الضابط والبرائه

البارت 18

النتيجه كانت فهد نسبته كولش عاليه وزينه واني مابيه شي بس البيوض شويه حجمهن صغير نطتني منشطات وقويات وبس
رجعنه اثنينه مرتاحين آلـْحـمـِْدِّ اللّـٰه مابينه شي بالطريق كولتله خلي نمر لاهلي رحنه اول ماطبينه ماما كالت زين اجيتي جنت ناويه اتصل بيج
براء/خير ماما شّــْْكو
سالفه الطبيبه محد يدري بيها ابد
ماما/خابرونه لبارحه. طلعت اسمائنه للهجره لامريكا
براء/راساً بجيت شنو شتحجين يعني راح تعوفوني وتروحون
ماما/طبعاً لا اسمج ويانه وراح تروحين ويانه
براء/ماما شدا تكولين شلون اروح وفهد ودراستي
ماما /‏بالنسبة لدراستج هناك اتكملين هناك دراسات تمام أحسن من هنانه بالعراق بالنسبة الفهد بس مجرد تستلمين الجنسية ترجعين لفهد تعيشين ويا أمي أحسن هناك مستقبل لكم أنت وإخوانج وانت أصلا ما عندج طفل لحد الآن تكدرين يعني تروحين
براء/‏تمنيت يكون عندي طفل او حتى حامل حتى أحارب أهلي و اكدر أبقى يم فهد معااعرف راح يصير بفهد من راح يسمع بهذا الكلام
بابا فتح الموضوع وي فهد تخبل فهد صارت عيونه بكصته
فهد/‏من أبوها كلي سالفة الهجره واسمها وياهم لازم تروح وياهم ياخذونها منين طلعت لي هاي سالفة تخبلت شلون ياخذها من عندي مستحيل راح اقبل
براء/‏صار جدل كلش قوي بين بابا وماما وفهد بابا وماما يريدون ياخذوني وياهم أسافر وأما فهد كان ما يقبل يكول مستحيل تروح وياكم تبقه يمي هي مرتي ومستحيل اسمح لها تروح ماما تقنعه بأن هناك اكمل دراستي واكدر آجي يعني ابقه اشهر هنا
فهد كلي وانتي شنو رايج
براء/بقيت ساكته مااكدر احجي لااكدر ً أگـِْۈۈل ابقه واكسر ابابا وماما ولااكول اروح واكسر بفهد كولت افكر الله كريم
ماما/بنتي شتفكرين بعد10 ايام عدنه اخر مقابله ويحددولنه موعد السفر
طلعنه من اهلي رجعنه والطريق كله ساكتين اثنينه محد حجه وفهد ضايج ويجر حسرات
وصلنه راساً صعدنه فوك نمنه ومحد يحجي وي الثاني بليل كولش حسيت بفهد حضني من ضهري ومخنوك كوه يحجي حبيبتي صدك تريدين تروحين وتعوفيني شلون اتحمل بدونج برائتي اني متعلق بيج حيل مااكدر ابتعد عنج بالدوام احسب دقيقه دقيقه شوكت ارجعلج لج حته امي وارشد متعلقين بيج شلون تعوفينه وتروحين
براء/اسمع كلامه ودموعي تصب انداريت عليه حضنته
حبيبي راسي راح ينفجر لااكدر اعوفك ولااكدر افارك اهلي شلون تعبت الله ياخذني واخلص
فهد/اسسسس لتدعين ع روحج غير أّمُِوت وراج لتجيبين طاري الموت على اللسانج💔
برائتي خاف اسمحلج تروحين وبعد تلكين حياتج هناك ومتريديني
براء/مستحيل حبيبي مستحيل احد يترس عيني غيرك اني فتحت عيني عليك
بقينه للصبح اخر شي وصلنه لنتيجه اروح وياهم بس مثل كلام ماما آٍجُـٍي ابقه اشهر هنا واتصال 24 سـَـــاعْـه كامره ولازم ابقه ملتزمه بحجابي وهالحجي ميدرون بي اهله
مشت لايام ورحت وي اهلي للمقابله وغصه بكلبي احس
قابلنه وحدد الموعد بشهر التاسع السفر مالتنه 9/10 واحنه هسه بشهر السابع نهاية الشهر جان عيدميلاد فهد سويتله حفله بالغرفه خاصه ابينه واجواء رومانسيه احلى ليلة عيشته بقينه للصبح ماعافني كل ساع يتقربلي ويمكن هاليله كانت منقذه بالنسبه الفهد مرت لايام بيوم جنه كاعدين نتعشه ودخل امجد كالته خاله تًٓعْــّاٰلٍْ يمه تعشه ويانه اني ماكدرت اكوم بقيت كاعده هو كعد ياكل ومدنك راسه حجه فهد كاللهم بشهر التاسع براء راح تسافر تروح من يمنه وحجه كولشي لاهله وفهمهم السالفه خاله وارشد حيل انقهرو اما امجد رفع راسه ع فهد وكله وانت شلون تخلي مرتك تروح وياهم واذا همه اهلها بس انت رجالها وهي بذمتك ولنوب لامريكا كل عقلك اذا راحت ترجعلك بعد ضلينه صافنين اني بقيت مدنكه كام وراساً كال اعذرني تدخلت بشي ميخصني وكبل طب لغرفته. كلنه بقينه ساكتين كملنه عشه صعدنه فوك بعالاثناء صار 1 بشهر ل9 بديت اتحضر وفهد مكابلني ويدخن جكاير ومخنوك
فهد/اشوف براء تتحضر واني احس روحي تطلع مني مربطه ايدي لااكدر امنعها واخليها بوقف كدام اهلها ولا بدي تروح اتمنه تبقه يمي واكول بكلبي معجزه منك ياربي
