبين شي متت هنا يبست بدمي شصار بيه ماادري شحجي شاكول هسه

فهد/ لابنيه كامت تكلب الوان هاي شبيها معقوله لان عرفت طفل جايني بالطريق ممعقوله وهي شدخلها مصار تعرفني ساعتين بس حسيت بيها شي وتعصر ابطنها وعيونها ادمع

..براء بيج شي

براء/لالامابيه

فهد/رفعت حاجبي وخزرتها
لاا بيج شي بطنج شبيها ليش تعصرينها تاذيح لوجوعانه

كمت طلعت من لثلاجه نستله وانطيتها مقبلت تاخذها وكالت والله موجوعانه بس بس جان تسكت

هنا آٌنـي طخت براسي كلت معقوله اجتها لشهريه بس هي هستوها جانت بالحمام لنوب تذكرت هي بس غسلت وجهه وطلعت حته لباب بقه مفتوح.
زين خطيه شلون اتصرف وياها انقهرت هاي طفله

فركت وجهي بايدي شسويلها هــًـًســًه شلون افتح لموضوع وياها
كلتلها
فهد/ براء اذا بيج شي او اساعدج بشي احجي لتخجلين مني احسبيني صديقتج.

بكلبي يالله صديقتج شنوشبيه اني قصدي صديقج اي شي المهم لتخجلين مني

وكولي بشنو اكدر اساعدج رفعت وجهه بوجهي جانت حيل خجلانه وجهه احمر ومبينه دا تتاذه من شي بــَس ماادري من شنوًبس تعصر ابطنها

براء/ اني من تجيني الشهريه حيل اتاذه ومرات حته مااداوم. واخلصها بالفراش هيج طبيعتي اني وهسه اجتني ومااكدر اقاوم وجع بطني ومنا فهد يحجي وياي وحسيت عليه عرف لبيه بس مستحي يكولي

واني استحي احجي وياه واكوله لَيــِْش اتاذه بس بقيت لازمه بطني واباوع ع الساعه ب11 وربع

فهد/ حرت بيها وشتصرف وياها وهي احسها تتلوه وتعصر ابطنها حيل

براء/ بقيت لل11 ونص متحملت اريـد اطب للحمام واستحي اكوم خاف اثر بالشرشف ونفس الوقت اريد بس اتمدد على ضهري حته لوجع يخف ومنا فهد شلون افتح لموضوع وياه متت من لمستحه ومن لوجع

فهد/ متحملت وحجيت براء اجتج الشهريه مو

براء/عززززا شلون عرف بعدمااكدر اقاوم وهزيت راسي بمعنى اي ومتت خجل دنكت واطكطك باصابيعي

فهد/ حسيتها ماتت خجل بس المهم. عرفت زين هسه شتصرف اني مااعرف بس طبعاً عندي معلومات من العلاقات الي سويتهن وي البنات

.. كومي للحمام اخذي راحتج واني راح انطيج شي مؤقت لحد ماتروحين للبيت

ماقبلت تكوم وبدت دموعها تنزل

مسحت دموعها ولااردين كولتلها حبيبتي كومي لتستحين مني ولتخجلين بس كلت حبيبتي استعطاف وياها مو قصه حب

كمشتها من زندها وكومتها ع كيفي يله كومي للحمام اعتبريني مموجود هي راسا كامت سريع وطبت صدريتها نيلي
ممبين بس درت وجهي شِفـٍـْت الشرشف شويه مدمر

راسا سحبته ولفيته وخليته جوه لجربايه حته متشوفه وتخجل وفتحت كنتوري طلعت تشيريت مٰـ❧ـِّنِْٚ تيشيرتاتي كصيت منه وصله شويه ودكيت لباب فتحته مديت ايدي كلتلها اخذي مشي حالج بين متوصلين لبيتكم

هي راساً اخذتها وسدت لباب ورا 10 دقايق تقريباً طلعت ومدنكه باوعت ع الجربايه شافت الشرشف مشيول استحت ودنكت ماحجت شي

.. اكعدي اجيبلج شي حار تشربينه علمود ؤجـٌٍـع بطنج

.. هزت راسها هي ومدنكه بمعنى لا وكالت هسه بــَس ارجع اتمدد واصير احسن

.. تمددي واخذي راحتج اعتبريني مموجود

براء/ بعدمااتحمل بصراحه عفت لمستحه. ع صفحه وراساً تمددت ع ضهري وبديت افرك ابطني ع كيف لحد ماخف لالم واني افكر شلون شال لشرشف اكيد مدمرته يربي شلون بيه ومحسيت بروحي غفيت

فهد/ اباوع عليها صافنه السكف ومبينه تفكر شو هاي غمضت عينها ونامت يالله هاي غفت ضحكت وضليت صافن عليها وعلى ملامحها شكد حلوه وبريئه جنها طيره بيضه

بقيت صافن عليها لحد ماصارت ساعه 12 بعد نص ساعه ويحلون ولازم اكعدها ماادري شلون اخذتني رجليه وتمددت بصفها بــَس اشم بعطرها واتلمس شعرها مااريد اغفه خاف ياخذنه الوقت ماادري احس هلابنيه بريئه ونضيفه حيل احس روحي صارت بيها شلون راح انزل اسبوع مااجي للدوام ومااشوفها ومنها ً أگـِْۈۈل أحـسًٓـن حته تنسه الخجل الصارلها اليوم بقيت صافن على ملامحها ملاك ونايم وشعرها لطويل لناعم ضفيره مسويته بديت اتقرب منها واتنفس انفاسها لحد ما

....................
الكاتبه ام زيزو