الضابط والبرائه

البارت29

ظليت اضرب ع خدها
برااء برااء
اكعدي فدووه اروحلج اكعدي براااء اكعدي
ماكو لتحرك لاايد ولا رجل ماكو اي ردت فعل
خفت كلت هاي هي ماتت
براااااء ولج اكعدي فدووووه لاتعوفينه كافي فهد راح. لاتعوفينه انتي هم فدووه اروحلج اكعدي
خابرت ع بيت خالي كولتلهم براء تخربطت ع السريع يجي احد ياخذ الجهال اريد اخذها للمستشفى
10 دقايق وهي بحضني جثه صايره لميت شعرهاوخليت القراصه شلون مجان لان طويل واصلا مااعرف شلون الفه ولبستها جبتها والحجاب ع راسها وشلتها للسياره الجهال يلعبون همزين منتبهولي وصل ابن خالي وياه مرته وامه بقه هو مرته اخذو الجهال يمهم ومرت خالي صعدت وياي وتكول شبيها خاله الابنيه شبيها
كلتلها جانت تبجي ع فهد انهارت وتخربطت مشيت بكل سرعتي وصلت طوبناها للطوارئ فحصوها سولها تخطيط قلب قاسو الضغط ضغطها مصفر تخبلو عليها لاطباء خلولها مغذيات اثنين مالح وحلو وابر بالمغذي حته اوكسجين خلوله ياله شويه صحت وتون وتصيح فهد اريد فهد الدكتور كلي شتصير منها كتله زوجها كال ﺸنـٌٍـٍوﯛ اسمك دا يكتبون اجراءات دخوليه لان جانت مستشفى اهليه كتله امجدمن يسمعها تون باسم فهد حبيبي كلي فهد منو كتله زوجها هنا الدكتور ظل صافن عليه واني بالي كله يمها كلي شلون يعني كتله اسف دكتور قصدي فهد زوجها مستشهد يصير اخوي واني زوحها الحالي كال هااا تمام حالتها لحد لان مستقره واذا تحب تطلعها عًـًـًآدًيً واذا تحب تبقه للصبح براحتك كوتله لااطلعها لان خفت ع الجهال لايبجون علينه طلعتها مرت خالي ويانه كالت خاله ابقه يمكم كتلها لا اني يمها روحيي اخذي راحتج اجه ابن خالي كال الجهال نيمتهم مرتي خلي امهم ترتاح خطيه بس انطيني ملابسهم شلت الجنطه مالتهم وانطيتها اله وتشكرتهم وراحو طبيت جنت منيمها ع الجربايه نزعتلها حجابها وفتحت شعرها لان مااعرف شلون لفيته خبيصه فتحته ونزعتها الجبه جانت لابسه تراك ربع ردن اسود حسيت بيه ريحه مال مستشفى حيل اكره ريحة المستشفى كلت خاف اطب اسبح وتكعد دورت ع عطر بغراضها لكيت عطر ترست روحي بي حته تروح مني ريحة المستشفى بيه وهواس منها  تمددت بصفها احسها بين النايمه والكاعده
براء/احس راسي ثكيل اريد افتح عيني مااكدر وشميت عطر قوي عطر فهد ايييي عطر فهد والله عطر يمكن اني دا احلم وفهد يمي حسيته فهد يمي نايم خليت راسي على صدره بدون ماافتح اًْعًۤـيًٗوني لان اصلا احس حلم اخاف افتح عيني واصحى منه ايي والله هذا فهد عطره وصدره متاكده كمت احًــجًِي وياه
امجد/ متمدد بصفها لابس فانيله وبرموده الدكتور كال راح تثكل بنومتها لان لابر الي ضاربيهن الها كلش قويات
واحسها تون تقربت عليه شويه شويه وخلت راسها ع صدري وتحجي بصوت ناصي وصوتها مبحوح فهودي حبيبي انت هنا وتسحب نفس تكول ااااه ياعطرك شكد احبه
