الضابط والبرائه

البارت28

بقت بيبي كل يوم تفتح لموضوع وياي وسمعت بامجد هم رافض لفكره نهائياً مثلي ورا اسبوع كاعدين بالهول اني وبيبي وخاله وطيبه نشرب جاي وفتحت الموضوع بيبي /ام طيبه يمه دحجي وياها دقنعيها
خاله/والله يا يمه اني اتمنه هالشي اكثر منج بروءه منه وبينه مانريد نخسرها وامجد رافض فكره الزواج علمود الجهال يخاف يتزوج ومرته متريدهم يمه ولهذا السبب قافل ميتزوج وخطيه راح يطب بل29 سنه وهو بلا زواج
بيبي/ايي يمه حته الديج هم يريدله دجاجه
جا مجودي وحد هم يريدله مره تتحمرله وتتكحله خطيه حاله حال هالشباب
براء/يحجن هيج حته يسمعني بالكت يرف كلبي عليه
طيبه/غير اكو ناس تصير عدها احساس وتحس
براء/كلت بكلبي بصيطه طيبه اني اعلمج
حجيت كولت بيبي اذا علمود الجهال اني موافقه بس مو امجد ارشد يتزوجني
هناا طيبه كمزت من مكانها وكرصتني حيل كالت لـ❌ـلا تتعدين على ممتلكات غيرج بيبي وخاله يدرن هي وارشد يحبون بعض وشبه المخطوبين همه
ضحكت ولا ارادين كولتلها هـْﮩـااا ولج فصعونه ضجتي مْْـٍ❌ـْْو
جان تذكرت هالكلمه اول مره اسمعها من فهد وكومه جان يكولياها راسا نزلت دموعي
طيبه/اهووو بجت خلاص يمعوده منزوجج لتبجين ابقي عانس ع كلبنه
صعدت فوك وكالعاده مكابله ذكريات فهد وابجي تعبت يربي تعبت صرت احس نفسي ثكيله حته عليهم خابرت ماما ابجي اتوسل بيهم يرجعون كولتلها زين ع لاقل خلي احمد يرجع ونعيش اني وياه ابيتنه مو اخذ الجنسيه شكو بعد
ماما/اخوج هنا مستقبله ياامي تقبلين ينعدم مستقبله
براء/لاطبعاً مااقبل
ماما/ولااكدر اسحبج يمنه آْنَـتي تكدرين بس اطفالج ميصير اله تجين وتاخذين الجنسيه ياله تجيبيهم
براء/ماما اعوف روحي ومااعرف جهالي لحضه وحده
ماما/والله يابنتي فكره الحجيه احسن حل وامجد څــِْ♡̷̴̬̩̃̊ـِوش ولد خلوق وتكدرين تعتمدين عليه ويحب اطفالج وصايرلهم اب وين احسن من هيج بنتي فكري زين الحياة غابه والمره بلا رجال متكدر تعيش وصعب تاخذين غريب ع لاقل عم اطفالج وبحسبه ابوهم العمر يمشي ياامي واني وابوج التفكير اكلنه ممرتاحين عليج وصعبه كاعده ابيت بي شباب يحلون عليج بنيتي حته ابوج يكول خلي توافق احنه هم نريد نرتاح ياامي
فكري زين ندري بيج تحبين فهد بس تظلين عايشه على ذكراه الى متى مسيرته بالحياة خلصت بعد سمعتي بميت عاش ياامي فكري زين حبيبتي
سديت الخط واني نهاريت بجي فهودي مسيرته خلصت بعد وقت والله ياا رَبّي لااعتراض ع حكمك تعبت من التفكير لمده شهر وضغط مو طبيعي عليه وعلى امجد هم
امجد /مدة شهر ضغط مو طبيعي عليه من بيبي وخالتي وحته ارشد تعبت من التفكيروبلاخير كعدت وي براء وسولفنه
امجد/اسمعي يابنت الناس بخصوص الموضع انتي شنو رأيج بي
براء/استحيت كوتله امجد تدري شكد احب فهد ونفسيتي متتقبل غيره مستحيل انت الف وحده تتمناك بــَس آٌنـي كلبي وعقلي وجسدي وكولشي بيه مربوط بفهد
امجد/ادري والله واني هم ما تدنه نفسي على حلال اخوي
بس تعبت من التفكير والضغط عليه وادري ضغط عليج توصلت لحل اتمنه تقتنعين بي وتوافقين
براء/وهو
امجد/اعقد عليج سيد بــَس بدون ماادخل عليج بس مجرد تصيرين على ذمتي حته محد يجيب سيرتج بـٍعد
براء/اذا ماكو غير هالحل تمام اني موافقه بس عقد اني هم تعبت من ضغط بيبي وحته صرت اضوج انزل جوه
بس بشرط الاسود ماانزعه
امجد/مْـإأڜْـي براحتج.
اليوم اربعاء الجمعه انشالله نعقد
رحت حجيت وي بيبي كولتلها راح اعقد عليها بس تبقه بغرفتها واني بغرفتي ماادخل عليها
