الضابط والبرائه

البارت 26

تمنيت حلا ونور بعدهن موجودات ويجني يمي
بقيت بالبيت ابد ماطلعت وعايشه وي ذكريات فهد وصوره 24 ساعه اتفرجهن. عايشه بذكرياته كلهن محفورات ابالي سوالفه كولشي كولشي امجد كل يومين ويجي يشوف لجهال ويجبلهم حلويات اما اني مااطلع. اشوفه ابد ولااخابره مجرد مراسله ابينه ع الواتساب كل شويه يدزلي رِســٰالـْـ✉ـٌـه اذا محتاجه شي وابقه اكتبله شلون مشتاقه لفهد كلي بــَس خلصي العنده وابقه كل جمعه اخذج انتي والجهال مر شهر ع العده بهالشهر امجد كل يومين يجي مرات ياخذ ملوكه يمه يبقيها يومين ويرجعها وخالته بقت يمهم بالبيت وتطبخلهم واهتمت بيهم هو وارشد وبيبي تروح وترجع عليهم و3 مرات اجوني لبيت اهلي بيبي وخاله وطيبه وارشد بس ارشد مجنت اشوفه بابا رجع لامريكا بقت ماما يمي امجد كال رايح لتركيا 10 ايام اصفي اموري واجيب غراضي وارجع وبقينه مراسله اني وياه وادزله صور الجهال يوميه وارشد بقه يجي ويجيبلهم حلويات ومسواك لان بابا سافر محد يمنه اخواني يخابروني كل يوميه وكالو بس ترجع امي نجي نشوفج من سافرو وابد مجوي للعراق بعد امجد رجع وجايب كومه هدايه وملابس للجهال وحته اليه جابلي هديه تحفيه شغل يدوي بيها اسمي واسم فهد تجنن واكثر لاوقات ملوكه يمه ياخذها لان تعلقت بي بشكل ولحد لان عبالها هذا ابوها فهد خلصت العده وكولت خلاص ارجع لبيتي ولغرفتي طاك كٓٓلٍٰــْـٍــبْْي عليها ذكرياتي كولها بيها لميت غراضي وغراض الجهال واجه امجد ياخذنه هنا شِفـٍـْْــٰٰتْ امجد شكد متغير لحيته ابد ممزينها كولش طويله صايره ولحد لان لابس اسود بعده منزعه ابد سلم عليه شٍْٰٓـِـٌلٌٍـوٌَِنٍــجً ام علي كوتله الحمدالله وصعدت وماما وياي والجهال وصلنه لكيت بيبي وخاله وطيبه وارشد ينتضرونه باوستهم وبجيت كووومه صعدت لغرفتي طيبه منضفتها ومعطرتها بجيت وفتحت كنتور فهد اكلب بالملابس واحضن بيهن وابجي بلا وعي صعد امجد كلي تحضري باجر ماخذج انتي والجهال واول مره راح اخذهم لجهال لابوهم طلعنه الفجر علوش بحضني وملوكه ليوره وصلنه نزلت كعدت علوش فوك القبر وملوكه متفتهم شي بــَس تباوع ع صورة  ابوها مستغربه بجيت كولتله حبيبي جبتلك جهالك دا تحس بيهم جهالك اجوي يمك اشتاقولك اكيد انت مشتاقلهم علوش صار عمره سنه ويناغي يباوع ع صوره ابوه ويناغيله عبالك يدري ويفتهم بجيت جنت مشتاقتله بشكل وملوكه من شافتني ابجي بقوه خافت. راح تركض لحضن امجد بقيت 3 سـَـــاعْــــــات يمه ورحنه زرنه وتغدينه ورجعنه لكيت ماما متحضره ترجع لامريكا فتحت موضوع وياي كالت تعيشين بتركيا وابقي احمد اخوج يمج ع لاقل بسهوله اكدر اجيج هـْنا امجد اباوع عليه ظل صافن بوجهي منتضر درت فعلي كولتلها لا ماما مستحيل اعوف فهد واروح وملوكه متعلقه بعمامها مااكدر احرمهم منهم
صعدت فوك
راساً اندك لباب كولت منو
امجد/اكدر ادخل
براء/لبست حجابي لان حته من خلصت العده بقيت ملتزمه بحجابي ولبس مستور بالبيت كدام امجد وارشد