ردت اسحب نفسي ماكدرت كلت خاف اكوم وتصحى وترجع تنهار ولنوب اني شصخمت هذا عطر فهد يعني لرشيت منه شلون منتبهت لنوب سبحت بي جريت حسره وبقيت بمكاني متمدد ع ضهري وشويه رافع راسي منتجي ع الجربايه
براء/.حًبيـبي انت يمي
امجد/ايي حبيبتي يمج اني
براء/فهد
امجد/عيون فهد
بكلبي ماادري الي دااسوي صح لو خطا بس كل بالي وفكري براء ترتاح واسوي الشي الي يريحها ماكدرت افززها واكلها اني امجد مْْـٍ❌ـْْو فهد اخــّّـّّاف تنهار لو راح تخجل مني
براء/حبيبي برائتك تعبانه حييل
امجد/جريت حسرره ادري بيج حبيبتي
براء/اذا تدري بيه ليش عفتني لعد موتدري مااكدر بدونك
امجد/يمج حبيبتي ماتركتك اني وياج على طول روحي يمج بقت
براء/اريدك كلك موبس روحك اريد صوتك ونفسك ولمساتك وحضنك
مشتاقه لكلمه برائتي كولياها
امجد/برائتي
براء/ بعد فهودي كولها مشتاقتلها كومه
امجد/برائتي برائتي برائتي
وبدت تتقرب الي اكثر وخلت وجهه على صدري وتشم بالعطر
امجد/حبيبتي نامي ارتاحي
براء/مااريد انام خاف اكعد وما الكاك يمي
امجد/يمج مااعوفج ابدددد
براء/تذكر اخر ليله النه سوه شلون جانت حلووه اريدك تعيشنياها مره ثانيه تاخذني لغير عالم وتغركني بحبك وحنانك
امجد/ اشششش حبيبتي نامي ارتاحي
هنا يبست بدمي يربي صبرني اخــّّـّّاف تحجي بـٍْْـٍْ؏ـٍْْد غير حجي وبعدين تندم اريدها بس تسكت بس ماكو مثل الغركان وجلب بكشايه
بدت تحجي حجي رومانسي وتتغزل بس بفهد مو بيه كل ساع تكول
فهد احبك
فهد اعشقك
فهد اتنفسك
حبيبي روحي عٍـﻤـري كلشي بدنيتي انت
واستمرت ع هالغزل
احس نفسيتي تعبت اريد بس اكوم اجاني شعور دااخون اخوي رغم ادري براء مْْـٍ❌ـْْو بوعيها والابر اثرن عليه حته الدكتور كلي بس لعبت نفسي من روحي شلون استجوب وياها. فهد صورته بعيني صح الي دا يصير ابينه حالياًحلال مو حرام لان هي ع ذمتي بس هاي مرت اخوي مرت فهد مو مرتي ياربي صبرني خليها تنام بقيت اُدُعُيےّ🙏 بكلبي هنا بقت تشم بيه بقوه وصعدت تشم ركبتي
احس جسمي نحل وتخربطت احوالي بقيت انعل بالشيطان بكلبي صعدت على شفتي بكل هدوء وخلت شفتها على شفتي بدت تتفاعل وياي واني جمدت مااحس ع روحي اله استجوبت وياها شعور حييل غريب جان مااكدر اوصفه ممزوج بين الخوف والندم والرغبه بس فاق عليه شعور الندم وسحبت نفسي بقيت انعل لشيطان يربي يعني هــًـًســًه اني خنت آخـۅيھ اختنكت ونزلت دموع انقهر حيل عليها اووووف يا براء شسوه بيج الحب دمر احوالج ربي يساعدج ماادري شلون غفيت فزيت على ضوه الشمس صار بعيني شِفـٍـْت براء ثكلانه بنومتها وعلى حطيتها حاضنتي حيل ومخليه راسها على صدري سحبت نفسي ع كيف بالكوه وطلعت بدلت فانيلتي وسبحت حته العطر يروح مني ونمت بالهول
براء/كعدت مرتاحه بشكل احلى حلم اتحلمه بفهد جنت نايمه بحضنه وسولفنه وضكت طعم شفته وشميت العطر عليه طلعت ملبست الحجاب لان هو عقد عليه واصلا اني من جان فهد موجود عادي بلاحجاب لفيت شعري ليفوك وطلعت شِفـٍـْت امجد ع القنفه نايم رحت غسلت هو كعد
براء/بابتسامه شاكه حلكي صباح الخير
