الضابط والبرائه

البارت 20

كمش الجبيره من زندها وعصره حيل كلها
امجد/اسمعي لج آْنَـتي واختج تكعدن بعزا امي محترمات نفسجاً لا ولخلقجن والسماجن والجابجن ع هالدنيه اذا سمعت وحده منجن مسمعه براء حجايه لو غاثاتها اطلعجن جنايز منا ديرين بالج تسمعنها حرف واحد ودنلها ع طرف لتخلني ازوع الي ابطني كله واطلع جيفتجن كدام الكل خلن لسانجن بحلكجن وكافي تذبن سم
امهن تبجي وتصيح خاله شجتك هيج تحجي وي بنات عمك من ورا وحده غريبه وهالحجي مالتها
امجد/الغريبه هاي عرضي مرت اخوي يـعـنـي اختي
فشلن وخصوصاً من كال اطلع جيفتجاً بقن يتراجفن وبقو يحجن لنسوان يله وميخالف وابن عمهن ويمون اليهن يريدن يغطنها كوه
شكد شايفه فهد عصبي بس ابد ميجي لعصبيه امجد لدرجه اني خرطت روحي من الخوف ونفس الوقت ارتاحيت لان لكيت سند اليه ثاني من بـٍْْـٍْ؏ـٍْْد فهد
فهد/ من سمعت بالي مسوي امجد ارتاحيت وكلت كفووو من اخوي سندي
بقيت التهيت بالمعزين وجماعتي كلها اجتي انكلبت كلاب الوادم علينه خوالي رادو يساعدوني بمصاريف الفاتحه ماقبلت كلت دينار مااخذ اني وحدي اشيل فاتحة امي خلصت لفاتحه وشلنه لجادر
دخلنه بالبيت ونص لودام طشت بقت بس كرابتنه
كاعدين بالصاله بيبيتي تنعه وانه واخوتي وخالاتي نبجي موت امي هد حيلنه بليل دزيت ع ملوكه كلتلهم صارلي3 ايام ماشايفها جيبولياه جابها ابن خالي اخذتها بحضني اشمها وابوس بيها باباتي حبيبتي ملوكتي
ملوكه تضحكلي وتناغيلي ابا ابا عود بابا صار عمرها سنه ونص نيتها بحضني غفت اخذتها وصعدت لغرفتي لكيت براء ترتب بالغرفه اخذتها مني ونيمتها بفراشها واجتي يمي نزعتني الغتره والدشداشه كالت طب .حًبيـبي اسبح ارتاح طبيت سبحت وطلعت اتمددت ع الفراش وتذكرت امي وبجيت
براء/رحت حضنته وابوس براسه حبيبي كافي حرام الي دا تسوي هذا اعتراض ع امر ربك خاله جانت مؤمنه بربها واكيد متقبل الي دا تسونه راحت يم رب رحيم وهي طيبه ومتدينه وعلويه ممأذيه بشر هنيئاً الها الجنه
فهد/ارتاحيت شويه ع حجي براء خليت راسي بحضنها
براء بقيتي بس انتي اليه ولاخوتي موتعوفينه حبابه
براء/اششش حبيبي مستحيل وين اعرفكم غير انتم اهلي وعائلتي بقه نايم للصبح بحضني احس حيله مهدود موهينه ابوهم ولنوب امهم كعدته الصبح ينزل يم الناس مشت طشر الناس بقت بس بيبي وخالتهم 2 ومرت خالهم يمنه ملوكه ابتلت بيها بنت خالتهم الي تصير حبيبه ارشد اسمها طيبه واني التهيت تنضيف وتعزيل بس طبخ مااعرف مرت خالهم تطبخ صارت السبعه وهم ناس هواي اجتي وملايه وهالسوالف وذبايح خلصت السبعه بقت بس بيبي يمنه للاربعين وخلال فترهرلاربعين فهد گـِْـِْلِْ جمعه يروح لامه وامجد مرتين راح صارت لاربعين جابو سياره كبيره