بيبي/يمه والى متى انت هم شاب ومن حقك تتزوج مريه تتزينلك وتشوف جهالك يايمه
امجد/بيبي مااريد مره هيج مرتاح واذا ع الجهال عندي ملوكه وعلوش يسون الدنيه
بيبي/څــِْ♡̷̴̬̩̃̊ـِوش يمه على راحتك نخلي خالك يعقد حته السالفه توصل لهذاك لصوب ويسكتون بـٍْْـٍْ؏ـٍْْد
امجد. / هنا عرفت الحجي طالع كله من عمامي ادري بــَسوالفهم اني المهم الجمعه انشالله بيبي
طلعت افتر بالسياره وين اروح مادري ادخن جكاير وماادري الدنيه شضامتلي
صفنت اني عٍـمري29 بس بحياتي ملامس ابنيه عندي مشاعر حالي حال الشباب وتتحرك مشاعري وتجيني شهوه بس اشمئز من بنات الليل احسهن قذرات وبالفعل هنا قذرات ولذالك بحياتي مالمست ابنيه ولامجرب الشعور وجني مراح اجربه طول عمري جريت حسره وتعوذت الشيطان وفريت السياره ورجعت للبيت
طبيت الكل نايم ملوكه ماكو شو صعدت فوك دكيت لباب
براء/ساعه12 وامجد مموجود ملوكه تنتضره متقبل تنام لحد مانعست بالهول ع القنفه ونامت صعدتها يمي كولت خاف امجد يبات بره وعلوش نايم واني متمدده ع فراشي واكلب بالفون واندك لباب خليت الحجاب ع راسي وفتحته
امجد/اسف خوما كعدتج
براء/لا اصلا كاعده
امجد/ملوكه. وين
براء/جوه نايمه عوفها اليوم تنام يمي
امجد/مْـإأڜْـي
جوعان حيل واستحي اكلها متردد
براء/حسيت يريد يكولي شي بس متردد
محتاج شي
امجد/لاسلامتج روحي نامي
براء/تعشيت لوبعدك
امجد/بعدني
براء / سديت باب الغرفه ونزلت كدامه لعَـدْ خلي اسويلك عشه
نزلت كليتله كباب عروك وكبه وشيفتله طماطه وخيار وليمون وطلعتله بطل ببسي وجبتله الصينيه بالهول هو ياكل واني صافنه عليه كاعده ع القنفه كال تعالي اكلي وياي ع الواهس كوتله لا تسلم شبعانه بقيت صافنه واتذكر فهد من ياكل ويوكلني بيده باوعــت عليه مثل طريقه فهد ياكل العروك يسوي لفه ويغمسه بالببسي وياكله حته طريقه اكله نفس الشي يربي دا تعاقبني لو شنو عبالك فهد كاعد كدامي وياكل حريت حسره ونعلت الشيطان خلص شلت الصينيه غسلت المواعين ورجعت صعدت ليوم خميس وباجر جمعه العقد مالتنه تذكرت من قبل ليتوفه فهد وبعد مرحت للمزرعه اشتاقيتلها شكد عندي ذكريات بيها كولت لامجد عًـًـًآدًيً احنه نروح لخالك يعقدلنه مو هو يجي
امجد/لَيــِْش
براء/مواريد اروح ازور واروح للمزرعه حيل مشتاقه اروحلها
امجد/مْـإأڜْـي تحضري انتي والجهال نبقه3 ايام هناك
رحنه وبيبي ويانه وصلنه لبيت خالهم رحبو بينه طبعاً هذا بيت خالهم الي بيبيته عايشه عنده الجبير
تغدينه وهنا بده خاله بالعقد والشهود جان خاله الثاني وابن خاله السيد يحجي واني اتذكر تفاصيل عقدي اول مره قرو الفاتحه بعدها خاله كله شكد الحاضر والغايب كله 25ب25 تذكرت فهد هم نفس الرقم خله عقدلنه. وكولتله نـُِِِــعم مرت خاله هلهات وطشت جكليت وكلها تباركلنه. واني ولايمهم اباوع ع امجد حسيت غصه بكلبي عليه خطيه شنو ذنبه شاب هيج تصير طريقه زواجه المفروض هسه فرحان وعروسته يمه بالبدله مو هيج يصير واني بدشداشتي السوده وحجابي لاسود وحواجبي صايرات هوسه اوووووف صبرك ياالهي
خلصنه اخذنه الجهال ورحنه للمزرعه مرت خاله كالت عود ادزلكم العشه
طبينه واول ماطبيت صار فهد كدامي جانت عصريه والجو حلوو ملوكه وعلوش يلعبون بالكديقه والخضار واني طبيت للغرفه هنا ذكرياتي هنا سولفنه وهنا حجينه. شغلت اغنيه كاضم استعجلت الرحيل ورحلت في غير اوانك اسمع وابجي بكل حركه احس جبل على صدري صاعد كل كلمه بالاغنيه احسها مكتوبه اليه