كوتله تفضل
امجد/براء عفيه مو تسمعين لكلام امج وتروحين اني مااكدر احجي وياها استحي
هنا لاارادين رفعت حاجبي شنووو شنووو منو اليستحي امجد يستحي مستحيل
امجد ابتسم وحجه بطريقة توسل
فدووه ام علي لـ❌ـلا تروحين بس انتم بقيتولنه من ريحة فهد لاتحرميني من الجهال ملوكه متكدر بدوني ودمعت عينه
اول مره بحياتي اشوف امجد يتوسل باحد
براء/اطمن مستحيل اروح اذا مو كل جمعه اروح لفهد مستحيل اكدر وجهالي يربون بحضن عمامهم
امجد /لاارادين بستها من راسها وكلتلها اصيله والله ونعم مااختار اخوي
براء/طلع امجد وفرحت بكلامه حيل من كال ونعم مااختار اخوي حسيت بفخر لفهد
رجعت ماما وبيبي بقت يمنه مراحت استمرت حياتنه وكل جمعه بالنجف اروح راتب فهد صار باسمي وبقيت اساعد خالته واشتري لطيبه مستلزماتها للدوام اني التزمت بحجابي كل خميس اسوي ثواب لفهد وانطي لهواي ناس وهواي اساعد ناس محتاجه بثواب فهد اول ضحيه اله ذبحناله عجل اجوي اخواني حيل فرحت بجيتهم من اجوي بيبي رجعت. لكربلاء رادو يبقون يم بيت عمي ومخليتهم كولتلهم انتم جاين عليه اريد اشبع شوف منكم تبقون يمي وامجد وارشد هم اصرو يبقون يمنه حضرتلهم غرفه خاله ينامون بيها احمد يبوس بعلوش ويكول ولج يشبهني وصدوك يشبهه لان اني واحمد اصلاً نتشابه بس نشبه ماما وامير يشبه بابا بقو شهر يمي تونست بجيتهم طلعوني غيرولي جو امير اكثر وقته يطلع وي اصدقائه القدامه الهنا وراح للبصره بقه اسبوع يم اصدقائه واحمد صار كلش قريب على ارشد يطبون ويطلعون كوله سوه صارو اصدقاء ياخذه للكوفي وامجد رجع اسس شغله من جًٰـِديد وفتح القاعه مالته مال حديد خلص لشهر ورجعو اخوتي طبعاً من اجوي اشكال جايبين الجهالي ملابس والعاب واليه هم وحته لارشد ولامجد جابو هدايه ملابس ماركه ضجت من راحو اخواني بس لازم يرجعون بعد رجعت بيبي يمنه بقت لحد السنه مال فهد اييي باجر السنه مال حبيبي عفيه اني شلون قويه صبرت سنه على فراكه بس فهد مفاركني ولادقيقه ولالحضه ابددددد بكلشي هو وياي وكل يوميه احضن ملابسه وابجي لحد ماانام  ومرات احلم بي يكولي اني عايش مامتت اني يمج واشوفه يلعب وي الجهال اكثر احلامه يكول اني مامتت واني يمج كلادتها الي هداها اليه الاخيره لحد لان بركبتي ومستحيل انزعها لان هو وصاني كلي لتنزعيها هاي علامة حبي ماله نهايه  سويناله ثواب ورحنه للنجف طلعنه بس سيارتين سياره امجد اني وبيبي والجهال وياه وسياره فهد من جابوها ورا لاربعين رادو يبيعوها وينطوني فلوسها مقبلت كولت تبقه هم ذكرى من فهد وهم تبقه لارشد لان امجد من رجع اخذ سيارته من ارشد صعدو وياه خاله وطيبه واخوانها وبقيه كرايبهم خواله وعماته وعمامه اجوي كبل من هناك حته عباس صديقه هم اجه كعدت يم قبره واتذكر مثل هيج يوم العام دفنته بجيت ولطمت عبالك هستوه ميت نمت فوك قبره عاتبته هوواي انهد حيلي وخروني كوه ورجعنه للبيت رجعت لذكرياتي ولمأساتي تعبت احنه بسنه 2019 شهر الواحد والجو باارد طبعاً