والكل راحت بس اقاربهم الي بالنجف اجو من هناك رحنه ملوكه مااخذتها بقيتها يم بنت خالتهم رحنه والطريق كوله بيبي تنعه والولد واني نبجي وصلنه للامام زرنه ولنوب رحنه للمقبره وصلنه للقبر وهاي اول مره بحياتي اطب لمقبره المنضر فضيييع نزلنه الولد نامو ع القبر خصوصاً ارشد لان اول مره يزورها بجو كومه ويعاتبونها ليش عافتهم ولنوب راحو ع قبر ابوهن بصفحها هم بجو وبيبي تنعه وكل ساع تتخربط وتصيح الموت اليه مو الج بعدج بعمر الورد يمه فاطمه وتصيح طبعاً خاله اسمها فاطمه شبعو بجي ارشد طك راسه بالحافه مال قبر وبقه راسه ينزف همزين جنت ماخذه خاوليصغير وياي مال ملوكه عفته بيدي خليته ع راسه توقف الدم رجعنه نزلو بمطعم بس لااني ولاالولد ولا بيبي اكلنه شي مالنه نفس رجعنه تعبانين حيل كلها طشت بس بيبي بقت يمنه خابر ع بت خالتهم كولتها بقي ملاك يمك باجر جيبيها  سويتلهم عشه كولشي مااعرف اطبخ ابد حرت شسوي حسيت المسؤليه كلها براسي صارت قطعت طماطه مربعات وطكيت بيض عليها وسويت جاي اجه فهد ضاك شويه غمض عيونه حيل وكال خررب عشيرتج شمسويه كوتله شبيك كال شبيه ملوحتها تسطر ذبيهاحبيبتي واخذ سويج سيارته وطلع جابت من المطعم
اني ضليت حايره بزماني لازم اتعلم الطبخ ميصير يبقوها اكل من بره بقيت اتعلم من ٱڵـڼـ📡ـٍْټْ وكل اكله احربها تفشل رغم امشي ع الخطوات وتفشل شلون يربي بقت خالته تجي تطبخلنه بيتها قريب علينه سياره 10دقايق بينه تجي تطبخ مرك وتخلي بالمجمده وعلمتني ع التمن بقيت اطلع واحمي واسويلهم تمن مرات يصيب ومرات يخيب واذا ارشد موجود هو يسوي تمن أحـسًٓـن مني هنا رجع امجد لتركيا وبيبي رجعت بقينه بس اني وارشد وفهد وبقت خالتهم تطبخلنه متتعاجز ابد خطيه بس اني استحي منها الى مته تبقه تطبخلنه عيب بديت اتعلم وها شويه شويه صرت اعرف وارشد يشجعني طبعاً من يروح فهد نبقه اني وارشد وملوكه نكضيها اكل من برا اخذ سياره امجد هو يستخدمها ونطلع اني وياه ونمر ناخذ بنت خالته ويانه الحب مالته وناكل بره وكله براسي طبعاً بس من يجي فهد اظل اطبخ ارشد داوم كليه اهليه قانون خلاه فهد واني صارت المسؤليه كلها براسي ومنا ملوكه ماكدرت اداوم اجلتها بهالفتره بقت تجي بنت خالته يمنه ادرسها لان سادس وماعدهم امكانيه للخصوصي ابوها شويه وضعه تعبان حته ملابس انطيها مني واكثر شي كل ىااشتري اشتريلها وياي خطيه تفرح بيهن حجيت وي فهد يدخلها مدرسين ع حسابه نفسهم الي دخلنه عدهم اني وارشد انكليزي ورياضيات ودخلها فرحت بقيه المواد اني جنت ادرسها وخلال فتره تجي يمنه عرفت خاله جانت تساعدهم هواي بدون علم احد بقت لسالفه ابالي وكولت لفهد يخصصلهم راتب كل شهر ينطي لخالته. بدون. محد يدري وصدوك