الضابط والبرائه

البارت السابع

الكاتبه ام زيزو

لطفاً التعليقات بين الفقرات

فهد
ورا شهر
بالي وفكري كله يم اهلي ويم براء وشبكات ماكو ابد حته اخابرهم والقاعده االي احنه بيها بصحراء مكطوع يعني حته اكلنه والمي يجيبونه النه احنه شهر كامل منطلع وكل ضابط جواه مجموعه جنود اني جواي 10جنود كلهم محافضات بس3 من بغداد وهذا لمتزوج. وهذا اليحب وهذا الخاطب وكلمن باله يم اهله وحبيبته وخطيبته مو بس اني يعني

مرشهر عبالك سنه عليه وباليوم الي اتصل بينه اللواء كال فرغو القاعده وكلمن ينزل لبيته اهنا ردتلي عافيتي رجعت اول ماوصلت وشفت اهلي سبحت وطبيت بغرفتي اتصلت على براء

براء/كاعده صافنه ساعه5 العصر والجو حار جان نهاية شهر لثامن كاعده بالحديقه بالمرجوحه افكر بفهد وبالي يمه حيل مشتاقتله

جان تليفوني يدك باوع شِفـٍـت اسم فهد كلبي كمز قبلي راساً فتحت خط
براء/الوووو فهد

فهد/برائتي عيون وكلب وروح فهد حبيبتي شلونج مشتاقلج ولج طاك كلبي عليج

براء/فهد شلونك اني هم مشتاقتلك حيل فهد ونزلت دموعي فهد بعد لتعوفني

ماادري شصار بيه بهالشهر ابد ماغبت عن بالي ولاثانيه شكد جنت اشتاقلك وشكد اتصل عليك كله مغلق

فهد/حبيبتي عمرري ابد مااعوفج براء احبج الدوام كله بس افكر بيج ولالحضه غبتي عن بالي وصورتج ابالي براء خلاص اريدج اريدج يمي كاافي بعدمااتحمل بعدج عني السبوع الجاي جايب اهلي وجايكم

براء/خفت لا اهلي يرفضون ومتاكده يرفضون بس كولت خلي يجي بالكت يقبلون حضي يربي

كولتله تمام فهودي انتضرك
فهد/يمه يمه فهودي لنوب تدلعني يرررربي شمسوي بدنياي وطلعت هيج حوريه بحياتي

براء/متت ضحك ع سوالفه كولتله هسه حسده وانتضرك باليل نتخابر للصبح مااعوفك ليوم

فهد/ماشي عمري خلي انام شويه وباليل نتخابر ونسهر للصبح اريد اشبع منج
سدينه الخط

وتخابرنه باليل وبقينه للصبح فهد جان الي يشوفه يكول يمه مابي رحمه ماهلكد ملامحه عصبيه وحاده بس هو كلش رومانسي وحباب

جان يشبعني غزل وحب وسوالف اعترف ومتاكده فهد يموت عليه يعشقني بجنون واني اول شخص افتح عيوني عليه هو فهد حبيته وتعلقت بي بس لحد لان ماكايلتله لااحبك ولاحبيبي ولااي كلمه غزل اصيحله فهودي هو يخرب اذا اتغزل بس شراح يسوي لعد

مر اسبوع وكل يوميه للصبح نبقه هو جان مجاز خلص لاسبوع واخر يوم اجازته جان يوم جمعه خابرني كال سـَـــاعْه 5 اني وامي وبيبيتي وخالتي يمكم
فرحت بس اهلي ميدرون بكلشي عقتها وراه وكولت ربي يستر

كال اجيب بيبيتي علويه زهره محد يكدر للسانه
طبعاً هاي ام امه بعدين تعرفوها اكثر وتعرفون هالانسانه شكد ساعدتني ووكفت وياي وشكد حنينه عليه