ملاك ابد متنام يمي كوله يم امجد متعلقه بي بشكل مو طبيعي وعلوش يمي هنا عمر  ملوكه 4 سنوات ونص تقريباً جنت نايمه بالغرفه اني وعلوش وملوكه كالعاده يم امجد نايمه ساعه 1 سمعت الباب اندك كعدت لكيت امجد كلي ملوكه مصخنه حيل نزلت اركض عليها يمه بنتي جسمها يجوي امجد متخبل عليها ع السريع لبست جبتي وعلوش نايم نزلته يم ارشد وصيته عليه واخذناها للمستشفى اني وامجد طوبناها فحصو حرارتها حيل مرتفه نطوها علاج ويراقبون حالتها كالو اذا ارتفعت بعد درجتين تنشمر الطفله هنا اني نهاريت بجي وادعي ياربي الطف بحال بنتي الطف بحال هاليتيمه لتختبر صبري بعد مااكدر والله وابجي امجد يحاول يهدء بيه هو هم بجه اخذ راسي بين ايده ويكول لتبجين بس ادعيلها مو يكولون دعاء الام مستجاب فدووه لتبجين هسه تطلع ملوكه وتلعب وتركض عليه وتصيح بابا اني كعدت بالكاع كولت فهد اُدُعُي لبنتك اُدُعُي لملاكك بقينه لحد ساعه7 الصبح ياله كالو الحمدالله استقرت حرارتها وتكدرون تطلعونها الف آلـحمدالله يربي اخذت ابنيتي ورجعنه للبيت مقبلت تصعد فوك نامت يم امجد واني بقيت يمها اخــّّـّّاف لاترتفع حرارتها ترجع نايمين ع الجربايه اثنينهم هي تخلي راسها ع ايد امجد وتنام كعدت بالكاع وخليت راسي ع حافه الجربايه وغفيت
امجد/فزيت ساعه9 ونص شفت ملوكه نايمه وبراء خطيه مخليه راسها ع حافت الجربايه متكسره شلتها ع كيفي حته انيمها بصف بتها والغرفه ضواها خافت بس شويه ضوه الشمس من الشباك شو فتحت عينها وبقت صافنه بوجهي
براء/حسيت احد شالني واني بنومي عبالك دا احلم فتحت عيني ع كيف لان ميته نعس شِفـٍـْْــٰٰتْ فهد شايلني معقوله فهودي حبيبي انت بقيت صافنه بوجهه ومن حجه كال شفتج متكسره وماردت اكعدج كلت تاخذين راحتج ع الجربايه
هنا صحيت كولتله هاا انت امجد
استغرب كلي لعد منو قابل
كوتله لا هيج كعدت ع الجربايه وفركت وجهي حيل وظليت استغفر ربي
امجد من شفتها بهالوضع وتفرك وجهه وتكلي انت امجد استغربت ﺸنـٌٍـٍوﯛ قابل جني شايفه
براء/ تفحصت حرارة ملوكه آلـْ ح ـمـِْدِّ اللّـٰھ. مستقره طلعت لغرفه ارشد اشوف علوش نايم يم ارشد واثنينهم فاتحين حلكهم ونايمن ضحكت كلت عابت لهل نومه فاتحين حلكم عبالك جنتو تشتغلون عماله امجد وراي دا يغسل سمعني وضحك سويت ريوك تريكنه اثنينه كال محتاجه شي كوتله سلامتك كال اذا تحتاجين شي خابريني واني ع الغده اجي راح امجد بديت انضف واحضر غده والكل كعد اجه امجد تغدينه كال لملوكه باباتي حبيبتي وين عاجبج اليوم اخذج
كالت للالعاب كلها دتحضري ب4 نطلع هنا ملوكه اجتني ماما تعالي ويانه اصرت صح امجد هواي يطلعها هي وعلوش وياخذها العاب ومطاعم بس مااطلع وياهم ابد بس للنجف نروح سوه امجد كال يله تحضري اخذكم اول مره راح اطلع وياهم لغير روحات النجف
لبست بنطلون اسود ومانتو اسود طويل ولفيت الحجاب طبعاً لحد لان منازعه لاسود ولا حافه نهائياً شكلي كله تغير
صعدنه بالسياره وانطلقنه للزوراء
...........