كل شهر بقه ينطيها 300 بالبدايه مقبلت بعدين كلها بروح امي ياله وافقت واني ع طول اشتري ملابس لطيبه ولاخوانها هم جانت اذا تجي ادرسها بس اروح انيم ملاك او اسوي شغله انزل الكه ارشد مدخلها للغرفه مالته 😉😐 تطلع لابنيه منتوله هو ولايمه يضحك وهي تستحي مني جنت من اختبر فهد اكوله يضل يضحك يكول شرايده منهم خليهم يستمتعون لو نسيتي ايام النقطه عزززززا ً أگـِْۈۈل شذكرك ولك
فهد/تذكرين من اجتج الشهريه
براء/هههههههه عزززا شصار بيه بوقتها
فهد/ ولطختيالشرشف مالتي خليتيني الفه بعلاكه واذبه
براء/متت ضحك من اتذكر هذاك ليوم
فهد /ف خلي ارشد ع راحته ذيب طالع ع اخوه
براء/ايي صِـَِـَِـَ✿ـَِـَدًوَوَگٍِ😳 علـيك طالع مو ع امجد المعقد
فهد/ امجد  يشمئز من البنات ع كولته ولك اكو واحد يشمئز من الكائنات اللطيفه
خلصناها ضحك وتحشيش ونذكر ايام العلاقه سديت ادخط ومشت حياتنه هيج ملوكه صار عمرها سنتين سوينه ميلاد بسيط سنطه ابينه بس كيكه جبنه خلينه عليها صورتها لان خاله بعدها مدارة سنتها امجد مااجه بـٍْْـٍْ؏ـٍْْد وكل فتره يخابر ع فهد يكوله سلملي ع براء وبوسلي ملوكه حته ع الفيس مانشر بـٍْْـٍْ؏ـٍْْد شي ورا اشهر شِفــٰٰتْ ناشر صورته متغير لحيته كولش طويله صايره ردت اعلق وبطلت مشت حياته وفهد بين الدوام والبيت وكل فتره يروح للنجف مرات نروح للمزرعه اني وياه وملوكه نغير جو هناك وفهد حبه اليه يزيد يوم بـٍْعـٍْْد يوم بكل مره يعيشني اجواء عبالك اول هستوني مزوجين 2016 شهر لتاسع تحديداً دااطبخ ودخت حيل جان فهد موجود كولتله فهد مدري شبيه كال شبيج حبيبتي اخذج لدكتور مريضه بوقتها فايتتني كولت بــَس لا حامل فهد صدووك كيف كولتله بربك هو اني مال اطفال فرح هو ركض للصيدليه ةاب اختبار وصدوك حامل طلعت الفرحه مساعيتي وهم اجلت السنه وبدت تكبر بطني وتعبت بين البيت وملوكه والحمل هالحمل الثاني تعبني حيل اكثر من ملوكه عرفوه الجنس طلع ولد والفرحه فرحتين صار ع فهد راساً سماه علي هو وابطني كولتله شو بكيفك تسمي حجالي شنو قصه لاسم وليش وكايل بس اصير اله اول ولد يسمي علي ناذر ارشد صار مرحله ثانيه وطيبه مرحله اولى تربيه بنات طلعت من دخلت اشهري اجتي ماما يمي جبت علاوي حبيبي هم نسخه مني ومن ملوكه. فهد كال ميصير هيج حته علاوي يشبهج ويضحك جنه بسنه 2017شهر الخامس ماما بقت يمي وتداريني بقت شهرين وعلمتني شلوناكمط الطفل لان ملوكه جانت كوله يم خاله محسيت بيها مشت لايام واحنه نفس الروتين صرنه بشهر ال12 الجو بارد حيل مدفيه الغرفه للجهال ومشكله يوتيوب لملوكه تتفرج وعلوش مخليته ع رجلي اهز بي حته ينام ساعه 10 وثلث اجاني اتصال من رقم غريب كلب حٍيآتـَّـّي كلاب
...........