الضابط والبرائه

البارت27

وصلنه طبك السياره ونزلنه. دخلنه للحديقه مال حيوانات هو كايد ملوكه واني ادفع علوش بالعربانه طبعاً هنا علوش من يسمع ملوكه تصيح لامجد بابا هو هم بقه يصيحله بابا كعدت ع المسطبه وهو يلعبهم بقيت صافنه ع لالعاب تذكرت بدايه زواجنه فهد جابني واول مره جنه نجي اني وياه وصعدنه للديلاب من انصير ليفوك يبوسني اكوله ولك عيب يكولي محد يشوفونه احنه فوك ويضحك ويصيح احببببج وفرني ع الحيوانات كلها وكايدني من ايدي يخاف عليه لااضيع عبالك طفله واشترالي شعر بنات ويشمر حب للقرد ويضحك عليهمصظ صافنه وذكريات هذاك ليوم مثل لفلم انفتح كدامي لاارادين نزلت دمعتي
امجد/العب بالجهال ونتبهت لبراء صافنه رايحه لغير عالم تقربت منها شِفـٍـْْت دمعتها نزلت
براء شبيج ليش بجيتي ضجتي تريدين نرجع
براء/مسحت عيوني لا ماكو شي بس وسكتت
امجد/ بس شنوو
براء /اختنكت متحملت بجيت وكولتله بس تذكرت من جابني فهد اول مره نجي سوه اني وياه شلون جان طاير بيه فرحته جانت مثل هسه فرحتك انت وملوكه عبالك جايب بنته ويونسها مو مرته
امجد/مردت كلبي اني ماصدكت طلعت حته تغير جو من وفاة فهد وهي طلعاتها بس للنجف عدا من اجوي اخوانها كم طلعه بس طلعت وياهم انقهرت شفتها تبجي مااريدها تنسى فهد بس نفس الوقت مااريدها تكضيها بس بجي وحزن خطيه اشافت من حياتها كلها 22 سنه وتأرملت الي بكدها حته بعدهن ممزوجات

ام علوش كومي نتمشه شويه
اخذنه الجهال وتمشينه
براء/اباوع ع امجد خوفه وحرصه ع الاطفال وشلون طاير بيهم ويلعبهم حمدت ربي لان اطفالي منحرمو من كلمه بابا ولامن حنان لاب وبلاضافه صافنه ع گـِْـِْلِْ حركه لامجد عبالك فهد كدامي تؤام يالله لو تؤام هم مو هلكد شبه حته الحركات الضحكه عينن فهد سبحانك ربي
امجد هالمره شفتها صافنه عليه والله حيرتني هلابنيه اشرر بيدي حته تنتبه
براء/صافنه عليه ودا اتخايل فهد كدامي واتخايله قرحان بجهاله ويلاعبهم ومن اشرلي استحيت حيل وخجلت دنكت كلت هسه خاف ياخذها بغير قصد يربي بس كوتله
براء/امجد تدري شكد شبه قوي بينك وبين فهد
دنك راسه وجر حسره بحزن
ايييي كلش نتشابه اني وفهد وكلها تكلي مو بس انتي
براء/تدري هسه من جنت صافنه عليك تخايلت فهد كدامي وهيج فرحان بجهاله
امجد/دام هالشي يريحج ابقي صافنه عليه شكد متريدين
استحيت ودنكت. بقينه لليل لعبهم كل الالعاب خصوصاً ملوكه هواي تدلل عليه اذا لعبه تعجبها وتخاف هو يصعد وياها مخله شي بنفسها ورجعنه للمطعم اتعشينه ورجعنه للبيت بالطريق ملوكه نامت ليوره تعبت من اللعب وعلوش نايم بحضني
كوتله شكرا
امجد/ع شنو
براء/ع كلشي امجد مااعرف. شلون اتشكرك وبشنو اجازيك وكفت وياي وويه جهالي وماتركتنه ابد صرت الهم عم واب وصديق وسند انت انسان نادر وجوده
سندتني باصعب اوقاتي ومتعاجزت من عدنه تعبت ويانه امجد وكفتك ماانساها طول العمر ربي يجازيك على تعبك ويعوضك بالانسانه الي تستاهلك وبالذريه الصالحه
امجد/براء اول شي ماكو داعي لهل حجي انتم امانة اخوي عندي اخوي بانفاسه لاخيره وصاني عليكم عليج وعلى الجهال واني واعدته اكون الكم اب وسند وعلى طول مااني اشتم الهوه انتم متحتاجون لاحد وربي ينطيني عمر واكدر اسعدكم واحافظ عليكم
وثانياً مال انسانه صالحه وذريه هالسوالف انسيهن اني مستحيل افكر بالزواج
شسوي بالزواج هو اليتزوج. يريد خلفه واني ربي رزقني باجمل ملاك بالدنيه ملوكتي وعلوش روحي من الدنيه همه جهالي
ﻣـﺨـبل افكر بالزواج حته تبعدني عن جهالي مستحيل
براء/كولش نقهرت عليه عمره صار 27 سنه خوما يعدم حياته بدون زواج ينكسر ضهره بس ع جهالي
وصلنه للبيت هو نزل ملوكه واني نزلت علوش صعدته
فوك وهو نيم ملوكه بفراشه نزعتهم احذيتهم وغطيتهم
مشت لايام ع نفس الروتين واني مازلت عايشه بذكريات فهد مر سنه ونص ع وفاة فهد بيبي اجتي يمنه كالت جده انتي الى متى تبقين هيج
براء/شنو بيبي مفتهمت قصدج
بيبي/ قصدي واضح يمه انتي بت بعدج حدثه حمره خضره والعين عليج وعايشه وي شباب صح عمام جهالج بس ينحسبون غرب عليج يايمه
براء/اختنكت حيل شنو بيبي تريديني اطلع من البيت
حسيت نفسي حيل ثكيله عليهم

