الضابط والبرائه

البارت 23

هنا دا انزل بس امجد نزل قبلي طبعاً قبرهم جانت ع شارع مو جوه يعني المقبره الجديده طبكنه السياره يم قبره كولش
امجد تمدد فوك القبر او بلاحره فوك العلم وصرخ
امجد/خووووويه فهد خوووويه ابو علي جبتلك برائتك واجيتك خويه ادري بيك شكد تحبها وماتكدر على فراكها خويه اني اكثر واحد احس بيك ابو علي خووويه كوووم رد وياي علوش وملوكه يريدونك خووويه ملوكه تدور على ابوها خوويه حملك ثكيل وعلكته بركبتي خوووويه مو الك المووت بـٍْْـٍْ؏ـٍْْد اكو هواي شغلات ماسويتها بحياتك اشفت من حياتك خويه كسرت ضهري وعلي كسرت ضهري وهديت حيلي يبن امي ضلعي ابو علي كسرتني يا خويه
احس امجد انتهى فوك قبر فهد حالته ابد مواحسن من حالتي هنا وخر وكلي تعالي احجي وياه اشبعي منه سولفي الي بكلبج بس لاتملخين بروحج لاتاذينه لان يحس بيج والله يسمعج
وابتعد يم السياره وكف يدخن
هزيت راسي وكعدت مديت ايدي بترابه وحجيت بكل هدوء وعيوني تصب
حبيبي فهودي هياني اجيتك يكلبي مانطاني كلبي اعوفك والله صار 3 ايام عيوني ماضايكه النوم حبيبي اشتاقيتلك حييل والله اشتاقيت الصوتك والعيونك والحضنك والسوالفك الحلووه يروح وعيون وكلب برائتك اشتاقيت اسمعها منك صار 4 ايام مسامعتها حبيبي تدري بعد 3 ايام ذكرى زواجنه تدري مو بكل سنه نحتفل سوه حبيبي هالسنه لَيــِْش وحدي ليش عفتني فهد مااكدر بدونك والله مااكدر مو كلت اني عائلتج مو كلت اني ابوج وامج واخوج وسندج هيج هنت عليك ورحت شعجبك بالموت ورحتله فهوودي حبيبي ارجع الله يخليك ارجع ولك والله مااكدر والله مااكدر ولك اني بنيتك مو تكول اخذتج بدم كلبي هيج هسه بكل سهوله تروح وتعوفني حبيبي فهودي بس ع لاقل تعالي بلحلم كولي اني مرتاح حته. اني هم ارتاح حبيبي وتمددت فوك قبره وبجيت ولطمت ولك فهد جنت تنام اله ع شعري هــًـًســًه نمت ع التراب ولك فهد عيونك الابوس بيهن احبهن هسه غطاهن التراب لك شكول العلوش والملوكه من يسالوني عليك ملوكه تصيح بابا مستفقدتك حبيبي بقيت املك بروحي واصرخ منو الي يتمنتني اني وجهالي ليش عفتني ليش حبيتني ليش خليتني هلكد اتعلق بيك المن الهيج يوم تعوفني وترتاح لك اريد ذكرى وحده محلوه منك ماكوووو كل ذكرياتك حلووه شنسه منك دلالك حنانك حبك اميرتك انتهت برائتك انتهت وصرخت بعلو صوتي فهددددددد اكعد هنا امجد اجه لزم ايدي كااافي فدوووه اروحلج كااافي اذيتي كااافي ولج كاااافي كمت رحت لقبر خاله بصفه
خاله شنو ماكدرتي ع فراك فهد واخذتي يمج خاله موتدرين بيه شكد احبه وشكد متعلقه بي خاله اكيد شفتي وتلكيتي موووو شفتي وسالتي على ملوكه حبيبتي خاله ادعيلي بالصبر ادعيلي مااكدر بدون فهد احبه والله احبه بقيت ساعتين ضبط يم القبر حجيت وسولف كولشي كل ذكرياتنه اني وياه گـِْـِْلِْ المواقف الي يحبها سولفتله نمت فوك القبر واشم بالتراب كولت لامجد اريد شي اخلي بي تراب اخذه وياي
نزل بطل من السياره وترسلياه تراب من تراب قبر فهد اخذته هنا كلي يله ام علي كومي خويه كومي نرجع
براء/مااكدر والله مااكدر اعوفه امجد احبه احبه تعرف شنو احبه مااكدر بدونه والله مااكدر اتمنه الله ياخذ امانته واخلص
امجد/اشششش وجهالج منو الهم واني وارشد منو بقالنه امي وراحت وفهد وراح انتي ريحة فهد لتحجين هيج فدووه اروحلج
قريت سوره يس وقريت الفاتحه يم قبره وكمت معد امجد حجه وياه
خوويه ابو علي مرتك وجهالك بامانتي خوويه نام مرتاح لايظل بالك عليهم والله جهالك مااحسسهم باليتم وبرائتك مااخليها تحتاج شي ادللهم مثل ماانت مدللهم خويه لايظل بالك وقره الفاتحه ورش مي ع القبر وعلى قبر امه وابوه  وصعدت بالسياره كلي شوكت ماتريدين اجيبج كتله بـٍْْـٍْ؏ـٍْْد 3 ايام عيد زواجنه اريد اجيب كيكه واجي احتفل وياه كلي صار تدللين الطريق كله اغفى وافز من التعب