امجد/ خفت لـ❌ـلا تذكر ليله البارحه
صباح النور شلون صرتي
براء/ بقيت اكمز وفرحانه زينه زينه كولش زينه
امجد / اول مره اشوفها بهالفرح بعد وفاة فهد
براء/امجد تحلمت حلممم بفهد يجنن يجنن والله حسيت بي يمي عبالك حقيقه مو حلم سولفت وياه وسولف وياي وهواي شغلات صارت حلووه ابينه
امجد/بكلبي ﭐﯗﯝﯝﯝﯝﯝﯝڦ😔 هذا حقيقه مو حلم واني مو فهد
براء/لجهال وين
امجد/ابيت خالي

طلعنه نتمشى بالزرع والحديقه والمضار والجو حلوو فتحت شعرها صفنت عليه يجنن طوله ولونه
بقت تركض بن الزرع وشعرها يتطاير عبالك طفله
نعلت الشيطان شبيه كمت افكر هيج ياربي امجد اصحى اصحى هاي مرت اخوك
دزتلنه مرت خالي ريوك والجهال كالو دا يلعبون ماقبلو يجون
تريكنه بالحديقه وهي سرحانه وبالها بغير عالم
كملنه ريوك كولتلها نروح نزور كالت يله
رحنه زرنه الحسين ولنوب العباس بعدها حسيتها اختنكت براء شًٌـبـٰٓـَيُـج
براء/تذكرت اول مره نزور اني وفهد فتنه بهالشارع وهم هيج ازدحام اتذكر شلون جان خايف عليه ولزمني من ايدي يكولي اخاف عليج تضيعين بين الزحمه
ابتسمت بوجهه ولزمت ايدها كولتلها وبصراحه. اني هم خايف عليج تضيعين لان الشارع حيل ازدحام
ومشينه. واني كايدها طبينه بمطعم تغدينه واخذتها للعلقمي كاعدين ع الشط نزلت اركيله ادخن وهي صافنه ع البط جبتلها عصير طبيعي كالت خلي نرجع اشتاقيت للجهال رجعنه كبل لبيت خالي اخذتهم بيبي كالت اخذ مريتك  وروح انه مااروحن وياكم اشتاقيت لبيتي ولحجرتي قصدها غرفتي
براء/من كالت اخذ مريتك اختنكت حزت بنفسي لان اني مريت فهد وبس صبرني ياالهي
اخذنه الجهال ورجعنه للمزرعه بقينه يومين تونسنه خصوصا الجهال مكان واسع وحديقه جبيره يلعبون ولنوب رجعنه للبيت وصلنه ارشد كال ع الخير عفته. وصدت امجد باسه كله تسلم حبيبي
العصر كاعدين بالهول وطبت خالتي وطيبه اول ماطبت طيبه اجتي ع براء مبرووك حب
براء/ اني امون ع طيبه عادي يعني اذا ارزلها متزعل مني. ابد
كولهم كاعدين حته امجد صحت بيها شخبصتوني على الخير ومبروووك ترى احنه ممزوجين ولامحسوب زواج سوينه هيج بس حته انسكت الناس حجيت بعصبيه وصعدت مقهوره حيل سديت باب الغرفه بكل قوتي
امجد/من سمعت حجي براء وصياحها ع طيبه والكلام الي كالته وشلون صعدت وركعت الباب
هنا اني صافن ومخلي ايدي على خدي اشوف الي دا يصير اختنكت حيل ياربي شبيه شغلت سيارتي وطلعت للقاعه بقيت العب حديد وكل شويه ازيد الوزن صديقي كلي شبيك  موزين هلكد تشيل كوتله عوفني بحالي
بقيت لل12 طبيت شبيه معقوله ليلة المزرعه حركت شي بداخلي اتجاه براء لا مسسسستحيل لان هي اصلا جانت مو بوعيها وكل ضنها اني فهد
صفنت والافكار تدور براسي تخايلت براء اني متعرف عليها يعني مو مرت آخـۅيھ وهي زوجتي وحياتنه طبيعيه ومخلفين جهال وهيج تتغزل بيه وتحبني
صحيت ع روحي نعلت الشيطان وكمت سبحت ملوكه ماكو اكيد يم امها سبحت ونمت
...........