بيبي يعني شنو متضايقين من وجودي يمهم
بيبي/للا يمه بالعكس انتي مكانج الصح هنا
براء/لعَـدْ شنو بعذ
بيبي/احجيها الج طك بطك بيبي انتي لازم تزوجين
براء/كمت ع حيلي شنووووووو بيبي شدا تحجين اتزوج شنوووووو مستحيلللللللل مستحيلللللللل اتزوج من بـٍْْـٍْ؏ـٍْْد فهد اله ع جثتي
بيبي/ استهدي يمه واكعدي وسمعيني للاخر
موغريب قصدي تتزوجين امجد وهو عم اولادج واولى من الغريب يا يمه الناس ماترحم ولمنه وبينه كام يحجي عليكم عاد الغريب شنو ضلتها وي الشباب وانه مره جبيره وحيلي مهدود مااكدر اظل رايحه وجايه عليكم يمه واذا اعوفنكم الوادم تاكل وجهي ومااقبلها على ولد فاطمه انه صايره مثل بلاع الموس فهميني يايمه
براء/انصدمت انصدمت حيييييل شنو هالتفكير شنوهالحجي واذا عايشين نفس البيت غير كلمن غرفته ليش الناس هيج تفكر يربي
بيبي حته الناس ميحجون اني قررت افتح بيت اهلي واعيش بي وعفتها وكمت
صعدت لغرفتي قفلت لباب بجيت لطمت حضنت صوره فهد يمه فهد لوروو اموووت مااخلي شخص غيرك يلمس شعرايه من شعري اني حلالك الك وبس ملكك الك وبس مستحيل مستحيل واضرب ع رجلي واصيح مستحيل

امجد/ طبيت لكيت بيبي كاعده تسبح بستها من راسها واجتي ملوكه تركض بحضني بستها باباتي ملوكتي فدوه الريحتج وابوس بيها شويه وطلعت بالكراج تلعب لان جبتلها زخليكه ومرجوحه وكميزه بالحديقه تتلهى بيهن

بيبي/يمه امجد انت الى متى تبقه بلا مره
امجد/اهوووو بيبي رجعنه كتلج مااتزوج
بيبي/لَيــِْش يايمه جا انت شنو فرقك عن الشباب والعمر يركض ركض وانه اريد ازوجكم وارتاح حته الله اذا اخذ امانته تتلكاني فاطمه واكلها امنت وحدج يمه مااريد اموتن وبالي يمكم
امجد/بست راسها عمرج طويله حجيه ريحة الغاليه انتي خيمتنه
بيبي/يمه ليش رافض الزواج
امجد/بيبيمااريد اجيب مره وراح تصير مشاكل خصوصا وي ملوكه تدرين ملوكه متعلقه بيه كليلي يا مره تقبل تزوج واحد وينيم بنت اخوه للصبح على ايده اكو وحده تقبل
بيبي/ايي يمه موجوده التقبل
امجد/منو باله
بيبي/امها يمه براء مناقصها شي وحدثه وحليوه جنها لعابه وكل العيون عليها يمه وانت اولى من الغريب
امجد/انصدمت شبيج حجيه شهالحجي براء حسبت اختي تدنه نفسي على مرت فهد اله اطلع عار
بيبي/يمه صح مرت قهد عمت عيني عليه وانت الخاطر فهد لازم تاخذها تذكر بالمستشفى من وصاك عليها
امجد/بيبي واني مد الوصيه ومحافظ ع الامانه ومنقصر وياها بسي ابد
بيبي/يمه جا هو مو كلك خلها تحت جناحك
امجد/اي وخليتها ومحافظ عليها مقصر بشي كليلي
بيبي/يمه تحت جناحك يعني تصير خيالها
امجد/دكافي يابيبي شهالحجي اكو واحد يكول لاخو تزوج مرتي قابل وين كاعدين بيا زمن واني اكثر واحد ادري بفهد شكد يحب براء
بيبي/يمه الوادم كامت تحجي
امجد/بعصبيه منو اليحجي خلي يتجرأ ويحجي بوجهي اله ارجعه بامه. وعلى شنو يحجون
بيبي/يمه الناس الها الضاهر وماتصدك تلكه سالفه يحجون بيها وكلها تكول ولد فاطمه شباب ومرت المرحوم شابه وياهم عايشه ويمه انه تعبت من روحاتي وجياتي يمهداخذها اختطر اخوك وجهاله
امجد/بيبي متدنه نفسي على حلال اخوي وانسي الموضوع وكمت طلعت يم ملوكه وافكر بحجي بيبي وادخن وشلون بحجي الناس يربي وبراء اذا سمعت هالحجي شنو ردت فعلها وهي ميته موت بحب فهد ياااا ربي صبرني
.............