امجد/ براء مردت كلبي والحجي الي سمعته الله يساعدها ادري شكد تحب اخوي ومتعلقه بي واحس الحمل ثكيل عليه صارو بركبتي بـٍْْـٍْ؏ـٍْْد هي وجهالها الطريق كله تغفى وتفز صارلها 3 ايام مانايمه
براء/امجد كل مصاريف الفاتحه اني انطيكياهن من فلوس فهد دير بالك تاخذ فلس من عمامك لو خوالك
امجد/الفاتحه اني شلتها مااريد من احد ولااخذ منج مستحيل
براء/لا الله يخليك اريدها بتعبه ادري هالشي يريحه الله يخليك هو مات بسبب هالوضيفه لوما هو بالجيش جان يجوز بعده عايش هسه ع لاقل فاتحته من تعبه
امجد/ صار ميخالف
توسلت بيها انزلها مطعم تاكل شويه ماقبلت ع الطريق وكالت امجد وكف السياره احس راح اتقيى
اني طبيعتي ادوخ من الطريق الطويل تلعب نفسي واتقيئ
طبك السياره فتحت لباب رحت ع صفحه بقيت اذب من راسي
اجه امجد جايبلي بطل مي وباكيت كلنس
اخذتهن وكعدت ع الرصيف
احس عيوني غوشن مااشوف شي دخت ردت اكوم وملت امجد راساً لزمني بيج شي براء شبيج وكعترماادري بروحي
امجد/من انطيتها مي تغسل واكلنس شو اباوع عليها لابنيه صارت صفره حيل رادت تكوم ووكعت لزمتها اغمى عليها صارت جثه واني طابك ع الدولي والدنيه بدت تغرب شسوي ياربي شلتها وكعدتها ع الرصيف بس ورا لسياره ضربت ع خدها شويه اريدها تصحى اباوع. وجهه كله طك ازرك خصوصاً جوه عيونها كلت بكلبي الله يساعدها بعدها طفله گـِْـِْلِْ عمرها 22 سنه وانكسرت هيج الله يساعدهاويصبرها خليت راسها ع رجلي اضرب بوجهه غسلت وجهه يربي لابنيه لا تحرك ايد ولارجل شنو ماتت
براااء بررراء تسمعيني كوومه لخاطر فهد كوومي
شويه شويه كامت تفتح بعينها
كلت الحمدالله ربي
شلتها وصعدتها بالسياره ورجعت امشي سريع وصلت للبيت نزلتها كوه تمشي طوبنها خالاتي غسللها وبدللها ونامت بغرفتها لحد ثاني يوم جرتها صارلها بال4 ايام منايمه خطيه
براء/ صحيت الم براسي فضيع كعدت يربي كابوس هذا تمنيت كابوس واصحى منه والكه فهد نايم بصفي كمت طلعت تيشيرته رشيتله من عطره وحضنته واشم بي احس روحي مشتاقتله حيل حيل كلبي مفرفح عليه طلعت البوم عرسنه اتفرج الصور طلعت صورنه كلهن وذكرياتنه وفديوات كوومه مصوره اكثر لفديوات يشوفني اصور سلفي يجي يبوس بيه ويشاقيني كوومه ذكريات حلووه تركلي فهد بقيت اتفرج بالتليفون وابجي فتحت تليفونه اقره الرسايل الي جان يدزلياهن والغزل مالتي الخليفه مال تليفونه صوره ملوكه وعلوش بقيت اتفرج انتهيت دموعي نشفن لبست حجابي ونزلت لكيت هوسه الخطار يمنه وبيبي تنعه كعدت يمها خليت راسي بحضنها وهي تنعه واني ابجي لنوب سكتت وبقت تقرا ايات ع راسي واسمع صوت اقاربهم قسم يكولن الله يساعدها وقسم يكولن تخبلت وهواي حجي سمعت بنات عمه وعماته اكثر حجي سمعته منهن فكر وجسحت المره لنوب الزلمه. وموتتهم كل ساع اسمع حجايه لحد ماجنت كاعده اقره قران وطببه بصفي كاعده بحضنها علوش فاتت بت عمه مروه وكالت البومه ارتاحيتي من موتي الرجال مجان احد موجود بغرفه خاله بس اني وطيبه وهي بحجه دا اطلع فراش وتحجي طيبه كالت هاي شبيها كلتلها عوفيها ختولي تريد حجه تتعارك وياي كلتلها طيبه انتي شًٌـبـٰٓـَيُـج متستحين لابنيه بيا حال وبعدين شنو موتته هذا امر الله متشوفينها شكد مكسوره اندارت
مروه/اسمعي لج محد وكلج محامي عليها بت الفكر السنيه جسحت  ابن عمنه الموت الها انشالله مو الفهد
كولتلها انشالله أّمُِـوت الله يسمع منج اُدُعُيےّ🙏 اموت واروح يم فهد
ظلت تحجي وطلعت طيبه راساً دكت تليفون لارشد
الوو ارشد تًٓعْـّاٰلٍْ بسرعه منتضرتك بالكراج طلعت ورا شويه سمعت صوت صياح
طيبه/ متحملت حجي هالبغله ماكدرت اناقشها لا تكتلنه اني وبراء لان اثنينه ناعمات وهي طويله وضخمه جنها رجال اخــّّـّّاف منها خابرت ارشد طب حجيتله كولشي وشلون غلطت ع براء ارشد تخبل كال اعرف منو دواها وطلع ورا شويه سمعنه بامجد طب ويصيح لج مروووه وينج
صاير ناار الكل خاف الله يستر شصاير عصبي لدرجه حته عروقه بارزات ووحه احمر صاير
مرووووووه
............