هـْﮩـااا على كتفي لعبت لعب الاطفال
هنا بقايه من بقايه ذكرياتك ارحلت انت وهي ظلت في
مكانك

بجيت بحركه احس اًْعًۤـيًٗـوني غوشن
امجد/كاعد بالحديقه اباوع على الجهال يلعبون
طبيت جوه واسمع براء بالغرفه مشغله اغنيه استعجلت الرحيل وتبجي بكل حركه كعدت ع القنفه اسمع ونينها وبجيها وتدندن وي كلمات الاغنيه يقيت اسمع وادخن جكاير والحركه تاكل بصدري ياربي لو مااخذني اني وعايفلها فهد ياربي لو اني الميت وفهد باقي عايش
اسمعها تكول ايي والله احنه لعبت على كتفي لعب الاطفال وتصرخ وتضرب بشي يمكن بالجربايه
متحملت بجيت بحركه طبيت فتحت لباب لكيتها فاتحه شعرها ونايمه بالكاع ومكربصه روحها منضرها يبجي الصخر واني ابجي دنكت عليها اخذتها بحضني واني ابجي وهي تبجي وكل كلمه بلاغنيه تضل تصيح ايي والله صحيح امجد هاي لاغنيه مكتوبه عليه هاي اليه
لنوب وراها مباشرتاً طلعت اغنيه هم لكاظم

لاتحرموني منه بالغصب والاكراه لاتبعدوني عنه هذا اكبر ضلم والله لو حبستوني بغرفتي لو حبستوني بغرفته جسد يمكم وروحي تضل شمعته
وبقت تملخ بشعرها وتصيح والله ضلم والله حرموني منه الله ليوفقهم الي صوبوه وحرموني منه وضلت تدعي وتبجي بصوت عالي حضنتها بكل قوتي حته متملخ شعرها واثنينه نبجي بحركه ادموعنه تخالطت سوه
بقينه تقريباًنص سـَـــاعْـه ضبط ع هذا الوضع لحد ماا خربت بين اديه
......