بليل براء كالت
حبيبي شو الشهريه تاخرت عليه هالمره
فهد /كمزت شكد يعني تاخرت
براء/تقريباً اسبوع
جانت ساعه 9 ونص بليل كمت كبل لبست واخذت سويجي وطلعت كلتلها انتضريني شويه واجي صاحت وراي وين كولتلها بس انتضري
فهد/كلت بالكت حامل حته الكه حجه وامنعها ياربي رحمتك وادعي بكلبي رحت للصيدليه بت اختبار حمل ورجعت نطيته الها وسوت حسب لتعليمات وطلع خطين
يابويه شلتها وكمت افتر بيها ممصدك ولك براء انتي حامل ولج
وهي فرحانه
باجر نسوي تحليل دم ونتاكد
فهد كمت صليت ورسجدت شكر لربي ودعيت يطلع بالدم صدك حمل ثاني يوم اخذتها وطلعت فعلاًحامل وحسب حساب الطبيبه براء حبلت بليله عيد ميلادي
رجعت فرحان بشرت امي وضلت تهلهل وارشد جاب جكليت يطشر ع راس براء ويصيح واخيراً راح اصير عم
اخذتها ورحت لبيتهم
بشرنه اهلها وكولتلهم براء دامها حامل مستحيل تاخذوها
لام/بالعكس أحـسًٓـن ينولد هناك واساً ينطوه جنسيه
فهد/عمه فدووه الكلبج انسى السالفه مستحيل ابني ينولد ويتربى بعيد عليه وبراء متروح
لاب / كال هاي هيه لعد اهم شي براء مقتنعه
براء/اي بابا مااريد اروح اريد اولد ابني يم ابوه اعذرني بابا
لاب/لابنتي حياتج وانتي حره بس جيبولي نسخه من العقد وتقارير طبيبه بخصوص الحمل اقدمهن للسفاره والغي اسمج
ثاني يوم جابله فهد كولشي
وطبعاً ماما اخذت 5 سنوات اجازه بدون راتب كالت من تخلص اجددها لحد مااطلع تقاعد
رجعنه للبيت ورجعت غراضي بمكانهن وفهد يساعدني وفرحان كل ساع يبوسني ويبوس ابطني رحت يم اهلي بقيت لحد ماسافرو قفلو لبيت وعافو نسخه من المفتاح يمي راحو زهلي ودعتهم وانهاريت بجيت كومه وفهد يصبر بيه رجعت كأيبه وحزينه بقيت تقريباً شهر كأبه وحته فهد مطايقته ونساوه عندي فراق اهلي هد حيلي اتواصل وياهم عن طريق الفايبر بس اشتاقيتلهم حيل وجنت. كومه ابجي عليهم حته فهد حسيته تكأب وياي بده الدوام صرت خامس وداومت وبطني يوم عن يوم تكبر وارشد مخلصها تصنيف عليه يصيحلي دعبول لان ثصير وبطني كبيره صارت عرفت بيها بنوته حيل فرحو لان ماعدهم ﺑنات خاله طارت من الفرح وارشد هم وفهد فرح كال اهم شي سلامتكم وتكون تشبهج مااريد شي ارشد يصيح لَيــِْش موتشبه عمها يقصد عليه وفهد يكول ايييع حته تبقه ع كلبي محد ياخذها بدينه نجهز الها وسويتلها غرفه كله وردي تجنن واحلى الملابس جبتلها صار موعد ولادتي بشهر الرابع ومابقه شي ع لامتحانات ولدت بالرابع عمليه بمستشفى الراهبات الاهليه وجبت طفله تجنن نسخه مني سنه 2014 صرنه كال فهد شراح تسميها كولتله بكيفك شالها وكال بنتي تشبه الملاك وراح اسميها ملاك وفعلاً سميناها ملاك بهلاثناء اتصل ع فهد امجد واسمع يكول هسه نازلك كال امجد اجه يباركلنه راح اصعده خاله جانت يمنه معافتني ابد وهي حايره بالطفله وخابرت اهلي بسرتهم وفرحو حيل صارو اجداد واول حفيده الهم صعد امجد جان لابس بنطرون عسكري وبدي اسود ولاول مره اخلي عيني بعينه وهو اول مره يخلي عينه بعيني باركلي وكال شسميتوها كله فهد ملاك راح راد يشيلها كال اخاف خاله خلتها بحضنه وكالت هاي بحضن عمها باسها وهو فرحان بيها ويكول فدووه ملوكه الحلوه طلع 250 الف من جيبه وخلاهن جوه راسها كال مااعوف شجيب هدايه باوعلي وهو مبتسم واول مره اشوفه مبتسم وفرحان عيونه تلمع كال ام ملاك اخذيلها حاجه ذهب وكوليلها من عمج هديه صفنت بوجهه سبحان الخالق هذا فهد مو امجد شبه فضيع ابينهم صارلي فوك لسنتين ابيتهم واول مره انتبه لملامحه نسخه وحده من فهد بس لاختلاف فهد عندي شوارب ثخينه بدون لحيه وامجد عنده لحيه وشوارب خفيفه مو مثل فهد اله باقي المعاني نسخه وحده سبحان الله عبالك تؤام طلعت من المستشفى وبدت الخطار تجي وفهد ذبح ووزع لوجه الله وخالتي تداريني وتداري بنتي بحيث بنتي لاسويتلها ممه ولاحفضتها كوله ع خالتي طايره بيها خطيه ودزيت صورها لاهلي بابا ظل يبجي يكول نسخه منج من جنتي صغيره
صار عمر ملوكه شهر وهنا اجه امجد لفهد
كله.......